Skessuhorn - 07.09.2022, Síða 12

MIÐVIKUDAGUR 7. SEPTEMBER 202212
Fyrirtækið Yggdrasil Carbon
hefur tekið á leigu landspildu sem
tilheyrir jörðinni Ljárskógum í
Dalabyggð og bíður þess að fá
samþykkt framkvæmdaleyfi vegna
skógræktar á jörðinni. Skipulags­
fulltrúi Dalabyggðar vinnur nú
að því með Yggdrasil að teikna
upp það svæði í landi Ljárskóga
sem leggja má undir skógrækt en
Björgvin Stefán Pétursson fram­
kvæmdastjóri Yggdrasils segir að
líklega verði plantað í um 150­180
hektara.
Taka á málið fyrir á næsta fundi
umhverfis­ og skipulagsnefndar
Dalabyggðar og segist Björg­
vin nokkuð viss um að fram­
kvæmdaleyfi fáist að þeim fundi
loknum.
Gætu plantað 400-450
þúsund trjám
Þegar og ef framkvæmdaleyfið
verður samþykkt þarf Yggdrasil
að fá formlega ræktunaráætlun
fyrir svæðið. Þá koma fulltrúar frá
Skógræktinni og taka verkefnið út
og geta þá í framhaldinu ákveðið
hvaða trjátegundir verða gróður­
settar. Í framhaldinu hæfist jarð­
vinna á svæðinu til að undirbúa það
fyrir plöntun trjánna sem myndi
fara fram næsta sumar. Björgvin
segir að líklega verði plantað um
400­450 þúsund trjám á svæðið og
verði það klárað næsta sumar. Sam­
kvæmt honum leggur Yggdrasil
upp með að opna og loka sínum
verkefnum á innan við tveimur
árum. Fyrirætlað er að þetta verk­
efni hefjist með jarðvinnu núna í
haust og ljúki næsta sumar þegar
plöntuninni er lokið.
Hvernig fást vottaðar
kolefniseiningar?
Fyrirtækið vinnur að tengingu
kolefnisfjármála við verkefni sem
stuðla að minnkun losunar eða
bindingu kolefnis og segir á heima­
síðu fyrirtækisins að það sé „gert
með því að beita alþjóðlega viður­
kenndri aðferðafræði við mælingu
raunávinnings einstakra verkefna
sem leiðir til þess að út eru gefnar
vottaðar kolefniseiningar.“ Í ein­
földu máli er ferli þess að gera vott­
aðar kolefniseiningar á þessa leið:
Fyrst er gerð grunnmæling á fyrir­
huguðu framkvæmdasvæði. Þá eru
teknar myndir af svæðinu bæði í
gegnum gervitungl og með drónum
til að sjá hvernig svæðið lítur út
áður en farið er af stað í verkefnið.
Þá hefst hverslags undirbúnings­
vinna, svæðið girt af og jarðvegur­
inn undirbúinn fyrir plöntun. Þegar
búið er að planta trjánum á svæðið
kemur inn vottunar aðili ásamt full­
trúum frá Skógræktinni sem taka út
svæðið og staðfesta að þarna sé búið
að planta. Vottunaraðilinn staðfestir
mælingar á svæðinu, stærð þess og
fjölda plantna og sendir á Loftslags­
skrá Íslands. Loftslagsskráin gefur þá
út það sem kallast kolefniseiningar í
bið en það eru upplýsingar byggðar
á því hvað skógurinn muni væntan­
lega binda mikið magn kolefnis á ári
hverju héðan í frá. Eftir tíu ár og á tíu
ára fresti eftir það kemur fulltrúi frá
fjarkönnunarfyrirtækinu Svarma og
fulltrúi frá Skógræktinni sem mæla
og meta hvað skógurinn er í raun
búinn að binda síðustu 10 ár og þá
eru gefnar út raunverulegar kolefnis­
einingar. Björgvin segir Yggdrasil sjá
fyrir sér að fyrirtæki geti keypt þessar
kolefniseiningar og með því jafnað
rekstur sinn.
Hann segir að kaup á kolefnis­
einingum sé þó ekki auðveld lausn
fyrir fyrirtæki til að halda áfram
mengandi iðnaði. „Fyrirtæki verða
að vera búin að setja upp ein­
hverja stefnu um hvernig þau ætli
að draga úr losun áður en þau fara
að kolefnis jafna sig. Við erum að
hvetja til þess að fyrirtæki minnki
losun eins og hægt er og komi svo
og kaupi einingar hjá okkur til að
jafna út þá losun sem þeir geta ekki
komið í veg fyrir,“ segir Björgvin.
