Skessuhorn - 07.09.2022, Side 4

MIÐVIKUDAGUR 7. SEPTEMBER 20224
Garðabraut 2a - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 4.110 krónur með vsk. á mánuði. Elli- og örorkulífeyrisþegar greiða
kr. 3.550. Rafræn áskrift kostar 3.220 kr. Rafræn áskrift til elli- og örorkulífeyrisþega er 2.968 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 950 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Gunnlaug Birta Þorgrímsdóttir gb@skessuhorn.is
Valdimar K. Sigurðsson vaks@skessuhorn.is
Guðrún Jónsdóttir gj@skessuhorn.is
Steinunn Þorvaldsdóttir sth@skessuhorn.is

Auglýsingar og dreifing:
Díana Ósk Heiðarsdóttir auglysingar@skessuhorn.is
Umbrot og hönnun:
Siggi Sigbjörnsson umbrot@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Þegar í pottinn er komið
Í gegnum tíðina hafa sögur úr laxveiðinni oft verið lyginni líkastar. Fyrir
margt löngu var einn afar ýkinn veiðimaður sem breiddi ætíð út arminn
til að sýna hvað laxinn hafi verið gríðarlega langur sem hann missti. Vinir
hans voru sagðir hafa verið orðnir dáldið leiðir á þessum ýkjusögum svo
eitt sinn handjárnuðu þeir hann þegar í veiðihús var komið að kveldi, til að
hann gæti ekki enn einu sinni logið að þeim um lengd fisksins, sem hann
missti. Vinurinn kunni á því ráð, hélt úlnliðunum saman, breiddi út lófana
þannig að mjög langt var milli fingranna og sagði; „strákar, það var svona
langt á milli augnanna á honum!“
Skemmtilegar og lygilegar veiðisögur eru sífellt að líta dagsins ljós, ekki
hvað síst eftir að nú má enginn taka með sér lax í soðið og því er engum
sönnunargögnum til að dreifa. Einn maður uppi á fjalli getur sagt hvað sem
honum dettur í hug þegar heim er komið. Í dag kaupa menn veiðileyfi í
fengsælar veiðiár fyrir tugi ef ekki hundruði þúsunda króna og koma síðan
heim án nokkurra sönnunargagna.
Ungur að árum hafði ég mjög gaman af bæði lax­ og silungsveiði. Efni
og aðstæður gerðu þó illmögulegt að stunda laxveiðar af ástríðu og því
miklu oftar farið í silung. Þá var veitt í kistuna eins og veiðieðli mannsins
og uppeldið sagði að skyldi gera. Ennþá hirða menn oftast þann silung sem
þeir veiða, en annað er uppi á teningnum í laxveiðinni. Í flestum veiðiám er
bannað að taka laxinn með sér heim, honum skal sleppt í ána aftur sé eitt­
hvert lífmark að finna með fiskinum við löndun. Líkleg skýring á þessari
hegðun er sú að eigendur laxveiðiánna eru að spara eðlilegt seiðauppeldi
og því er það eingöngu náttúrulegt klak í ánum sem sinnir hinni sáralitlu
nýliðun sem þarf að eiga sér stað í ljósi þess að sömu laxarnir eru marg­
veiddir. Margir vilja halda því fram að um hreinræktað dýraníð sé að ræða.
Í ljósi umræðu síðustu vikuna eða svo ætla ég þó ekki að taka svo djúpt í
árinni. Engu að síður sá ég eitt sinn niðurstöðu rannsóknar þar sem lax­
veiðihylur var vaktaður. Sýndi hún fram á að sami laxinn var veiddur fjórtán
sinnum. Þar sem fiskurinn var búinn að ákveða að þarna skyldi hann búa
og væntanlega fjölga sér var eina breytingin á atferli hans að hann færði sig
aðeins neðar í hylinn eftir hvert það skipti sem hróðugur veiðimaður fékk
hann til að taka fluguna og sleppa svo aftur eftir mislöng átök.
Af þessari ástæðu lít ég þannig á að lítið sé að marka tölur um veiði í lax­
veiðiánum. Tæknilega þarf ekki nema svona hundrað laxa til að gera þús­
und laxa veiði, ef hver og einn lax er „veiddur“ tíu sinnum. Þannig vita í
raun fæstir eða engir hversu margir laxar raunverulega eru í ánum. Mögu­
lega gefa því laxateljarar bestu vísbendinguna um það. En ef bæði lax­
veiðimennirnir, veiðifélögin og landeigendur eru ánægðir með þetta fyr­
irkomulag getur mér svo sem verið sama. Sjálfur fullnægi ég algjörlega
minni veiðihvöt með silungsveiði af og til og svo með því að veiða þorsk
á Langasandsmiðunum úti fyrir eldhúsglugganum heima hjá mér. Þó dreg
ég ekki dul á það að ég sakna þess að fá alvöru villtan lax í matinn. Eldis­
lax, alinn upp á fiskafóðri í innfjörðum fyrir vestan, er einfaldlega ekki lax
eins og ég var alinn upp við að borða með kartöflum og smjéri. Af eldis­
laxi drýpur óspennandi lýsi og er hann vara sem mér er næst að líkja við
vörusvik.
