Morgunblaðið - 01.10.2022, Page 44

Orgelhátíð barnanna fer fram í Hallgrímskirkju í dag, 1.
október, frá kl. 12. Hefjast þá orgeltónleikar fyrir alla
fjölskylduna og verða leikin þekktustu orgelverk sög-
unnar ásamt þekktum lögum úr kvikmyndum og Euro-
vision-smellir. Orgelkrakkasmiðjur og orgelspuna-
smiðjur verða einnig í boði kl. 13, 14 og 15 og fer
skráning í þær fram með því að senda tölvupóst á
kristny@hallgrimskirkja.is. Ókeypis er á hátíðina sem
er styrkt af barnamenningarsjóði, tónlistarsjóði og
Þjóðkirkjunni.
Þekkt orgelverk, lög úr kvikmynd-
um og Eurovision-smellir á hátíð
Steinþór Guðbjartsson
steinthor@mbl.is
Tónleikaröðin „Ár íslenska ein-
söngslagsins“ hófst með tónleikum
til heiðurs Jónasi Ingimundarsyni í
Salnum í byrjun september. Verk-
efnið heldur áfram á morgun og
verða sjö tónleikar á um mánaðar-
fresti fram á vor. „Jónas hefur
staðið sig einna best í flutningi á ís-
lenska sönglaginu í gegnum tíðina
og tónleikaröðin er unnin upp úr
hugmyndum hans,“ segir píanó-
leikarinn Eva Þyri Hilmarsdóttir.
Hún er í listræna teymi verkefn-
isins, ásamt Hrönn Þráinsdóttur,
Guðrúnu Dalíu Salómonsdóttur og
Helgu Bryndísi Magnúsdóttur, en
Arna Kristín Sigfúsdóttir er verk-
efnastjóri og Margrét Bóasdóttir
heldur um stjórnartaumana.
Á upphafstónleikunum voru ein-
göngu flutt lög eftir Jónas. „Hug-
myndin þróaðist úr því að vera ein-
ir hátíðartónleikar með blandi í
poka af íslenskum sönglögum í að
vera heil sería,“ segir Eva Þyri. Til
sé aragrúi laga af ýmsum toga og
reynt sé að sýna fjölbreytnina. „Við
verðum með lög sem flestir þekkja
en laumum inn á milli lögum sem
sjaldan eða jafnvel aldrei hafa
heyrst. Þetta er eins konar þver-
skurður einsöngslaga eftir lifandi
og látin tónskáld, konur og karla.“
Hún bætir við að Jón Kristinn
Cortes hafi tölvusett flest lögin og
hafi þau komið út hjá Ísalögum.
Einvalalið
Á hverjum tónleikum, sem hefj-
ast klukkan 13.30 á sunnudögum,
koma fram fjórir einsöngvarar og
tveir píanóleikarar. Á morgun
verða það Bryndís Guðjónsdóttir
sópran, Gissur Páll Gissurarson
tenór, Oddur Arnþór Jónsson bari-
tón og Silja Elsabet Brynjarsdóttir
messósópran auk píanóleikaranna
Ástríðar Öldu Sigurðardóttur og
Evu Þyri Hilmarsdóttur. 30. októ-
ber koma fram Benedikt Krist-
jánsson tenór, Fjölnir Ólafsson
baritón, Hildigunnur Einarsdóttir
messósópran, Sigrún Hjálmtýs-
dóttir sópran og píanóleikararnir
Guðrún Dalía Salómonsdóttir og
Kristján Karl Bragason. Einsöngv-
ararnir Bjarni Thor Kristinsson
bassi, Kolbeinn Ketilsson tenór,
Sigríður Aðalsteinsdóttir messó-
sópran og Þóra Einarsdóttir sópr-
an skemmta gestum 20. nóvember
við píanóleik Helgu Bryndísar
Magnúsdóttur og Kristins Arnar
Kristinssonar. Ekki er búið að raða
listafólki niður á tónleikana eftir
áramót, en þeir verða 22. janúar,
19. febrúar, 19. mars og 23. apríl.
„Við veljum framúrskarandi flytj-
endur í þetta metnaðarfulla verk-
efni og hlökkum til að flytja lögin,“
segir Eva Þyri.
Hugmyndin hefur verið í gerjun
undanfarin ár og vegna sífelldra
samkomutakmarkana í heimsfar-
aldrinum varð verkefnið stöðugt
viðameira, en undirbúningur hófst
af fullum krafti í vor, að sögn Evu
Þyri. „Þetta er eina tónlistarröð
sinnar tegundar um þessar mundir
þar sem aðeins íslenska sönglaginu
er gert hátt undir höfði.“
Metnaður Píanóleikarinn Eva Þyri Hilmarsdóttir er í listrænu teymi verkefnisins „Árs íslenska einsöngslagsins“.
Íslenska sönglagið
- Tónleikaröðin „Ár íslenska einsöngslagsins“ í Salnum
ERTU ÁSKRIFANDI AÐ
MORGUNBLAÐINU?
ÞÁ ERT ÞÚ Í
C-HR
FLOKKI
ALLIR
ÁSKRIFENDUR
ERU SJÁLFKRAFA
Í POTTINUMOG
GETA EIGNAST NÝJAN
TOYOTA C-HR HYBRID
DREGIÐ 24. NÓVEMBER
LAUGARDAGUR 1. OKTÓBER 274. DAGUR ÁRSINS 2022
5 6 9 0 9 0 0 0 0 0 9 0 0
Í lausasölu 1.330 kr.
Áskrift 8.383kr. Helgaráskrift 5.230 kr.
PDF á mbl.is 7.430 kr. iPad-áskrift 7.430 kr.
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Atli Sigurjónsson, kantmaður KR-inga, er efstur í ein-
kunnagjöf Morgunblaðsins, M-gjöfinni, þegar 22 um-
ferðum er lokið af 27 í Bestu deild karla. Hann er með
þrjú M í forskot á næsta mann, auk þess sem tveir af
skæðustu keppinautum hans í einkunnagjöfinni spila
ekki meira með sínum liðum á þessu tímabili. »37
Atli er með forystuna í M-gjöfinni
ÍÞRÓTTIR MENNING