Víkurfréttir - 21.04.2022, Blaðsíða 6

Útgefandi: Víkurfréttir ehf. Afgreiðsla og ritstjórn: Krossmói 4a, 4. hæð, 260 Reykjanesbæ, sími 421-0000. Ristjóri og ábyrgðarmaður: Páll Ketilsson, s. 893-3717, pket@vf.is. Fréttastjóri: Hilmar Bragi Bárðarson,
s. 898-2222, hilmar@vf.is Auglýsingastjóri: Andrea Vigdís Theodórsdóttir, s. 421-0001, andrea@vf.is. Blaðamenn: Jóhann Páll Kristbjörnsson og Thelma Hrund Hermannsdóttir. Dagleg stafræn útgáfa: vf.is og kylfingur.is
Grásleppan og gullvagninn
Páskahelginni 2022 lokið og fram-
undan sól og sumarylur, í það
minnsta vonum við það.
Grásleppuvertíðin hófst í apríl.
Nokkrir bátar eru komnir á þær
veiðar og eru aðallega tvö veiði-
svæði sem að bátarnir eru að
stunda veiðarnar. Skammt utan við
Grindavík og á svæðinu í kringum
Hópsnes og síðan utan við Sand-
gerði og áleiðis að Stafnesi. Garpur
RE er aflahæstur bátanna enn sem
komið er og er kominn með 21,1
tonn í fimm róðrum en hann landar
í Grindavík. Þar er er líka Tryllir GK
sem er kominn með 670 kíló í einni
löndun. Í Sandgerði eru nokkrir
bátar komnir á veiðar. Guðrún
GK var t.a.m. með 2,1 tonn í einni
löndun. Ragnar Alfreðs GK með 3,6
tonn í tveimur og Sunna Líf GK 1,8
tonn í einni löndun.
Fyrir páska var þónokkur floti
af línubátum á veiðum utan við
Sandgerði. Bátarnir lágu þar yfir
páskana en eru allir komnir út aftur
og fyrstu tölur eftir páskana benda
til þess að fiskur er þarna fyrir utan.
Hafrafell SU var t.d. með 11,3 tonn
(reyndar þorskur og ýsa, vantar
aukategundir), Sandfell SU 12,2
tonn (líka þorskur og ýsa, vantar
aukategundir). Tölur um aðra báta
voru ekki komnar inn fyrir afla
þeirra núna eftir páskana.
Skoðum aðeins á dragnótabátana
nú í apríl. Aðalbjörg RE er með 39
tonn í fimm löndunum, Maggý VE
með 33 tonn í fjórum, Benni Sæm
GK 9,1 tonn í einni, Sigurfari GK 19
tonn í einni og Siggi Bjarna GK 8,8
tonn í einni löndun.
Hjá netabátunum núna í apríl
þá er Erling KE kominn með 199
tonn í ellefu róðrum. Grímsnes GK
80 tonn í níu, Maron GK 58 tonn í
níu, Halldór Afi GK 18 tonn í fimm
róðrum og eru þá netabátarnir upp-
taldir.
Hjá línubátunum er Sighvatur GK
með 236 tonn í tveimur en helm-
ingur af þessum afla var landað í
Grundarfirði. Fjölnir GK 233 tonn
í þremur róðrum, Valdimar GK
224 tonn í þremur róðrum, Páll
Jónsson GK 171 tonn í tveimur og
landaði hann meðal annars á Skaga-
strönd. Valdimar GK, Sighvatur GK
og Fjölnir GK voru allir á veiðum
djúpt úti frá Sandgerði.
Af minni bátnum þá er Sandfell
SU með 148 tonn í tólf löndunum,
Hafrafell SU 151 tonn í tólf, Kristján
HF 116 tonn í níu, Vésteinn GK 111
tonn í tíu, Indriði Kristins BA 102
tonn í átta og Gísli Súrsson GK
98 tonn í níu, allir að landa bæði í
Grindavík og Sandgerði,
Háey I ÞH, sem er nýjasti línubát-
urinn í 30 tonna flokknum, var með
80 tonn í fimm og landaði Háey I
þessum afla í Grindavík. Þar voru
líka Sævík GK með 57 tonn í sex
löndunum, Daðey GK 55 tonn í sex,
Margrét GK með 54 tonn í sex og
Hulda GK 51 tonn í sjö róðrum.
