Heilbrigðisskýrslur - 05.12.1992, Blaðsíða 20

7. Víðtækt fjölskylduprógram. Bjóða þarf fjölskyldum unglinganna upp á
fræðslu um vímuefnaánetjun og meðvirkni.
8. Eftirmeðferð. Það hefur algera úrslitaþýðingu fyrir bata unglingsins að
boðið sé upp á eftirmeðferð. Þessi eftirmeðferð er ekki aðeins fyrir unglinginn
sjálfan, heldur þarf einnig að bjóða fjölskyldunni upp á áframhaldandi stuðning.
Úrræöi eftir meöferö
Stór hluti þeirra unglinga sem leita sér aðstoðar vegna vímuefnavanda þurfa
á áfangastað að halda að meðferð lokinni, annað hvort tímabundið eða var-
anlega. Af ýmsum ástæðum getur verið erfitt fyrir unglinga að festa rætur á
áfangastöðum fyrir fullorðna alkóhólista (þó vissulega megi finna dæmi þess að
það hafi heppnast vel). Þar sem hér er ekki um eiginlegt meðferðarúrræði að
ræða heldur verið að tryggja unglingunum hentugt heimili að meðferð lokinni.
Er eðlilegt að sveitarfélögin standi að rekstri slíkra áfangastaða. Hér skal bent
á þá leið að Rauði Kross Islands og sveitarfélögin sameinist um rekstur tveggja
áfangastaða (annars fyrir drengi og hins fyrir stúlkur). Rauði Krossinn sæi um
daglegan rekstur en sveitarfélögin legðu fram rekstrarfé.
20