Fréttablaðið - 14.12.2022, Blaðsíða 4

Vinnumálastofnun
spáir 3,2 til 3,4 prósenta
atvinnuleysi í desember.
Formaður fjárlaganefndar
segir meirihluta nefndarinnar
finnast að styðja eigi betur við
einkafyrirtæki á landsbyggð-
inni sem framleiða efni fyrir
sjónvarp. Þess vegna séu þeim
ætlaðar 100 milljónir króna.
gar@frettabladid.is
STJÓRNMÁL Bjarkey Olsen Gunnars-
dóttir, þingmaður Vinstri grænna
og for maður f járlaganef ndar
Alþingis, segir það vilja meirihluta
nefndarinnar að styðja betur við
sjónvarpsframleiðslu einkafyrir-
tækja á landsbyggðinni.
Meirihluti fjárlaganefndar hefur
lagt fram breytingartillögu við fjár-
lagafrumvarp næsta árs sem felur í
sér 100 milljóna króna tímabundið
framlag sem er sérstaklega ætlað
til reksturs einkarekinna fjölmiðla
á landsbyggðinni sem framleiða
eigið efni fyrir sjónvarpsstöð. Alls
verði því úthlutað tæplega 480
milljónum í styrki til einkarekinna
fjölmiðla.
„Af því að við teljum að það sé
full þörf á því að styðja við dreif-
býlismiðlana, og ekki síst þessa
sjónvarpsmiðla sem hafa verið að
reyna að halda úti sjónvarpi um allt
land, það er að segja utan þess sem
RÚV hefur verið að gera,“ svarar
Bjarkey aðspurð um ástæður þessa
sérstaka framlags.
„Við bara leggjum til að fjöl-
miðlar eins og Víkurfréttir og N4 og
aðrir sem eru að framleiða einhvers
konar efni verði styrktir, okkur
finnst bara ástæða til að styðja við
það sérstaklega. Þannig að það er í
rauninni einu rökin,“ segir Bjarkey.
Jón Trausti Reynisson, ritstjóri
Stundarinnar, fjallaði um málið í
stöðufærslu á Facebook í fyrradag.
„Svo vill til að einungis einn fjöl-
miðill á landsbyggðinni heldur úti
sjónvarpsstöð. Það er N4 á Akur-
eyri. Eigendur N4 eru helstu hags-
munaaðilar á Norðurlandi, meðal
annars Kaupfélag Skagfirðinga,
KEA og Samherji,“ skrifar Jón
Trausti og bendir á að N4 hafi í fyrra
fengið rúmar 20 milljónir króna í
styrk frá ríkinu.
„En gæti nú fengið f immfalt
meira, vegna þess að meirihluti
nefndarinnar, sem kemur að meiri-
hluta úr Norðvestur- og Norðaust-
urkjördæmi, álítur hann æskilegri
fjölmiðla en aðra,“ segir ritstjórinn
og vísar þar til þess að fjórir af sex
þingmönnum meirihluta ríkis-
stjórnarf lokkanna eru úr Norð-
vesturkjördæmi eða Norðaustur-
kjördæmi.
„Það liggur alveg fyrir að það
eru ekki margir miðlar sem halda
úti sjónvarpsþáttagerð en það er
ekki bara einn, svo það sé sagt. Við
höfum alla vega fregnir af Víkur-
fréttum og N4 sem halda úti sjón-
varpsþáttagerð,“ segir Bjarkey um
orð ritstjórans.
Þá bendir Bjarkey á að meirihluti
fjárlaganefndarinnar sé samsettur
úr fólki úr Norðvesturkjördæmi,
Norðausturkjördæmi, Suðurlandi
og Suðvesturkjördæmi. „Þannig að
það er líka af höfuðborgarsvæðinu,
bara til að hafa það sagt,“ segir
nefndarformaðurinn.
Aðspurð segir Bjarkey eitt erindi
hafa borist frá landsbyggðarmiðl-
unum vegna þessa sérstaka styrks
sem bæta á við.
„Það kom erindi frá N4 en það
var í rauninni bara ákvörðun okkar
– alveg eins og þegar við vorum að
vinna með rekstrarstuðninginn við
einkarekna fjölmiðla í allsherjar- og
menntamálanefnd, að þá lögðum
við mikla áherslu á að þetta færi
ekki allt saman á stóru miðlana hér
á höfuðborgarsvæðinu. Við vildum
aukinn stuðning við landsbyggðar-
miðlana. Það er ekkert launungar-
mál, það er bara þannig,“ segir
Bjarkey.
Þá tekur Bjarkey fram að það sé
ekki í verkahring fjárlaganefndar
sjálfra að úthluta fjölmiðlastyrkj-
um. „Ráðherrann [Lilja Alfreðs-
dóttir menningarmálaráðherra]
verður með úthlutunarreglur og það
er hennar að vinna úr þessu. Ég hef
ekkert annað að segja um það.“ n
Fjölmiðlar úti á landi sem framleiða
efni fyrir sjónvarp fái 100 milljónir
Úthlutun
fjölmiðlastyrkja 2022
N4, 20,7 milljónir króna.
