Víkurfréttir - 21.04.2022, Page 13

Axel Gunnarsson er íbúi í Sveitarfélaginu Vogum en þangað flutti hann frá Hafnarfirði.
Axel er upprunalega frá München í Þýskalandi og hefur búið á Íslandi í tvo áratugi. Um-
kringdur fallegri náttúru sem heillar hann þá samdi Axel ljóð um Keili, helsta kennileiti
sveitarfélagsins sem hann býr í.
Þar sem íslenska er ekki móðurmál Axels þá naut hann aðstoðar frá rithöfundinum Stein-
unni B. Jóhannesdóttur og frá félögum í kór Kálfatjarnarkirkju við aðlögun á texta.
Axel ætlar að yrkja fleiri ljóð. Hann vinnur nú að tvenns konar ástarljóðum. Annað þeirra
er 56 vers á íslensku og þarfnast réttritunar. Hitt er 25 versa ljóð á þýsku og er tilbúið.
Ljóð til Keilis hljóðar þannig:
Umvafið fornum hraunum rís þú með þínum hætti,
yfir Reykjanesið eina til himins gnæfir þú,
prýðir landslag okkar með tign og mætti,
óhulta fegurð þín var í hættu nú.
Myndarlegur við Þráinsskjöld hvílir þú,
fagrir dalir taka þig í faðm,
fylgja börnin þín í góðri trú,
dvelur þinn bróðir litli þér við barm.
Stofan mín fegrast með mynd af þér,
svo sjaldan til þín ég varla næ,
utan landsteinanna þig í hjarta ber,
dag og nótt, til þín ég horfi æ.
Hjá dyngjunum í forgrunni þú látlausi ert,
þær standa með sóma í skugga þér,
tröllatoppinn ég hef líka snert,
með þrá ég ávallt frá ykkur fer.
Komst þú í fréttum í fyrra þá,
hristist lengi undir fótum allra,
til þín flogið var til að gá,
engin vildi þig sem eldfjall kalla.
Á þig glaður ég máttlaus stóð,
rann úr mér sviti og sára blóð,
horfa mátt´ ég í allar áttir,
niður fórum við aftur sáttir,
undir ísnum þú myndaðist þá,
minn trausti vinur þig ég kalla má,
það tekur á að sækja heim,
frá brautinni í átt að þeim.
Þórustaðastíginn ég mætti taka,
frá Kúagerði til þín má líka aka.
Úr borginni til þín glögglega sést,
í huga minn hef ég þig ætíð fest.
Framtíðin verður svört eða blíð,
mun aftur gjósa hér í kring ?
Engin veit um þína ókomnu tíð,
lofsöng þér ég þá glaður syng.
Útlit þitt breytist við hvert fótmál,
úr öllum áttum berð þú geislaskart,
þínar rætur ná niður í jarðar bál,
þegar sólin lýsir þig upp svo bjart.
Sagt er að trúin flytji fjöll,
merkir þú upphaf trúar minnar ?
Ég bið minn Guð að áfram verðiði öll
í sögubók eilífðar sköpunnar sinnar.
Höfundur: Axel Gunnarsson
Íbúi í Vogum yrkir til Keilis
Reykjanesbær þarf
að girða sig í brók
Rannveig Erla Guðlaugsdóttir, 3. sæti Umbót.
Ásbrú, eða gamli völlurinn eins og
þetta svæði er oft kallað, er svæði
tækifæranna. Svæðið sem býður upp
á atvinnu, menntun, hreyfingu og dá-
samlegar íbúðir í fjölbýli sem hægt og
rólega er verið að gera upp. Alls staðar
voru teppi sem höfðu sinn ákveðna
sjarma – bara ryksuga og allt var orðið
„hreint“ og fínt. En eftir því sem íbúðir
tæmast og fá nýja íbúa eru tækifærin
nýtt og því gamla skipt út fyrir það
nýja, parket kemur í staðinn og allt lítur
betur út. Þegar fyrst var opnað inn á
svæðið eftir að herinn fór og glæsi-
legar nemendaíbúðir voru kynntar
til leiks varð allt svo spennandi. Þetta
varð svæði tækifæranna. Keilir kynnti
til leiks Háskólabrú og húsnæði fyrir
nýja nemendur og oft var og er talað
um það nám sem annað tækifæri fyrir
þá sem flosnuðu úr námi en voru nú
tilbúin, einbeittari og gátu í þokka-
bót leigt íbúðir á frábærum nemenda-
kjörum. Svæðið er enn að bjóða upp
á ný tækifæri. Heilu blokkirnar hafa
verið settar á sölu og einstaklingar
hafa fjárfest í fallegum, uppgerðum
íbúðum á viðráðanlegu verði. En eins
og svæðið er flott og möguleikarnir
endalausir þá virðist enn vanta upp á
skuldbindingu Reykjanesbæjar til að
gera þetta að íbúahverfi. Svæðið er enn
hrátt um að lítast, vantar allan huggu-
legan gróður og útivistasvæðum barna
hefur farið sífellt fækkandi. Lítið hefur
verið um viðhald og því leiktækin bara
tekin og ekkert sett í staðinn. Strætó-
ferðir eru ekki að gera mikið fyrir þá
einstaklinga sem þarna búa, bæði börn
og fullorðna, sem þurfa að komast í
tómstundir og verslanir utan Ásbrúar
(það eru reyndar engar matvöruversl-
anir á Ásbrú en vá hvað það væri frá-
bært ef svo væri!). Þetta hverfi á það
til að verða útundan þrátt fyrir að vera
jafngildur hluti Reykjanesbæjar og
Keflavík, Njarðvík og Hafnir eru. Við í
Umbót skorum á Reykjanesbæ að girða
sig í brók og sinna þessum hluta bæjar-
ins af meiri alúð eins og hann á skilið.