„Vonandi hagnast jörðin
í heild“
Spurður að því hver hagnist af slíku
verkefni eins og um er að ræða hér
svarar Björgvin: „Vonandi hagnast
jörðin í heild og allir sem á henni
búa. Ef við erum að tala um fjár­
hagslegan hagnað þá leggjum við í
Yggdrasil upp með að landeigandi
fái sinn hlut en svo fær Yggdras­
ill líka sinn hlut í þessu.“ Þá bætir
Björgvin við að með verkefni sem
þessu fjölgi störfum á svæðinu, þótt
tímabundið sé. Fyrirtækið er í sam­
tali við verktaka á svæðinu sem ætlar
að vinna jarðvegsvinnuna. Þá þarf
líka fjölda starfsfólks til að planta
trjánum, flytja plönturnar og hugsa
um þær og ætlar Yggdrasil að reyna
að ráða fólk af svæðinu í þau störf.
gbþ
Haustönnin í Landbúnaðar háskóla
Íslands fer vel af stað og þar svífur
alþjóðlegur andi yfir vötnum. Í
haust hóf stærsti hópur skiptinema
hingað til, nám við skólann, en alls
eru þeir 21 talsins frá átta Evrópu­
löndum og búa þeir allir á Hvann­
eyri. Síðasta dag ágústmánaðar
var blásið til alþjóðakaffis í aðal­
byggingu skólans á Hvanneyri sem
kallast Ásgarður. Tilefnið var ekki
aðeins að hafa vettvang til að hitta
og kynnast skiptinemunum því
einnig komu í heimsókn nemar
úr landgræðsluskóla GRÓ sem er
hluti af þekkingarmiðstöð þróunar­
samvinnu. Það má því segja að
starfsemi skólans sé bæði fjölbreytt
og alþjóðleg.
GRÓ LRT
Landgræðsluskólinn, GRÓ LRT,
er samstarfsverkefni utanríkisráðu­
neytisins, Landbúnaðar háskóla
Íslands og Landgræðslunnar og
er markmið hans að þjálfa sér­
fræðinga frá þróunarlöndum sem
glíma við land­ og jarðvegseyðingu
og neikvæð áhrif loftslagsbreytinga.
Þessir nemendur dvelja hér á landi
í sex mánuði. Þau eru nú að ljúka
sinni dvöl og halda heim á leið í lok
september.
GRÓ er heiti á Þekkingarmið­
stöð þróunarsamvinnu og saman­
stendur af fjórum skólum með sér­
staka áherslu á að efla getu stofnana
samtaka og einstaklinga í þróunar­
ríkjum. Landbúnaðarháskólinn
hýsir einn þeirra, Landgræðsluskól­
ann, og eru að þessu sinni 19 nem­
endur frá átta löndum Afríku og
Asíu. Nemendur GRÓ áttu góðan
dag á Hvanneyri en starfsstöð þeirra
er alla jafnan á Keldnaholti í Reykja­
vík. Heimsókninni lauk síðan með
fyrrnefndu alþjóðakaffi.
Nýnemar við skólann
Nú á haustönn hófu yfir hundrað
nýnemar nám við LbhÍ og eru allir
komnir vel af stað, hvort heldur í
staðnámi eða fjarnámi. Margir kjósa
að búa á nemendagörðum á Hvann­
eyri og eru þeir fullnýttir. Í búfræði
eru 26 nýnemar, en fjölmennasti
nýnemahópur grunnnámsins er í
búvísindum eða 19 alls. Auk þeirra
brauta stunda nemendur í grunn­
námi nám í landslagsarkitektúr,
skógfræði, náttúru­ og umhverfis­
fræði og hestafræði. Þá hefur tala
doktorsnema við skólann vaxið mjög
undanfarin ár og eru nú 19 talsins.
Heildarfjöldi nemenda við skól­
ann er um 600 og er það nokkuð
svipað og síðustu ár. Allnokkuð er
af erlendu starfsfólki og nemendum
í framhaldsnámi, alls 25 erlendir
starfsmenn sem koma frá 15
löndum. Í heildina eru 37 erlendir
nemendur við skólann í fullu námi á
öllum skólastigum, þó flestir í fram­
haldsnámi. Í dag eru því fulltrúar frá
öllum heimsálfum utan Ástralíu við
skólann.
Framtíðin björt
Að sögn Rósu Bjarkar Jónsdóttur,
kynningarstjóra skólans, lítur
hún framtíðina björtum augum
og mörg spennandi verkefni og
áhugaverð eru á döfinni. Þar má
sérstaklega nefna háskólanetið
UNIGreen sem Landbúnað­
arháskólinn er aðili að ásamt sjö
öðrum háskólum í Evrópu. Það
verkefni fékk nýverið veglegan
styrk frá Evrópusambandinu til
næstu fjögurra ára og er þegar
hafið.
gj
Stærsti hópur skiptinema á Hvanneyri hingað til
Vonandi hagnast jörðin í heild
Stórfelld skógrækt í Dölum
Margir nemendur kjósa að búa á nemendagörðum á Hvanneyri og eru þeir nú
fullnýttir. Ljósm. mm.
Frá alþjóðakaffinu sem haldið var í Ásgarði í lok síðasta mánaðar. Ljósm. lbhí.
Fimmtán ára plöntur af stafafuru, lerki og birki í vexti í skógrækt á Vesturlandi. Ljósm. mm