Morgunblaðið - 25.08.2022, Side 28

28 FRÉTTIR
Viðskipti | Atvinnulíf
MORGUNBLAÐIÐ FIMMTUDAGUR 25. ÁGÚST 2022
Fiskislóð • Bíldshöfði • Smáratorg • Helluhraun • Baldursnes
www.gaeludyr.is
Njótið
sumarsins
25. ágúst 2022
Gjaldmiðill Gengi
Dollari 141.13
Sterlingspund 166.11
Kanadadalur 108.37
Dönsk króna 18.837
Norsk króna 14.378
Sænsk króna 13.209
Svissn. franki 145.91
Japanskt jen 1.0276
SDR 183.87
Evra 140.1
Meðalgengi/Viðskiptavog þröng 174.451
« Þorgeir Örlygs-
son, fyrrverandi
forseti Hæsta-
réttar, mun leiða
starfshóp sem falið
er að skoða leiðir
til að skapa eftirliti
samkeppnis- og
neytendamála nýja
stjórnsýslulega
stöðu innan stofn-
anakerfis ríkisins.
Með honum í hópnum eru þau
Angantýr Einarsson bæjarritari og
Svanhildur Hólm Valsdóttir fram-
kvæmdastjóri Viðskiptaráðs.
Það er Lilja Dögg Alfreðsdóttir menn-
ingar- og viðskiptaráðherra sem skipar
starfshópinn en gert er ráð fyrir að
hann skili ráðherra tillögum sínum fyrir
1. febrúar 2023.
Í stjórnarsátmála ríkisstjórnarinnar
kemur fram að stefnt sé að sameiningu
Samkeppniseftirlitsins og Neytenda-
stofu. Þá er einnig stefnt að því að
kannaðir verði eftir atvikum kostir á
sameiningu við aðrar stofnanir, þar
með talið fyrirtækjaskrá, ársreikninga-
skrá og hlutafélagaskrá sem aukið geti
samlegðaráhrif og skilvirkni í opinberu
eftirliti. Í tilkynningu frá menningar- og
viðskiptaráðuneytinu kemur fram að
starfshópurinn muni jafnframt skoða
gildandi ákvæði laga um Samkeppnis-
eftirlitið, einkum um málsmeðferð og
hlutverk stjórnar, og meta fýsileika
þess að sameina Samkeppniseftirlitið
öðrum stofnunum ráðuneytisins.
Hlutverk Samkeppnis-
eftirlitsins endurskoðað
Þorgeir
Örlygsson
STUTT
DAGMÁL
Stefán E. Stefánsson
ses@mbl.is
Vísbendingar eru uppi um að minni
sláttur sé á fasteignamarkaðnum
nú en verið hefur síðustu misseri.
Þrátt fyrir það er sá tónn sleginn í
skilaboðum Seðlabankans að vænta
megi hita á markaðnum næstu
mánuði.
Þetta er mat þeirra Unu Jóns-
dóttur aðalhagfræðings Landsbank-
ans og Jóns Bjarka Bentssonar
aðalhagfræðings Íslandsbanka. Þau
eru gestir Dagmála í dag. Þar er sú
ákvörðun peningastefnunefndar
Seðlabankans að hækka stýrivexti
um 75 punkta til umræðu.
Þótt teikn séu á lofti um að að-
gerðir Seðlabankans frá því undir
lok síðasta árs séu farnar að bíta á
fasteignamarkaðnum eru fleiri
þættir hagkerfisins sem hafa áhrif
til aukinnar verðbólgu og benti Þór-
arinn G. Pétursson aðalhagfræðing-
ur Seðlabankans á það í gær að
mikil spenna á vinnumarkaði væri
áhyggjuefni.
Verðbólgan fari í 10,8%
„Verulegar vísbendingar [eru]
um að hagkerfið sé að ofhitna,“
sagði hann og brá ýmsum í brún.
Koma þessi ummæli í kjölfar þess
að hagspekingar bankans telja nú
að verðbólga muni verða 10,8% á
síðasta fjórðungi ársins. Ítrekaði
Þórarinn einnig að meiri hætta
væri á að hún reyndist meiri en
þetta þegar upp væri staðið en
minni. Þau Una og Jón Bjarki við-
urkenna að hinar versnandi horfur
hafi komið á óvart, ekki síst í ljósi
þess að margt bendir til þess að
fasteignamarkaðurinn sé að kólna
og verð á ýmsum hrávörum hafi
tekið að lækka á ný.
