Skessuhorn - 07.09.2022, Blaðsíða 13

MIÐVIKUDAGUR 7. SEPTEMBER 2022 13
SK
ES
SU
H
O
R
N
2
02
2
Fréttamaður á Vesturlandi
og Vestfjörðum
Fréttastofa RÚV leitar að öflugum fréttamanni í 100% starf á
starfsstöð RÚV í Borgarnesi. Starfið felst í að afla frétta og miðla
þeim í útvarpi, sjónvarpi og á RÚV.is.
Við leitum að metnaðarfullum og sjálfstæðum einstaklingi með fjölbreyttan bakgrunn,
sem á auðvelt með að vinna í hópi, hefur góða framsögn og er vel ritfær. Hjá okkur er
kraftmikið, skapandi og metnaðarfullt umhverfi og fjölbreyttur hópur fréttafólks með
mikla reynslu og þekkingu.
Helstu verkefni
og ábyrgð
• Öflun og vinnsla frétta.
• Miðlun frétta á vef, í
útvarpi og sjónvarpi.
Umsóknarfrestur er til 11. september 2022.
Nánari upplýsingar veita Ágúst Ólafsson, svæðisstjóri, agust.olafsson@ruv.is, og Heiðar Örn
Sigurfinnsson, fréttastjóri, heidar.orn.sigurfinnsson@ruv.is.
Við hvetjum áhugasöm til að sækja um starfið, óháð kyni, uppruna, fötlun eða skertri starfsgetu.
Menntunar- og hæfniskröfur
• Háskólamenntun sem nýtist í starfi.
• Reynsla af blaða- og fréttamennsku æskileg.
• Gott vald á íslenskri tungu og góð tungumálaþekking.
• Góð framsögn.
• Góð tölvukunnátta.
• Færni til að tileinka sér nýja tækni og tölvuforrit.
• Sjálfstæði, frumkvæði og geta til að vinna hratt og vel.
• Góð samskipta- og samstarfshæfni.
Engir tveir dagar eru eins hjá
Hákoni Ásgeirssyni sem í sumar
tók við starfi þjóðgarðsvarðar við
Þjóðgarðinn Snæfellsjökul. Hákon
er fæddur og uppalinn á Akranesi
en hann segir afa sinn hafa kveikt
áhuga sinn fyrir náttúrunni. ,,Upp­
haflega kemur áhuginn á náttúr­
unni frá afa mínum en hann var
alltaf með mér úti í garði. Þaðan
lá svo leiðin í Garðyrkjuskólann en
eftir það nám langaði mig að fræð­
ast meira um náttúruna. Þá fór
ég í Landbúnaðarháskóla Íslands
á Hvanneyri en ég tók bæði BS­
og masterspróf þar í náttúru­ og
umhverfisfræði. Svo kom ég hingað
2006 en þá fór ég á landvarðar­
námskeið hjá Umhverfisstofnun og
vann hér á sumrin í þjóðgarðinum
á meðan ég var í námi, eða í fimm
ár. Ég var svo ráðinn í fullt starf hjá
Umhverfisstofnun 2011 sem sér­
fræðingur á sunnanverðum Vest­
fjörðum. Þar vann ég í fimm ár, m.a.
að friðlýsingu Látrabjargssvæðisins.
Svo fór ég þaðan á Hellu og var þar
með umsjón á miðhálendinu, t.d. að
Fjallabaki,“ segir Hákon sem hóf
síðan störf sín á Snæfellsnesi í júlí
í sumar.
