Morgunblaðið - 01.10.2022, Side 4

ÚRVAL ÚTSÝN HLÍÐASMÁRI 19, 201 KÓPAVOGUR SÍMI 585-4000 INFO@UU.IS
TRYGGÐU ÞÉR GISTINGU Í TÍMA!
SKÍÐAFRÍ TIL ÍTALÍU
FARARSTJÓRARNIR OKKAR,
ÞAU DINNA OG HELGI TAKA VEL Á
MÓTI YKKUR Í ÍTÖLSKU ÖLPUNUM
VERÐ FRÁ139.900 KR
Á MANN M.V 2 FULLORÐNA OG 1 BARN 21. - 28. JANÚAR 2023
NÁNAR Á UU.IS
INNIFALIÐ ER FLUG, GISTING, FLUTNINGUR Á
SKÍÐABÚNAÐI OG ÍSLENSK FARARSTJÓRN
ERTU MEÐ HÓP?
SENDU OKKUR FYRIRSPURN
Á HOPAR@UU.IS
4 FRÉTTIR
Innlent
MORGUNBLAÐIÐ LAUGARDAGUR 1. OKTÓBER 2022
Margrét Þóra Þórsdóttir
Akureyri
„Ég er þakklát fyrir hversu upp-
byggilegt þingið var. Það var mikil
samheldni ríkjandi og greinilegt að
allir eru tilbúnir að þétta raðirnar
nú eftir mjög erfiðan tíma,“ sagði
Heiða Björg Hilmisdóttir, sem tók
við embætti formanns Sambands
íslenskra sveitarfélaga á þingi þess
á Akureyri í gær. „Ég hlakka til að
takast á við þau verkefni sem
framundan eru í samhentum hópi
sveitarstjórnarfólks. Okkar styrkur
liggur í því hversu ólík við erum en
samstíga,“ segir hún.
Mörg uppfylla ekki viðmið
Heiða Björg segir vanfjármögn-
un í málaflokki fatlaðs fólks, hjúkr-
unarheimila og barna með fjöl-
þættan vanda eitt brýnasta
úrlausnarefnið sem við blasi.
„Það er grafalvarleg staða í
þessum málaflokkum. Ljóst er að
eitt helsta verkefni okkar hjá sam-
bandinu á komandi kjörtímabili
verður að leita lausna og koma
þessum málum á réttan kjöl,“ segir
hún. „Á þessu kjörtímabili þurfum
við að leiða til lykta áratugaum-
ræðu um kostnaðarskiptingu ríkis
og sveitarfélaga. Sveitarfélög hafa
fáa og staðbundna tekjustofna og
hlutur ríkisframlaga er mun minni
en annars staðar á Norðurlönd-
um,“ segir hún en á þinginu var
einróma samþykkt ályktun um þá
grafalvarlegu stöðu sem blasir við
íslenskum sveitarfélögum um þess-
ar mundir.
Heiða Björg segir að á þremur
árum hafi sveitarfélögum, sem ekki
uppfylla lágmarksviðmið um fjár-
hagslega sjálfbærni, fjölgað um
tæplega 40%. Þau eru nú um helm-
ingur sveitarfélaga.
Vanfjármögnun
„Vanfjármögnun vegna þjónustu
við fatlað fólk er ein meginorsök
fjárhagsvanda margra sveitarfé-
laga. Ítarleg greining starfshóps
félagsmálaráðherra um rekstur
málaflokks fatlaðs fólks sýnir að
hallinn á málaflokknum árið 2020
nam 8,9 milljörðum króna. Ætla
má að hallinn nemi nú um 12 til 13
milljörðum króna. Það er áríðandi
að þetta verði leiðrétt strax af því
að þetta er mannréttindamál,“ seg-
ir hún.
Allir tilbúnir að þétta raðirnar
- Ætla má að hallinn á málaflokki fatlaðs fólks nemi nú 12 til 13 milljörðum króna segir Heiða Björg
Morgunblaðið/Margrét Þóra
Nýr formaður Heiða Björg segir samheldni hafa ríkt á nýafstöðnu þingi
sambandsins og allir séu tilbúnir að þétta raðirnar eftir erfiðan tíma.
Útför Ragnars Arnalds, rithöf-
undar, alþingismanns og ráð-
herra, var gerð frá Dómkirkj-
unni í Reykjavík í gær.
Séra Hjálmar Jónsson jarð-
söng.
Líkmenn voru Úlfur Elíasson,
Ólafur Arnalds, Birgir Ármanns-
son, Logi Vígþórsson, Ragnar
Hrafn Logason, Sigurður Stein-
grímur Arnalds, Þórhallur Sig-
urðsson og Stefán Laxdal.
Sara Arnalds, Elín Laxdal og
Hallveig Elíasdóttir, báru kransa.
Kammerkór Grafarvogskirkju
og Huldur Kammerkór sungu við
athöfnina. Einsöngvari var Hall-
veig Rúnarsdóttir og Lára Bryn-
dís Eggertsdóttir var organisti.
Við athöfnina var einnig flutt-
ur sálmur eftir Hallveigu Thorla-
cius, eiginkonu Ragnars, og Láru
Bryndísi Eggertsdóttur. Morgunblaðið/Kristinn Magnússon
Útför
Ragnars
Arnalds
Alþingismenn úr sjö flokkum taka
höndum saman og leggja fram
þingsályktunartillögu um að breyt-
ingar verði gerðar til að heimila
rannsóknir og tilraunir með hug-
víkkandi efnið sílósbín í geðlækn-
ingaskyni. Markmið tillögunnar er
að Ísland verði leiðandi í rannsókn-
um á gagnsemi hugvíkkandi efna í
geðlækningaskyni.
Flutningsmenn tillögunnar eru 22
talsins og tilheyra öllum þingflokk-
um nema Vinstri hreyfingarinnar –
græns framboðs.
Varsla á hugvíkkandi efninu síló-
síbín (psilocybin), sem er virka efnið
í um 250 mismunandi sveppategund-
um, er óheimil samkvæmt 2. gr. laga
um ávana- og fíkniefni.
Í þingsályktunartillögunni segir
að síðustu ár hafi rannsóknum á hug-
víkkandi efnum, sér í lagi sílósíbíni,
fleygt fram samhliða aukinni notkun
efnanna. Benda niðurstöður til þess
að sílósíbín geti valdið straumhvörf-
um í meðhöndlun geðraskana.
Hefur m.a. komið fram að notkun
efnisins við meðferð vegna áfalla-
streituröskunar og annarra úr-
vinnslu áfalla geti verið gagnleg.
Þá geti efnið mögulega skilað ár-
angri við að hjálpa ofdrykkjufólki að
draga úr áfengisneyslu eða hætta al-
farið.
„Alþingi ályktar að fela heilbrigð-
isráðherra, í samstarfi við aðra ráð-
herra er málið snertir, að undirbúa
og leggja til nauðsynlegar breyting-
ar, hvort sem er á lögum, reglugerð-
um eða með öðrum hætti, sem heim-
ila rannsóknir og tilraunir með
hugvíkkandi efnið sílósíbín í geð-
lækningaskyni og skapa skýra um-
gjörð fyrir sérhæfða meðferðaraðila
um notkun efnisins í þeim tilgangi.
Tillögur ráðherra liggi fyrir eigi síð-
ar en á vorþingi 2023,“ segir í tillög-
unni.
Tillaga um hug-
víkkandi efni
- Vilja heimila rannsóknir með sílósíbín
Morgunblaðið/Ómar
Sveppir Hugvíkkandi efnið sílósíbín
má finna í um 250 sveppategundum.