Skessuhorn - 07.09.2022, Síða 10

MIÐVIKUDAGUR 7. SEPTEMBER 202210
Á miðvikudaginn í liðinni viku
setti Steinunn Árnadóttir hesta­
kona í Borgarnesi færslu á Face­
book þar sem hún vakti athygli á
illri meðferð hrossa í hesthúsi í
hverfinu við Vindás í Borgarnesi.
Benti hún á að um vanfóðrun væri
greinilega að ræða auk þess sem
hrossin hefðu ekki verið í haga
í sumar og væru að mestu leyti
lokuð inni í húsi. Þar á meðal væri
hryssa með folald. Steinunn birti
mynd af mjóslegnu tryppi í gerði
við nágrannahesthús sitt. Þar sést
greinilega móta fyrir rifbeinum
dýrsins og það hengir haus.
Málið vakti mikil og sterk við­
brögð samdægurs, bæði almenn­
ings og fjölmiðla. Eftir því sem
næst verður komist hafa ítrekaðar
tilkynningar fólks til eftirlitsaðila
um meinta vanrækslu þarna ekki
orðið til þess að gripið væri inn í
dýrahald viðkomandi aðila, sem
einnig halda skepnur víðar í hér­
aðinu. Matvælastofnun er harð­
lega gagnrýnd.
Á fimmtudag virðist sem skepn­
urnar hafi verið fluttar af svæðinu
nóttina áður og er málið væntan­
lega í höndum lögreglu og Mat­
vælastofnunar. Í Ríkisútvarpinu þá
um morguninn var rætt við Hönnu
Ólínu Þorsteinsdóttur, forstjóra
MAST, sem sagði að árlega bær­
ust fjöldi tilkynninga um illa með­
ferð á dýrum, sérlega þó á hestum
og hundum, enda væru þau dýr hvað
sýnilegust í samfélaginu. Hanna
Ólína gaf ekkert uppi um stöðuna
á þessu tiltekna máli enda myndi
hún ekki fjalla um einstök mál í fjöl­
miðlum. En það er ljóst að þetta mál
hefur vakið mikla hneykslan og að
stofnunin liggur undir ámæli fyrir
að hafa ekki gripið með afgerandi
hætti inn í það á fyrri stigum í sumar,
þegar athygli var vakin á ástandinu.
Borið er við andmælarétti eigenda,
sem virðist í þessu tilfelli alltof mik­
ill á kostnað dýravelferðar. Lesa
má sérstakt svar Matvælastofn­
unar í annarri frétt hér í blaðinu.
Úttekt á eftirliti
með velferð dýra
Ríkisendurskoðun ákvað fimmtu­
daginn 1. september að hefja frum­
kvæðisúttekt á eftirliti Mat­
vælastofnunar með velferð dýra
skv. lögum nr. 55/2013. Þetta var
ákveðið daginn eftir að tilkynnt var
opinberlega um meinta illa meðferð
á hrossum í hesthúsi í Borgar nesi.
„Áætlun um afmörkun og fram­
kvæmd úttektarinnar liggur ekki
fyrir en slík áætlun mun verða
endurskoðuð eftir því sem úttekt­
inni vindur fram. Í því sambandi
er ítrekað að skv. 3. mgr. 1. gr. laga
nr. 46/2016 um ríkisendurskoðanda
og endurskoðun ríkisreikninga er
ríkisendurskoðandi sjálfstæður og
engum háður í störfum sínum og
ákveður sjálfur hvernig hann sinnir
hlutverki sínu samkvæmt lögunum.
Niðurstaða úttektarinnar verður
birt í opinberri skýrslu til Alþingis,“
segir í tilkynningu frá Ríkisendur­
skoðun. gj
Vannærð hross í hesthúsahverfi í Borgarnesi
Myndin sem Steinunn Árnadóttir birti á Facebook síðu sinni sl. miðvikudag af
skinhoruðu tryppi við hesthús í Borgarnesi.
Árni B Bragason á Þorgautsstöðum II leitar fjár. Móra dregin í Sámsstaðadilkinn þar sem Þuríður bóndi var hliðvörður. Féð var almennt í góðum holdum, en menn höfðu á orði að dilkarnir
hafi oft verið stærri, einkum í fyrrasumar.
Systurnar Guðrún og Agnes Guðmundsdætur á Síðumúlaveggjum. Guðmundur á Sámsstöðum og Kjartan á Síðumúlaveggjum með
afkvæmin sín.
Sigvaldi í Hægindi og Jón á Kópareykjum skoða hér ofan í feldinn á
svörtu hrútlambi frá Hofsstöðum sem er undan sæðingarstöðvar­
hrúti sem notaður er til að rækta upp ullargæði.
Guðjón á Síðumúlaveggjum búinn að handsama hrútlamb úr eigu
sinni.
Þorsteinn Erlendsson er hér ásamt fleirum í Kaldárbakkarétt.
Ljósm. aðsend.
Horft yfir Kaldárbakkarétt. Ljósm. Guðmundur Símonarson.
Það viðraði vel fyrir bændur og
bú smala þegar Síðufjallið var
smalað á laugardaginn og fé rekið
til réttar á Nesmel í Hvítársíðu.
Þægileg gola og sextán stiga hiti
gerði daginn fallegan í alla staði.
Síðufjallið er einkum smalað til að
létta á þeim fjárfjölda sem annars
væri rekinn til Þverárréttar um
næstu helgi. Féð í réttinni var að
stærstum hluta frá þremur bæjum;
Sámsstöðum og Bjarnastöðum í
Hvítársíðu og Ásbjarnarstöðum í
Stafholtstungum. Réttarhaldið tók
ekki langan tíma. Skemmtileg til­
breyting var að ísbíllinn renndi í
hlað um svipað leyti og réttin var að
byrja; smölum; bændum og búaliði
þeirra til ómældrar ánægju. Allir
fengu íspinna og jafnvel fleiri en
einn því klára þurfti úr kössunum
því frystir var ekki á staðnum.
Til viðbótar eru einnig tvær ljós­
myndir úr Kaldárbakkarétt í Kol­
beinsstaðahrepp, en þar var réttað á
sunnudag, einnig í blíðskaparveðri.
Skessuhorn hvetur bændur og búalið
til að senda Skessuhorni myndir úr
göngum og réttum, á netfangið
skessuhorn@skessuhorn.is mm
Fyrstu réttir haustsins afstaðnar