Fjölbreytt og
skemmtilegt starf
Hákon segir starf þjóðgarðsvarðar
mjög fjölbreytt. ,,Þjóðgarðsvörður
hefur megin umsjón með rekstri
þjóðgarðsins, starfsmannahaldi og
passar að fylgja eftir stjórnunar­
og verndaráætlun þjóðgarðsins. Til
dæmis að fræða og upplýsa um sögu
og náttúru svæðisins, vera í sam­
skiptum og samstarfi við samfélagið
og svo rekum við gestastofu á Malar­
rifi. Við erum með 3 til 4 landverði
á sumrin en við erum þrjú í heils­
ársstarfi hérna. Landverðirnir okkar
eru fyrst og fremst í því að fræða og
upplýsa gesti. Þeir sjá um að taka á
móti gestum, bæði á gestastofunni
og úti á svæðum þar sem þeir eru
t.d. með fræðslugöngur. Svo sjá þeir
einnig um viðhald á göngustígum,
hafa eftirlit með því að reglum
þjóðgarðsins sé fylgt og að halda
svæðunum hreinum,“ segir Hákon.
Rík náttúru- og
menningarsaga
Þjóðgarðurinn á Snæfellsnesi er
183 ferkílómetrar að stærð og
honum fylgir einnig friðland milli
Arnarstapa og Hellna ásamt Búða­
hrauni. ,,Þegar við stofnum þjóð­
garð gengur það út á að gera
svæðið aðgengilegt gestum. En
fyrst og fremst náttúruvernd því
svæðið þykir merkilegt vegna nátt­
úrunnar og sögu svæðisins. Í þjóð­
garðinum eru ýmsar gönguleiðir
um söguleg svæði, bæði náttúru­
leg og menningarleg.“ Hákon
segir starfið fjölbreytt sem hentar
honum vel. ,,Það sem er skemmti­
legt við þetta starf er að engir tveir
dagar eru eins. Þó maður sé búinn
að skipuleggja hvernig dagurinn
eigi að vera þá verður hann oft allt
öðruvísi svo það er eiginlega ekki
hægt að lýsa honum. Við starfs­
fólkið byrjum samt alltaf daginn
saman og förum yfir hvað er fram
undan hvern dag, hvaða verkefni
liggja fyrir. Svo fer hvert á sinn stað
en landverðirnir fara á gestastof­
una eða út á svæði,“ segir Hákon
um fyrirkomulag vinnunnar.
Ný Þjóðgarðsmiðstöð
brátt vígð
Hákon segir merk tímamót vera
fram undan þar sem þjóðgarður­
inn fær nýbyggða Þjóðgarðsmið­
stöð afhenta á næstu vikum. ,,Það
eru mjög spennandi tímar fram
undan núna hjá þjóðgarðinum
en við erum að fara að opna nýja
Þjóðgarðsmiðstöð á Hellissandi.
Við erum að fá húsið afhent núna
í september og það er hafin vinna
við undirbúning að sýningu þar en
við stefnum á að geta opnað húsið
fyrir gesti vonandi bara upp úr
áramótum. Þá verðum við komin
með það sem við köllum fyrir­
sýningu en það getur tekið allt að
eitt og hálft ár að undirbúa sýn­
inguna í heild. Við munum svo
opna Þjóðgarðsmiðstöðina með
einhvers konar tilstandi. Það er
mikil spenna í samfélaginu yfir
opnuninni svo við munum klár­
lega opna með pompi og prakt og
bjóða heimamenn og aðra gesti
velkomna. Þetta eru merk tíma­
mót því Þjóðgarðsmiðstöðinni
fylgir fjölgun starfa um nánast
helming af heilsársstörfum svo við
munum geta þjónustað gesti þjóð­
garðsins betur, bæði með nýrri
Þjóðgarðsmiðstöð og fleira starfs­
fólki.“
sþ
Engir tveir dagar eins í Þjóðgarðinum Snæfellsjökli
Hákon Ásgeirsson segir frá nýju starfi sínu sem þjóðgarðsvörður og opnun nýrrar Þjóðgarðsmiðstöðvar
Hákon Ásgeirsson hóf störf sem þjóðgarðsvörður á Snæfellsnesi í sumar. Hann er hér í Friðlandi að Fjallabaki en hann hafði
umsjón með svæðinu árin 2016­2022. Ljósm. aðsend.
Nýbyggt húsnæði nýrrar Þjóðgarðamiðstöðvar á Hellissandi sem mun koma til
með að opna í byrjun næsta árs. Ljósm. gj.