Sameinumst
um fjölbreytt
atvinnulíf
Valgerður Björk Pálsdóttir,
1. sæti á lista Beinnar leiðar í Reykjanesbæ.
Helga María Finnbjörnsdóttir,
2. sæti á lista Beinnar leiðar í Reykjanesbæ.
Það er hverju samfélagi mikilvægt
að atvinnulíf þess sé fjölbreytt. Hér
á Suðurnesjum höfum við sannar-
lega fundið fyrir því með brotthvarfi
hersins, falli WOW og nú síðast sam-
drætti í flugi vegna Covid. Þess vegna
verðum við að tryggja fjölbreyttari
atvinnustarfsemi og líta til allra átta
þegar við horfum til framtíðar. Sveitar-
félög geta laðað að sér atvinnustarf-
semi með lækkun gjalda tímabundið,
framboði á byggingalóðum og tryggt
skipulag og aðra innviði sem styrkja
starfsemi iðandi atvinnulífs. Nýsköp-
unar- og sprotafyrirtækjum þarf að
skapa öruggt umhverfi, húsnæði og
aðstöðu til rannsókna og vaxtar því
hugvitið er okkar dýrmætasta auðlind.
Öflugt setur með fjölbreyttri aðstöðu
fyrir stóra og smáa, þar sem fyrirtæki
og stofnanir geta leigt aðstöðu fyrir
starfsfólk sitt sem vinnur fjarri höfuð-
stöðvum hefur sannað sig víða um
heim. Þá er mikilvægt að ríkið horfi til
okkar hér á Suðurnesjum og sýni vilja
til að styðja við öflugt sveitarfélag í
örum vexti þar sem allt of margir finna
ekki vinnu við hæfi og þurfa að sækja
hana til höfuðborgarsvæðisins með
tilheyrandi ferðalögum ef fjarvinna er
ekki i boði. Á síðasta ári var skipaður
starfshópur til að útfæra hugmyndir
um sjálfstæða innlenda mannrétt-
indastofnun til að uppfylla alþjóðlegar
skuldbindingar. Nú er lag að tilvon-
andi Mannréttindastofnun verði stað-
sett í Reykjanesbæ með tilheyrandi
fjármagni og til framtíðar. Þar munu
skapast tækifæri fyrir íbúa Reykjanes-
bæjar að starfa í heimabyggð sem er
bæði umhverfis- og fjölskylduvænt. Þá
eru ótal mörg tækifæri til að efla sjálf-
bærni og horfa til verkefna eins og mat-
vælaræktar og garðyrkju með hvoru
tveggja jarðvarma og alþjóðaflugvöll
til flutninga ef svo ber undir. Veitinga-
staðir myndu njóta góðs af og boðið
upp á mat úr heimabyggð. Sveitarfélög
geta einnig stutt við starfsemi eins og
framhalds- og háskóla auk símennt-
unarmiðstöðva og fullorðinsfræðslu
með samstarfi við stofnanir bæjarins
og þannig skapað tækifæri til að efla
menntun og möguleika íbúa. Þetta er
langt í frá tæmandi listi og það er svo
ótal margt sem við getum gert ef við
sameinumst um það að efla atvinnu-
lífið í Reykjanesbæ svo allir njóti góðs
af. Eitt er þó skýrt og það er að Bein
leið hafnar alfarið frekari hugmyndum
um stóriðju eða aðra mengandi starf-
semi í Reykjanesbæ.
Ekkert verið fram-
kvæmt í 10 ár
Guðbergur Reynisson,
er í 2. sæti Sjálfstæðisflokksins í Reykjanesbæ.
Ég er mikið í umferðinni, bæði á
Reykjanesbrautinni og innanbæjar í
Reykjanesbæ.
Á alltof mörgum stöðum í bænum
okkar eru tifandi tímasprengjur í um-
ferðinni og tímaspursmál hvenær það
verður alvarlegt slys eða jafnvel bana-
slys.
Umferðarmannvirki Reykjanesbæjar
eru sprungin en ekkert hefur verið
gert í því í tíu ár, ekkert síðan fram-
kvæmdum við Parísartorg lauk. Í tíu
ár hefur bara verið horft á vandamálin
sem hlaðast upp við aukna umferð í ört
stækkandi bæjarfélagi.
