Morgunblaðið - 12.12.2022, Page 18

18 UMRÆÐAN
MORGUNBLAÐIÐ MÁNUDAGUR 12. DESEMBER 2022
Sími 555 2992 og 698 7999
• Við hárlosi
• Mýkir liðina
• Betri næringar-
upptaka
Náttúruolía sem hundar elska
Við höfum notað Dog Nikita hundaolíu fyrir hundana
okkar í 3 ár og við erum ekkert á því að hætta.
Feldurinn á þeim er mjúkur, fallegur og hárlosið á
þeim gengur fyrr yfir. Þófarnir eru mjúkir og sléttir
en ekki harðir og grófir eins og þeir verða oft.Við
mælum með Dog Nikita hundaolíu.
Páll Ingi Haraldsson
EldurÍs hundar
Við mælum með Dog NIKITA hundaolíu
NIKITA hundaolía - Selaolía fyrir hunda
• Gott við exemi
• Betri og sterkari
fætur
Í dag er mér efst í
huga þakklæti til þeirra
sómahjóna Steinþórs
Jónssonar og Hildar Sig-
urðardóttur fyrir þeirra
frábæra framlag til sam-
félagsins hér í Reykja-
nesbæ. Það er ekki sjálf-
gefið að það finnist ein-
staklingar eins og þau
hjón sem tilbúin eru að
leggja bæjarfélaginu lið í
að varðveita sögu gömlu bæjarhús-
anna en það hefur þeim svo sannar-
lega farist vel úr hendi þannig að tekið
er eftir meðal bæjarbúa og gesta. Þá á
ég við endurbætur á Vatnsneshúsi í
Reykjanesbæ, en með samstarfs-
samningi sem þau hafa gert við
Reykjanesbæ hefur verið tryggt að
húsið verði ekki eingöngu gömul saga
fortíðar þeirra er ruddu brautina en
þess í stað endurbættar glæsilegar
söguminjar þar sem for-
tíð og nútíð fara saman
til varðveislu.
Það er ekki ofsögum
sagt um þau hjón að þau
hafi látið hendur standa
fram úr ermum allt frá
því samningar voru
undirritaðir við Reykja-
nesbæ um endurbætur
á húsinu Vatnsnesi enda
hefur það fengið nýja
ásýnd á örfáum vikum;
úr húsi sem var orðið
ansi þreytt útlits og
komið vel til ára sinna í eina mestu bæj-
arprýði Reykjanesbæjar.
Það má segja að betri aðila hefði ekki
verið hægt að kjósa sér í þetta stóra
verkefni því það er í raun alveg sama
hverju þau hjón koma nálægt þegar
kemur að útsjónarsemi og glöggu auga
fagurkera. Það leikur allt í höndunum á
þeim og ber hið glæsilega hótel þeirra
hjóna Hótel Keflavík þess líka glöggt
merki að þar fara saman glæsileiki og
góð umgjörð bæjarprýði Reykjanes-
bæjar.
Með samstarfssamningi sem þess-
um tel ég að gengið sé út frá því að
standa vörð um söguna og hennar gildi
til framtíðar, bæjarbúum og ferða-
þjónustu hér í Reykjanesbæ til heilla.
Að lokum vil ég koma með áskorun til
ráðamanna hér í bæ: Ég vil sjá meira
af þessu, ágætu stjórnendur Reykja-
nesbæjar!
Gleðilega hátíð!
Vatnsneshús í Reykjanesbæ –
endurnýting gamalla húsa
Sigurjón
Hafsteinsson »Með samstarfssamn-
ingi sem þessum tel
ég að gengið sé út frá
því að standa vörð um
söguna og hennar gildi
til framtíðar.
Sigurjón Hafsteinsson
Höfundur er umhverfissinni
og íbúi í Reykjanesbæ.
molikarlinn@simnet.is
Ljósmynd/Steinþór Jónsson
Vatnsneshús eftir breytingar.
Ljósmynd/Vefur Byggðasafns Reykjanesbæjar
Vatnsneshús fyrir breytingar.
Hvert er það afl, sála mín, sem fær
þig til að fara inn í 40 metra langt
rör og blanda súrefni grímulaust
með tvö hundruð öðrum, sitjandi
svo þétt að hvorki er hægt að
hræra legg né lið í fjóra til sex
klukkutíma, hafandi það helst fyrir
stafni að gera táæfingar skólaus til
að koma í veg fyrir blóðtappa og
horfa út um gluggaboru þar sem 60
gráðu frost ríkir utan við rúðuna í
11 km hæð?
Þrengslin á ganginum eru alltaf
að aukast eftir því sem sparnaðar-
þróuninni fleygir fram og ekki
möguleiki að komast fram hjá vögn-
um flugfreyjanna þegar farið er að
pissa, sem gerist að meðaltali helm-
ingi oftar en á jörðu niðri.
Undur hvað freyjurnar standa sig
vel að þjónusta ferðaliðið við þessar
aðstæður allar, sem ekki þættu boð-
legar í neinu veitingahúsi. Þarna
líða þær áfram með bros á vör,
birnuhnút í hári og sinna hvers
manns kvabbi, þótt þær gætu valið
um störf á sjúkrahúsum, skólum
eða því opinbera með sína menntun
og hæfileika. Hvert er það afl sem
fær þær til þess, skyldu það vera
launin?
Sunnlendingur.
Velvakandi Svarað í síma 569-1100 frá kl. 10-12.
Hvert er það afl?
Morgunblaðið/Ólafur K. Magnússon
ÞÚ FINNUR ALLT Á FINNA.IS
VANTAR ÞIG PÍPARA?