Fréttablaðið - 14.10.2022, Qupperneq 11

Karl Th.
Birgisson
n Í dag
Ég hef nefnt áður að við góða og
gáfaða fólkið erum almennt til
óþurftar.
Þess vegna er þakkar vert að við
skulum ekki tjá okkur um sumt.
Hér eru fáein dæmi. Bara fáein.
Þau
Í launþegahreyfingunni geisar nú
stríð, sem fæstir skilja. Nema þau
sem næst standa. Ef þá þau.
Sem manni virðist reyndar
sjaldnast vera.
Annað liðið var með Gylfa
Arnbjörnsson á heilanum árum
saman. Hann hætti.
Þá fengu þau Drífu Snædal á
heilann. Hún hætti.
Í þessu liði virðist vera fólk sem
gæti komið af stað slagsmálum í
eins manns símaklefa.
Í hinu liðinu? Ég veit það ekki
enda bara að lýsa upplifun, eins og
nú er í tízku.
Þar virðist fólk þó vilja tala
saman, en þó varla heldur sumir,
og við hin horfum á í forundran.
Samt virðist vera nokkurn
veginn samstaða um markmiðið,
að bæta kjör hinna lægst launuðu,
ekki sízt nýbúa sem sinna störfum
sem innfæddir eru of fínir til að
starfa við.
Stríðið snýst samt ekki um það,
heldur eitthvað allt annað.
Hann
Við tjáum okkur heldur ekki um
hin eilífu mál Jóns Baldvins Hanni-
balssonar.
Í öðru liðinu eru þeir sem hafa
fyrir augunum málafjöld um
stúlkur og konur áratugum saman
og væri beinlínis heimskulegt að
leiða hjá sér.
Í hinu liðinu eru þeir sem líta á
Jón sem meiri háttar stjórnmála-
mann og þess vegna sé allt hitt
slaður eða lygi.
Jón var vissulega mjög mikil-
vægur stjórnmálamaður. EES-
samningurinn var stærsta réttar-
bót í sögu þjóðarinnar, um réttindi
launafólks, umhverfisvernd, eðli-
lega samkeppni á markaði, frjálsa
verzlun og júneimit hvað annað.
EES-samningurinn núllar samt
ekki út allt hitt, sem er meira en
ógeðfellt, svo við stillum okkur um
stærri orð.
Það er snúið fyrir þá, sem eru
ekki í neinu liði.
Þeir
Við tjáum okkur heldur ekki um
þann fjölda fólks – nei, kalla, því
að þetta eru yfirleitt kallar – sem
hefur verið útskúfað og eiginlega
gert ómögulegt að sjá sér farborða,
út af einhverju sem við vitum
oftast ekki nákvæmlega hvað er.
Í öðru liðinu eru þeir sem benda
réttilega á, að viðurstyggileg
hegðun karla gagnvart konum
og ofbeldi í skjóli valda hefur
við geng izt öldum saman, og það
er löngu tímabært að við segjum
hingað og ekki lengra.
Í hinu liðinu eru þeir sem spyrja
um málsatvik. Eru öll þessi mál
eins? Gerði þessi þarna eitthvað
svipað og hinn?
Er nóg að ásaka til að útskúfa?
Í þessu liði spyr fólk ekki endi-
lega um lagareglur og bókstafi,
heldur almenna skynsemi. Jafnvel
hófsemd.
Og spyr líka: Olræt. Útskúfum
níðingunum, en hvað um hina,
sem óljósara er um?
Skítugur á tánum
Og: Ef við útskúfum fólki,
þá verður að vera ljóst hvaða
aðstæður þyrftu að myndast til
þess að við hleypum því aftur inn í
samfélagið.
Þeirrar spurningar hefur aldrei
verið spurt og ennþá síður hefur
henni verið svarað.
Hinir
Við góða fólkið segjum heldur
ekkert um undirliggjandi
útlendingaandúð – stundum líka
beinlínis rasisma og íslamófóbíu
– sem leynist í myrkustu kimum
Sjálfstæðisflokksins, en líka opin-
berum ummælum formanna Mið-
flokksins og Flokks fólksins.
Til Íslands gætu nú þegar flutt
450 milljónir manna frá Evrópu,
hefðu þau áhuga á. Hann virðist
vera takmarkaður og þið megið
gizka á hvers vegna.
Þau forystufólkið tala samt um
stjórnleysi og heimta að reglur séu
hertar til að vísa frá fólki, sem þarf
sárlega á aðstoð að halda.
Þetta er að lágmarki níutíu ára
gamalt stef – við vildum enga
skítuga gyðinga þá – og er síendur-
tekið, af því að við mannfólkið
erum einfaldar skepnur þegar
kemur að hráum tilfinningum og
hugsunum.
Um okkur og þau þarna hin sem
eru öðruvísi.
Við
En hvers vegna segjum við góða og
gáfaða fólkið ekkert um þetta og
svo ótalmargt fleira?
Til dæmis siðleysi Samherja?
Fyrir því geta verið ólíkar
ástæður.
Sumir vilja ekki vera í einhverju
liði. Það er mjög skiljanlegt.
Aðrir – og ég fullyrði að þeir
skipta þúsundum – vilja ekki
tjá sig vegna fúkyrðaflaums og
persónulegra svívirðinga sem því
myndu óhjákvæmilega fylgja. Það
er orðin viðtekin umræðuvenja á
Íslandi.
Svo eru enn aðrir, sem vita að
hver sá sem dýfir fæti ofan í hina
aðskiljanlegu drullupytti umræð-
unnar verður þar með og sjálfkrafa
skítugur á tánum og upp að hnjám.
Þar játa ég sjálfan mig sekan.
Og þess vegna segi ég ekki neitt. n

