Morgunblaðið - 30.12.2022, Qupperneq 24

MORGUNBLAÐIÐ FÖSTUDAGUR 30. DESEMBER 2022
DÆGRADVÖL24
Smiðjuvegi 4C | 200 Kópavogur | Sími 587 2202 | hagblikk@hagblikk.is | hagblikk.is
HAGBLIKK
Álþakrennur
& niðurföll
Þakrennurnar eru frá GRÖVIK VERK í Noregi
Þær eru einfaldar í uppsetningu
HAGBLIKK
Ryðga ekki
Brotna ekki
Litir á lager:
Svart, hvítt, ólitað, rautt
silfurgrátt og dökkgrátt
Til hamingju með daginn
Stjörnuspá
Dúfa Dröfn Ásbjörnsdóttir
40 ÁRA Dúfa er fædd og uppalin á
Sauðárkróki og fluttist þangað aftur
árið 2012. Hún er íþróttafræðingur frá
Laugarvatni, er með UEFA-A gráðu í
fótboltaþjálfun og er íþróttakennari við
Árskóla. Dúfa spilaði með öllum yngri
landsliðum Íslands í bæði fótbolta og
körfubolta og var atvinnumaður einn
vetur með körfuboltafélaginu Gimle í
Bergen. Hún varð Noregsmeistari með
þeim og varð einnig Íslandsmeistari í
fótbolta með Breiðabliki.
FJÖLSKYLDA Dúfa er gift Díönu Dögg
Hreinsdóttur, f. 1982, húsverði í íþrótta-
húsinu á Sauðárkróki. Dætur þeirra eru
Ellen Día, f. 2012, Evey Díana, f. 2015, og Eydís Dimma, f. 2022. Foreldrar
Dúfu eru hjónin Steinunn Hjartardóttir, f. 1948, lyfjafræðingur og kennari,
og Ásbjörn Karlsson, f. 1947, fv. áfangastjóri í Fjölbrautaskóla Norðurlands
vestra. Þau eru búsett á Sauðárkróki.
Nýr borgari
Sauðárkrókur Eydís Dimma Dúfu-
dóttir fæddist 27. júlí 2022 kl. 17.58 á
Sjúkrahúsinu á Akureyri. Hún vó 4.190
g og var 54 cm löng. Foreldrar hennar
eru Dúfa Dröfn Ásbjörnsdóttir og
Díana Dögg Hreinsdóttir.
21.mars - 19. apríl A
HrúturHikaðu ekki við að sýna frumkvæði
í dag.Viðfangsefni sem tengjast ástar-
sambandi eru efst á baugi, ef þú reynir að
spá í eitthvað annað ertu að synda ámóti
straumnum.
20. apríl - 20.maí B
Naut Þú ert óhræddur. Leggðu þig fram við
að sýna dýpt tilfinninga þinna.Gerðu það að
markmiði þínu að sýna öðrumþínar bestu
hliðar.
21.maí - 20. júní C
TvíburarVerið á tánumgagnvart þeim
tækifærum sem kunna að bjóðast.Taktu
öllu sem kemur upp ámeð þolinmæði því
tíminn vinnurmeð þér.
21. júní - 22. júlí D
Krabbi Þú þarft að leysa vandamál sem
krefstmikillar einbeitingar og yfirsýnar.
Klappaðu sjálfum þér á bakið fyrir að leggja
svomikið á þig.
23. júlí - 22. ágúst E
LjónVeltu því fyrir þér hvaða stefnu líf
þitt er að taka og hvert þú stefnir. Ekki lofa
meiru en þú getur staðið við í dag.
23. ágúst - 22. september F
MeyjaÞú þarft að hrista af þér slenið, bretta
upp ermarnar og taka þinn þátt í því sem
gera þarf. Nú er tími til að nota þekkinguna.
23. september - 22. október G
Vog Það er löngu tímabært að þú sýnir
ástvinum þínumhvern hug þú berð til
þeirra. Þér finnst fáránlegt af fólki að röfla
yfir hlutum sem í raun aldrei gerðust.
23. október - 21. nóvember H
Sporðdreki Það er nauðsynlegt að hugsa
vel um líkamann, rækta hann og styrkja.
Vertu viss um að þú sért nægilegamarkviss
í samskiptum við aðra.
22. nóvember - 21. desember I
Bogmaður Þú vilt skipuleggja umhverfi þitt
en um leið kannt þú að fá félaga þinn eða
einhvern nákominn upp ámóti þér. Sá eini
sem tapar á lausmælgi ert þú sjálfur.
22. desember - 19. janúar J
Steingeit Þótt þú lendir í einhverjumótlæti
um skeiðmáttu ekki láta það á þig fá.Allir
bera ábyrgð á sínum eigin gjörðum.
20. janúar - 18. febrúar K
Vatnsberi Það er gott að vera gleðigjafi en
mundu að oft er skammtmilli hláturs og
gráts. Reyndu að fá yfirsýn yfir heildar-
myndina án þess að hafa áhyggjur af
smáatriðunum.
19. febrúar - 20.mars L
Fiskar Þú gerir þér skýra grein fyrir því í dag
að þú verður að taka viðhorf annarrameð í
reikninginn ef þúætlar að námarkmiðum
þínum.Ekki láta deigan síga, þú færð þitt
fram að lokum.