Aðeins meira varðandi þennan
bát Háey I ÞH, báturinn er smíð-
aður á nokkuð sérstökum stað.
Hann var smíðaður hjá Víking
en það fyrirtæki er staðsett á
Esjumelum í Mosfellsbæ og er
ansi langt frá sjó. Enginn höfn er í
þarna nálægt og því var leitað til
Skipasmíðastöðvar Njarðvíkur og
fenginn dráttarvél og vagn sem hún
dregur, sem í daglegu tali er kall-
aður gullvagninn. Saman fór þessi
hersing alla leið frá Njarðvík og upp
í Mosfellsbæ og sótti bátinn Háey I
ÞH og dró hann í Grafarvoginn þar
sem að báturinn var settur á flot á
háflóði. Tveir minni bátar voru til
aðstoðar gullvagninum frá Njarðvík
til að draga bátinn út. Gekk það
vel og hefur útgerð bátsins gengið
nokkuð vel en hann er gerður út af
GPG á Húsavík.
aFlaFrÉttir á SuÐurNESJum
Gísli Reynisson
gisli@aflafrettir.is
Vilja aukna samvinnu
vegna atvinnuleitenda með
skerta starfsgetu
Stjórn Sambands sveitarfélaga á
Suðurnesjum (SSS) hvetur aðildar-
sveitarfélög sín til að skoða hvort
þau geti aukið samvinnu við Vinnu-
málastofnun vegna atvinnuleitenda
með skerta starfsgetu. Þetta kemur
fram í bókun frá SSS.
Bæjarráð Grindavíkur tekur undir
bókun SSS og mun halda áfram að
taka þátt í þessu átaki hér eftir sem
hingað til.
Óheimilt er að byggja hús eða mann-
virki sem skyggt gætu á Vatnsnesvita
„Óheimilt er að byggja hús eða
mannvirki sem skyggt gætu á
leiðarmerki frá sjónum á þeim boga
sjóndeildarhringsins þar sem því
er ætlað að þjóna sjófarendum, og
hæfilega langt til beggja handa.
Getur [Vegagerðin] látið rífa húsið
eða mannvirkið á kostnað eiganda
þess ef brotið er á móti þessu.“
Þetta kemur fram í afgreiðslu
hafnarstjórnar Reykjanesbæjar
sem samþykkt var samhljóða sem
svar við fyrirspurn frá Jóni Stefáni
Einarssyni, arkitekt, um áhrifasvæði
Vatnsnesvita í tengslum við upp-
byggingu á Vatnsnesinu.
Íbúum fjölgar mest á Suður­
nesjum og Suðurlandi
Íbúum fjölgaði mest á Suðurnesjum
(3,2%) og Suðurlandi (3,3%) á síð-
asta ári en landsmeðaltal var 2,0%.
Þetta kemur fram í nýjum upplýs-
ingum um mannfjölda frá Hagstofu
Íslands fyrir 1. janúar 2022.
Skemmtiferðaskip úti fyrir Vatnsnesi. VF-mynd: Hilmar Bragi
Frá Grindavík.
Skátar halda í hefðir á sumardaginn fyrsta
Skrúðganga skáta á
Hafnargötu árið 2007
Þessa gömlu mynd fundum við í myndasafni
okkar á Víkurfréttum og hefur væntanlega
fylgt viðtali í blaðinu fyrir mörgum
árum. Þekkið þið fólkið á myndinni?
Fylking skáta úr Heiðabúum gengur niður
Faxabraut á sumardaginn fyrsta árið 2009 Heiðabúar á leið í skátamessu árið 2004
Skátar í skrúðgöngu niður
Hafnargötu fyrir liðlega
30 árum eða svo ...
Það er ekki alltaf sól í minningunni frá sumardeginum fyrsta ...
Skátar í skátafélaginu Heiðabúum hafa haldið í þá góðu hefð
að ganga fylktu liði í skrúðgöngu um Keflavík á sumardaginn
fyrsta. Skrúðgangan endar svo við Keflavíkurkirkju þar
sem haldin er skátamessa. Hér eru nokkrar myndir úr safni
Víkurfrétta frá skrúðgöngum skáta í gegnum tíðina.
6 // VíKurFrÉttir á SuÐurNESJum