ORKUSKIPTI Í VÖRUFLUTNINGUM
Eru rafknúin flutningatæki raunhæfur
kostur fyrir sjó- og landflutninga?

Haustráðstefna Vörustjórnunarfélags Íslands
Grand Hótel, þriðjudaginn, 18. október 2022 - Salur: Gullteigur
Fundarstjóri: Thomas Möller, ráðgjafi og stjórnarmaður í Rarik
08:45 Opnun ráðstefnu.

09:00 Orkuskipti í vöruflutningum á landi og á sjó
Gunnar Tryggvason, starfandi hafnarstjóri Faxaflóahafna.
Framsöguerindi um orkuskipti í vöruflutningum.

09:20 Hvernig getum við stutt við orkuskipti í vöruflutningum?
Einar Sigursteinn Bergþórsson, forstöðumaður Orkusviðs N1.
Helstu áskoranir við uppbyggingu þjónustu við rafdrifna vöruflutninga.

09:35 Orkuskipti atvinnutækja
Auðun Freyr Ingvarsson, framkvæmdastjóri VETNIS Iceland ehf.
Nýting á grænu vetni á stór flutningatæki á Íslandi.

09:55 Hleðslulausnir fyrir stærri ökutæki í nútíð og framtíð
Hjalti Sigmundsson, RST Net ehf.
 Um RST Net/Orkuhlöðuna og orkuskiptaverkefni sem við erum að vinna í.
 Hleðslulausnir framtíðarinnar - Megawatt Charging System tengið (MCS).
 Áhrif orkuskipta á leiðarkerfi flutningabíla.
 Áhugaverðar lausnir erlendis (t.d. WattEV).

10:15 KAFFIHLÉ

10:45 Hugleiðingar um orkuskiptin, kröfur og hindranir
Guðmundur Oddgeirsson, Hagar hf.
 Takmarkanir á farmþunga.
 Lausnir sem verða í boði vegna kælingar farmrýmis og vörulyfta í farmrými.
 Hleðslustæði í heimahöfn rekstraraðila, afl heimtauga og hleðslutími.
 Kostnaðarmunur olíu vs. rafmagns að meðtöldum afskriftartíma.

11:00 Orkuskipti vöruflutninga við erfiðar aðstæður
Þorsteinn Másson, framkvæmdastjóri Bláma ehf.