Tökum dæmi:
Njarðarbraut, frá Atlantsolíu í Innri-
Njarðvík, til Nettó við Krossmóa er
umferðarmesta æð bæjarins, með
14.500 bíla umferð á sólarhring. Ég
leyfi mér að segja, að fyrir utan höfuð-
borgarsvæðið og Reykjanesbrautina, sé
þessi leið hættulegasti vegur landsins
vegna umferðarþunga. Á ótal stöðum
eru tengingar inn á Njarðarbrautina í
lamasessi, eins og frá Reykjanesbraut
inn á Fitjar við Bónus þar sem fólk er
að taka marga óþarfa sénsa. Einnig
liggur leið barna, fótgangandi eða á
hjólum, á leið í skóla og tómstundir, á
mörgum stöðum yfir Njarðarbraut, t.d.
við Biðskýlið vegna Njarðvíkurskóla
og við Krossmóa vegna dansskólans
Danskompaní. Umferðarþunginn er
mikill á þessum stöðum með tilheyr-
andi umferðaröngþveiti sem ekki
skánar þar sem útskot fyrir strætó
passa bara engan veginn fyrir strætó
og skapa ótrúlega hættu og óþarfa tafir
á umferð.
Til þess að komast hjá þessu um-
ferðaröngþveiti á Hringbraut og Njarð-
arbraut reyna ökumenn að taka eina af
þremur krókaleiðum gegnum bæinn;
Sjávarleiðina frá Duus til ÓB á
Fitjum en til dæmis aftan við gömlu
sundlaugina er ekki gott að vera hjól-
andi eða fótgangandi í myrkri þar sem
lítil sem engin lýsing er til staðar. Þetta
er leið krókaleiða og flýtir ekki fyrir.
Ökumenn komast hins vegar hjá því að
stoppa á illa umferðarstýrðum ljósum
á Hringbrautinni sem ómögulegt er að
átta sig á hvernig virka.
Önnur leið er gegnum Nónvörðu,
Hátún, Sunnubraut og Vallargötu.
Þetta er hins vegar enn hættulegri leið
en Hringbraut og Njarðarbraut þar sem
þetta eru íbúagötur.
Þá er ein leið eftir og það er Reykja-
nesbraut ofan Reykjanesbæjar en
engin ætti að þurfa að smeygja sér inn
í mestu umferðaræð landsins þar sem
um fara 20.000 bílar á sólarhring bara
til þess að flýta för innanbæjar.
En hvað er til ráða?
Best væri að flýta ofanbyggðaveginum,
fyrir ofan Móahverfið og að Flug-
völlum, sem hefur lengi verið í farvatn-
inu en eins og önnur mannvirki verður
að hugsa hann út frá sjónarmiðum og
öryggi íbúa. Þessa framkvæmd þarf að
ráðast í strax því Skólavegurinn annar
ekki allri umferðinni sem fylgir þessari
stóru byggð sem er að rísa fyrir ofan
Grænulautina.
Ráðumst í að bæta umferðarmann-
virkin okkar með hag barnanna fyrir
brjósti, lækkum hraðann í umferðinni,
stýrum ljósum rétt, bætum útskots-
svæði bæði fyrir strætó og aðra veg-
farendur.
Fækkum þrengingum á stofn-
brautum eins og á Grænásbrautinni á
Ásbrú. Við hljótum með allt þetta land-
svæði á Ásbrú að geta gert viðunandi
útskot fyrir strætó og öruggar gang-
brautir eða undirgöng.
Við eigum líka að tengja Ásbrú betur
við önnur hverfi Reykjanesbæjar. Þetta
má gera með því að leggja Reykjanes-
braut frá Fitjum til Grænáshringtorgs
í stokk þannig að Fitjar, Ásahverfi og
Ásbrú verði samtengd hverfi.
Bætum við hringtorgum, undir-
göngum, gangbrautum, útskotum og
lýsingu, lækkum hraðann, upplýsum
og verndum börnin, minnkum flækju-
stigið og pælingarnar, förum að fram-
kvæma!
Ég boða breytingar í umferðar-
málum í Reykjanesbæ og mun láta
verkin tala.
Garðsláttur
Ég er 15 ára strákur sem er að
taka af mér slátt í Reykjanesbæ
í sumar og er einnig að bjóða
upp á áskriftir þar sem fólk
getur bara valið hversu oft þau
vilja láta slá hjá sér.
Þau sem munu velja þann
pakka bara í apríl munu fá 15%
afslátt af pakkanum sjálfum.
Tómas Tómasson - 770-0277
Facebook: Tómas Tómasson
SmáauglÝSiNgar
á timarit.is
ÖLL BLÖÐIN FRÁ 1980 OG TIL DAGSINS Í DAG
FIMMTUDAG KL. 19:30
HRINGBRAUT OG VF.IS
VíKurFrÉttir á SuÐurNESJum // 13