„Það gefur vísbendingu um að
það þurfi að hækka vextina enn
meira enda var það gefið í skyn að
þessu væri ekki lokið þótt verið sé
að taka minna skref en stigið var
síðast. Þá þarf sennilega að stíga
aðeins fastar á bremsuna til þess að
ná verðbólgunni almennilega niður
og þá sérstaklega verðbólguvænt-
ingunum,“ segir Una í samtali í
Dagmálum. Þótt yfirlýsing peninga-
stefnunefndar sé skýr um að herða
þurfi taumhald peningastefnunnar
enn frekar þá var eftir því tekið á
kynningarfundi í Seðlabankanum í
gær að Rannveig Sigurðardóttir að-
stoðarseðlabankastjóri lýsti því yfir
að heppilegast væri að bankinn
hækkaði og lækkaði vexti um 25
punkta í senn. Telja Jón Bjarki og
Una ekki ólíklegt að þar hafi Rann-
veig verið að gefa markaðnum
ákveðin skilaboð um hvers vænta
megi á komandi mánuðum. Pen-
ingastefnunefndin mun tilkynna
tvær vaxtaákvarðanir hið minnsta
fram að áramótum, þ.e. 6. október
og 17. nóvember.
„Verulegar vísbendingar um
að hagkerfið sé að ofhitna“
Morgunblaðið/Hákon
Brjóta heilann Það er ekki vandalaust að stýra Seðlabanka Íslands eins og sést á þessari mynd af þeim Þórarni G.
Péturssyni aðalahagfræðingi bankans og Ásgeiri Jónssyni bankastjóra. Tilkynnt var um hækkun stýrivaxta í gær.
Horfur breytast
» Hagvöxtur reynist meiri en
spáð var í maí síðastliðnum.
» Verðbólguhorfur fara versn-
andi og stefnir bólgan í tveggja
stafa tölu.
» Verðbólguvæntingar til
næstu ára gefa ekki góð fyrir-
heit um að staðan breytist til
batnaðar innan tíðar.
- Óljós skilaboð frá Seðlabanka um raunverulega þróun á fasteignamarkaðnum
Eins og viðskiptavinir Domino’s
Pizza hafa tekið eftir er matsölu-
staður fyrirtækisins í Hraunbæ í
Reykjavík lokaður. Magnús Hafliða-
son forstjóri segir að verið sé að
breyta og bæta. „Við erum að stækka
verslunina til að auka afköst. Meðal
annars er verið að hliðra til fyrir nýj-
um bökunarofni,“ segir Magnús.
Hann segir að opnað verði á nýjan
leik 1. september nk.
„Þangað til er þjónusta í nálægum
búðum okkar,“ segir Magnús.
Spurður nánar um breytinguna
segir hann hana vera andlitslyftingu.
„Við erum að skipta um raflagnir,
setja nýtt gólf o.fl. Við vinnum dag og
nótt að því að ljúka framkvæmdum.“
Spurður hvort aðrar búðir fái svip-
aða andlitslyftingu segir Magnús að
4-5 aðrar búðir séu þar á teikniborð-
inu. Ekkert sé þó fast í hendi um
hverjar þær verði.
Magnús segir að Dominos vinni
stöðugt að því að auka skilvirkni og
þægindi við afhendingu í verslunum.
„Á annatímum getur myndast kraðak
og við viljum einfalda og bæta upplif-
unina.“
Árið lítur ágætlega út
Spurður um rekstur fyrirtækisins
á þessu ári segir Magnús hann líta
ágætlega út. „Við lentum í miklum
kostnaðarhækkunum hjá birgjum
bæði innlendum og erlendum eins og
margir aðrir. Það er eitthvað að róast
núna og ganga til baka – þó ekki að
fullu. En það er góður gangur hjá
okkur. Sumarið var gott og við erum
bjartsýn á síðari hluta ársins.“
Baka Magnús segir að 4-5 aðrar
búðir fái svipaða meðferð.
Staðir Dominos
fá andlitslyftingu
- Hliðra til fyrir
nýjum pítsuofni
- Opna 1. september