Víkurfréttir 5,7 milljónir.
Árvakur (Morgunblaðið og
fleira), Torg (Fréttablaðið, DV
og Hringbraut) og Sýn (Stöð 2,
Vísir, Bylgjan og fleira) fengu
66,7 milljónir hver. Stundin
fékk 22,3 milljónir. Alls var
um 380 milljónum úthlutað.
Bjarkey Olsen Gunnarsdóttir, formaður fjárlaganefndar, segir menningar-
málaráðherra setja úthlutunarreglur. FRÉTTABLAÐIÐ/ANTON BRINK
Við teljum að það sé
full þörf á því að styðja
við dreifbýlismiðlana.
Bjarkey Olsen Gunnarsdóttir, for-
maður fjárlaganefndar Alþingis
BARÁTTUKONAN
B IRNA
Einlæg og falleg saga um viðburðaríka ævi Birnu
Þórðardóttur eftir Ingibjörgu Hjartardóttur með
ljósmyndum Rannveigar Einarsdóttur.
LANDSINS MESTA ÚRVAL BÓKA Bókabúð Forlagsins | Fiskislóð 39 | Opið 10–19 alla daga til jóla | www.forlagid.is
ser@frettabladid.is
KJARAMÁL Félag atvinnurekenda
hefur skrifað undir kjarasamning
við VR og Landssamband íslenzkra
verzlunarmanna, sem er í öllum
meginatriðum samhljóða samningi
VR/LÍV við Samtök atvinnulífsins
frá því í fyrradag, en athygli vekur
sérstök bókun um að stjórnvöld
lækki tolla í þágu neytenda.
Þar segir að samningsaðilar sam-
mælist um að óska eftir því við
stjórnvöld að farið verði í vinnu
við að afnema og lækka tolla í þágu
neytenda. „Lækkun tolla er ein skil-
virkasta leiðin til að bæta hag laun-
þega. Að mati samningsaðila væri
góð byrjun að afnema tolla sem
vernda enga hefðbundna innlenda
landbúnaðarframleiðslu,“ segir í
bókuninni.
Tollalækkun skilvirkasta leiðin til að bæta hag launþega
Ólafur
Stephensen,
framkvæmda-
stjóri FA
Óla f u r St ephen sen, f r a m-
kvæmdastjóri Félags atvinnurek-
enda (FA), kveðst fagna því að sátt
hafi náðst á stórum hluta vinnu-
markaðarins við erfiðar aðstæður
verðbólgu og hækkandi vaxtastigs.
„Við munum gera okkar til að
stuðla að því að ná stöðugleika í
verðlagi. Við teljum hins vegar að
stjórnvöld hafi misst af tækifæri til
að tryggja neytendum frekari kjara-
bætur og lækka matvælaverð með
því að kveða á um tollalækkanir í
yfirlýsingu sinni í gær,“ segir Ólafur.
„Við og viðsemjendur okkar
beinum því til ríkisstjórnarinnar
að skoða þau mál,“ segir hann.
„Það er hægt að byrja á tollunum
sem vernda enga hefðbundna inn-
lenda framleiðslu, en þeir eru fjöl-
margir,“ bætir Ólafur Stephensen
við. n
kristinnhaukur@frettabladid.is
ATVINNUMÁL Atvinnuleysi á land-
inu í nóvember mældist 3,3 prósent,
sem er óbreytt frá því í október.
Þetta kemur fram í nýjum tölum
Vinnumálastofnunar. Atvinnuleysi
jókst lítillega á landsbyggðinni þar
sem almennt finnst meira fyrir árs-
tíðabundnum sveiflum.
Útlendingar eru rétt tæpur helm-
ingur af öllum atvinnulausum á skrá
og fleiri karlmenn eru atvinnulausir
en konur. Mest mældist atvinnuleysi
á Suðurnesjum, 5,7 prósent, en það
fór upp í um fjórðung þegar staðan
var sem verst í faraldrinum. n
Áfram lítið
atvinnuleysi
ser@frettabladid.is
MENNTUN Vel yfir 44 þúsund lands-
menn á aldrinum 25 til 64 ára sóttu
sér símenntun á síðasta ári, sem
er talsverð aukning frá árinu þar á
undan, að því er fram kemur í tölum
Hagstofunnar.
Alls stunduðu tæplega 26 þúsund
konur símenntun í fyrra og ríflega
18 þúsund karlar, eða sem nemur
23 prósentum landsmanna, en hlut-
fallið var ríflega 19 af hundraði árið
2020.
Tölurnar sýna að langf lestir
þeirra sem sækja sér símenntun
eru starfandi á vinnumarkaði og
að símenntun eykst með aukinni
menntun. n
Æ fleiri sækja í
símenntun
4 Fréttir 14. desember 2022 MIÐVIKUDAGURFRÉTTABLAÐIÐ