11:10 Ný kynslóð sjálfkeyrandi og rafdrifinna vöruflutningabíla, fjarfyrirlestur
Per-Olof Arnas, Senior Logistics Strategist, Einride AB, Svíþjóð.
 Digital, electric & autonomous - The future of Freight
Gunnar Stefánsson prófessor verður með inngangsorð.

11:45 Áætlanir verða að veruleika
Egill Jóhannsson forstjóri Brimborgar.
Rafknúnir 16-44 tonna vörubílar fyrir orkuskipti í þungaflutningum.
Leiðtogar í orkuskiptum kaupa 23 rafknúna Volvo vörubíla.

12:00 Aðkoma Orkusjóðs að orkuskiptum í vöruflutningum
Ragnar K. Ásmundsson, verkefnisstjóri - Orkusjóður og orkuverkefni.

ORKUSK TI Í
VÖRUFLUTNINGUM
Eru rafknúin flutningatæki raunhæfur
kostur fyrir sjó- og landf utninga?
Haustráðstefna Vörustjórnunarfélags Íslands
Grand Hótel, þriðjudaginn, 18. október 2022 - Salur: Gullteigur
Fundarstjóri: Thomas Mölle , ráð jafi og stjó narmaður í Rarik
08:45 Opnun ráðstefnu.
09:00 Orkuskipti í vöruflutningum á landi og á sjó
Gunnar Tryggvason, starfandi hafnarstjóri Faxaflóahafna.
Framsöguerindi um orkuskipti í vöruflutningum.
09:20 Hvernig getum við stutt við orkuskipti í vöruflutningum?
Einar Sigursteinn Bergþórsson, forstöðumaður Orkusviðs N1.
Helstu áskoranir við uppbyggingu þjónustu við rafdrifna vöruflutninga.
09:35 Orkuskipti atvinnutækja
Auðun Freyr Ingvarsson, framkvæmdastjóri VETNIS Iceland ehf.
Nýting á grænu vetni á stór flutningatæki á Íslandi.

09:55 Hleðslulausnir fyrir stærri ökutæki í nútíð og framtíð
Hjalti Sigmundsson, RST Net ehf.
• Um RST Net/Orkuhlöðuna og orkuskiptaverkefni sem við erum að vinna í.
• Hleðslulausnir framtíðarinnar - Megawatt Charging System tengið (MCS).
• Áhrif orkuskipta á leiðarkerfi flutningabíla.
• Áhugaverðar lausnir erlendis (t.d. WattEV).
10:15 KAFFIHLÉ

10:45 Hugleiðingar um orkuskiptin, kröfur og hindranir
Guðmundur Oddgeirsson, Hagar hf.
• Takmarkanir á farmþunga.
• Lausnir sem verða í boði vegna kælingar farmrýmis og vörulyfta í farmrými.
• Hleðslustæði í heimahöfn rekstraraðila, afl heimtauga og hleðslutími.
• Kostnaðarmunur olíu vs. rafmagns að meðtöldum afskriftartíma.
11:00 Orkuskipti vöruflutninga við erfiðar aðstæður
Þorsteinn Másson, framkvæmdastjóri Bláma ehf.
11:10 Ný kynslóð sjálfkeyrandi og rafdrifinna vöruflutningabíla, fjarfyrirlestur
Per-Olof Arnas, Senior Logistics Strategist, Einride AB, Svíþjóð.
• Digital, electric & autonomous - The uture of Freight
Gunnar Stefánsson prófessor verður með inngangsorð.
11:45 Áætlanir verða að veruleika
Egill Jóhannsson forstjóri Brimborgar.
Rafknúnir 16-44 tonna vörubílar fyrir orkuskipti í þungaflutningum.
Leiðtogar í orkuskiptum kaupa 23 rafknúna Volvo vörubíla.
12:00 Aðkoma Orkusjóðs að orkuskiptum í vöruflutningum
Ragnar K. Ásmundsson, verkefnisstjóri - Orkusjóður og orkuverkefni.
FÖSTUDAGUR 14. október 2022 Skoðun 11FRÉTTABLAÐIÐ