Það vakti athygli mína fréttaviðtal um helgina við borgarfulltrúa í Reykja­
vík sem jafnframt er veiðiáhugakona. Hún kallar eftir nýrri talningar aðferð
um hvenær lax er veiddur og hvenær ekki. Vill hún meina að lax sé veiddur
ef hann hefur tekið fluguna, þótt ekki væri nema í smá stund. Þessu er ég
náttúrlega algjörlega ósammála, enda er lax ekki veiddur fyrr en hann er
veiddur. Lax er nefnilega veiddur, þegar hann er dauður og annað hvort
kominn í pottinn eða á grillið, borinn fram með kartöflum og smjéri. Og
hana nú.
Magnús Magnússon
Markaður með greiðslumark í
mjólk var haldinn 1. september síð­
astliðinn. Matvælaráðuneytinu bár­
ust 99 gild tilboð um kaup og sölu­
tilboð voru 23. Í gildi er ákvörðun
ráðherra um að hámarksverð skuli
vera þrefalt afurðastöðvaverð sem
við lok tilboðsfrests var 336 kr. fyrir
hvern lítra. Við opnun tilboða kom
fram jafnvægisverð sem er jafnt
hámarksverði. Greiðslumark sem
boðið var til sölu var alls 1.081.826
lítrar, en óskað var eftir að kaupa
tæpa 4,7 milljón lítra. Sérstök
úthlutun til nýliða er 5% af sölu­
tilboðum eða 54.083 lítrar. Fjöldi
gildra kauptilboða frá nýliðum
voru níu. mm/ Ljósm. áþ.
Fjórfalt meiri eftirspurn en
framboð af mjólkurkvóta
Síðustu daga hefur verið sann­
kallað blíðskapar veður á Snæfells­
nesi og því hafa sjómenn getað róið
að undanförnu. Ekki spillir fyrir að
nýtt kvótaár er gengið í gang og
margir bátar byrjaðir aftur veiðar
eftir sumarstopp og kvótaleysi. Mál
sjómanna er að það sé meira en nóg
af fiski í sjónum og menn skilja því
ekki skertar veiðiheimildir. Segja
þeir engu líkara en að það sé stefna
stjórnvalda að knésetja einyrkja og
koma sem mestum aflaheimildum í
hendur stórútgerða. Þetta segja sjó­
menn sem Skessuhorn hefur rætt
við á kajanum og liggur þeim hátt
rómurinn þegar þessi mál ber á
góma.
Aflabrögð hafa verið ágæt að
undanförnu og afli línubáta farið í
15 tonn yfir daginn. Svipað má segja
um dragnótarbáta sem róa á heima­
miðum, en nokkrir eru þegar farnir
til veiða út af Vestfjörðum þar sem
þeir hafa fiskað vel, eins og Magnús
SH sem landaði 27 tonnum af ríga­
þorski í Bolungarvík eftir daginn.
Einnig hefur Saxhamar SH fiskað
vel á svipuðum slóðum. af
Ný og uppfærð vefsíða sameinaðs
sveitarfélags Stykkishólmsbæjar og
Helgafellssveitar var tekin í gagnið
í síðustu viku. Með nýrri síðu er
leitast eftir því að upplýsingar verði
aðgengilegri, viðmót auðveldara
og nýjar veflausnir nýttar. Fundar­
gerðir eru nú felldar inn í síðuna og
notendum gefinn kostur á að vakta
málsnúmer. Síðan er unnin upp úr
gömlu vefsíðu Stykkishólmsbæjar
og á víða eftir að uppfæra texta í
kjölfar sameiningar Stykkishólms­
bæjar og Helgafellssveitar en það
verður gert þegar nafn nýja sveitar­
félagsins liggur fyrir.
Fram kemur á nýju vefsíðunni
að á meðal nýjunga á síðunni megi
nefna glæsilega vefsjá þar sem
finna má húsateikningar, skipulag,
gönguleiðir, örnefni, þjónustu,
afþreyingu og margt fleira. Einnig
er nýtt ábendingakerfi sem gefur
íbúum kost á því að senda inn
ábendingar með staðsetningu, GPS
hniti, og myndum. Kerfið er einfalt
og notendavænt og gerir ekki kröfu
um að notendur þess skrifi langa
texta heldur noti staðsetningu og
mynd til skýringa. Þannig má með
einföldum hætti senda ábendingu
með mynd í gegnum síma og má
því ætla að ábendingum til sveitar­
félagsins fjölgi með tilkomu þessa
kerfis.
Heimasíðan í heild sinni og
virkni hennar er mikilvægt sam­
skiptatæki við íbúa, hún er opin gátt
sveitarfélagsins þar sem nálgast má
allar helstu upplýsingar um starf­
semi sveitarfélagsins, þjónustu og
helstu snertifleti. Vefurinn er þægi­
legur og notendavænn hvort sem
notast er við tölvu, síma eða spjald­
tölvu. Þá var einnig leitast eftir því
að bæta sérstaklega aðgengi sjón­
skertra og aldraðra með því að setja
upp vefþulu, þannig má með ein­
földum hætti hlusta á þuluna lesa
efni af vefnum.
vaks
Gott veður til sjósóknar
í upphafi nýs kvótaárs
Landað úr línubátnum Sverri SH í Ólafsvíkurhöfn.
Ný vefsíða sveitarfélagsins
komin í loftið
Frá höfninni í Stykkishólmi. Ljósm. sá