Guðrún Fjeldsted, bóndi og reiðkennari – 70 ára
Enn þámeð reiðskólann
G
uðrún Fjeldsted er
fædd 30. desember
1952 í Reykjavík og
ólst upp í Ferjukoti við
Hvítá í Borgarfirði.
Næmni fyrir náttúrunni er
henni í blóð borin enda af miklum
veiðimönnum komin. Faðir hennar
var annálaður stangveiðimaður.
„Ég drakk í mig veiðibakteríuna
og kraft jökulvatnsins með móður-
mjólkinni.
„Þegar ég var 11 ára kom Skúli
Kristjánsson frá Svignaskarði í
Ferjukot og spurði foreldra mína
að því hvort hann gæti fengið mig
sem knapa á hestinn sinn Tilbera
á Faxaborg í kappreiðar. En for-
eldrar mínir voru alltaf jákvæðir
fyrir að leyfa mér að reyna ein-
hvað nýtt. Ég var yngsti knapinn
sem hafði keppt í kappreiðum og
eitt vandamál þurftum við Skúli
að glíma við, ég var alltof létt,
en ég þurfti að vera 64 kg með
hnakk. Fyrst var látinn sandur í
hnakktösku en það reyndist ekki
vel. Eftir það var saumað vesti
sem hægt var að þyngja með
sandi. Síðan fórum við að setja blý
í hnakkinn.
Seinna meir fór ég að hleypa
hestum fyrir fleiri eigendur með
góðum árangri. Bestum árangri
náði ég á Þjálfa frá Flatey í Horna-
firði, hesti Sveins K. Sveinssonar.
Ég fór víða um land á kappreiðar
og kynntist mörgu góðu fólki.“
Guðrún gekk í barnaskólann
á Varmalandi fyrstu árin og fór
síðan í Gagnfræðiskólann í Borg-
arnesi og bjó þá hjá ömmu sinni.
Árið 1970 eftir gagnfræðipróf fór
Guðrún til Austurríkis fyrir til-
stuðlan Gunnars Bjarnasonar, þar
sem hún vann við íslenska hestinn
og sótti reiðkennslu. Haustið eftir
fór hún í Bændaskólann á Hvann-
eyri. „Ég var eina stúlkan með 78
strákum, þetta var ógleymanlegur
tími.“ Árið 1975 fór hún síðan í
Húsmæðraskólann að Löngumýri
í Skagafirði.
Eftir Hvanneyri gerðist Guðrún
reiðkennari hjá hestamannafélag-
inu Fáki í Reykjavík á veturna í
átta ár. Á sumrin starfaði hún í
23 ár sem leiðsögumaður fyrir
erlenda veiðimenn í Grímsá. „Í frí-
tímanum fór ég með þá á hestbak
og í framhaldi seldi ég þeim hesta
til Bandaríkjanna. Einnig fór ég
fjórar ferðir með reiðnámskeið
til Færeyja og kynntist frábæru
fólki.“
Guðrún gekk í Félag tamninga-
manna 1974 og útskrifaðist sem
reiðkennari frá því félagi. Árið
1972 tók hún að sér að kenna reið-
mennsku á vegum hestamanna-
félagsins Faxa á Faxaborg. Þegar
hún flutti á Ölvaldsstaði 1980, sem
er skammt frá Ferjukoti, flutti
hún reiðskólann þangað og rak
hann síðan þar. „Ég hef alla tíð
haft gríðarlegan áhuga á reiðþjálf-
un fatlaðra og verið í fararbroddi
á því sviði. Ég tel íslenska hestinn
einstakan í þá kennslu. Ég sótti
námskeið í reiðþjálfun fatlaðra hjá
Wilson College í Bandaríkjunum
og lét sérsmíða hnakkinn Seif
sem hefur nýst bæði hérlendis og
erlendis fyrir hreyfihamlaða. Ég
byggði mér einnig reiðskemmu
sem er sérútbúin fyrir fatlaða.“
Guðrún starfaði einnig um skeið
í Skotlandi við tamningar og
þjálfun á íslenskum hestum sem
átti að nota í hálendisferðir. Hún
starfaði sem forðagæslumaður hjá
Búnaðarsamtökum Vesturlands í
40 ár.
Guðrún sat í bæjarstjórn Borg-
arbyggðar og sem formaður
bæjarráðs í fjögur ár. Hún var
formaður Félags hrossabænda á
Vesturlandi í fimm ár og formað-
ur hestamannafélagsins Faxa í
sjö ár. Hún er heiðursfélagi hjá
Hestamannafélaginu Borgfirðingi
og fékk einnig gullmerki Lands-
sambands hestamannafélaga fyrir
vel unnin störf. Hún hefur verið
stjórnarmaður í veiðifélagi Norð-
urár síðastliðin fimm ár og hefur
verið réttarstjóri í Svignaskarðs-
rétt síðastliðin 19 ár. Hún er í
Lionsklúbbnum Öglu í Borgarnesi.
Knapinn Guðrún er enn að keppa og er hér á keppnishestinum sínum, Polka frá Ósi, í apríl í Reiðhöllinni.
Í Hvítá Guðrún við vitjun.
Á FaxaborgGuðrúnmeð foreldrum
sínum á fyrstu kappreiðunum sínum.