Víkurfréttir - 21.04.2022, Blaðsíða 11

Afmælisþættir skólans í Vogum, birtast
vikulega í Víkurfréttum og vf.is á afmælisárinu.
Þorvaldur Örn Árnason, áður kennari við skólann,
tekur saman með góðra manna hjálp.
16. ÞÁTTUR
FYRSTI VETUR SKÓLANS Á VATNSLEYSUSTRÖND
Þegar skólinn hafði starfað
hálfan vetur birtist svo-
hljóðandi grein eftir fyrsta
kennara skólans, Oddgeir
Guðmundsen, í Þjóðólfi 21.
janúar 1973.
„Með því að eg hefi orðið
þess vís, að allflestum utan
þessa hrepps er ókunnugt
um stofnun þessa, gef eg
hérmeð þessar fáorðu upp-
lýsingar.
Upptök skólans eru þessi :
Prestrinn síra St. Thorarensen lét
ganga boðsbréf um sóknir sínar
haustið 1870 um samskot til barna-
skóla; gáfust þá innan sóknanna
loforð um nálega 700 rd. á einní
viku. Árið 1871 var tekið megnið af
timbrinu til skólans, en byggingunni
var frestað til næsta árs, sökum þess
að nokkra máttarviði vantaði til
hússins, er þá fengust hvergi. Sama
ár (1871) var keyptr jarðarpartr í
Brunnastaðahverfi, undir skólann
til ábúðar fyrir skólahaldara (fram-
vegis). Sumarið 1872 var húsið
bygt af smiðum, er allir eiga heima í
hreppnum ; það er 10 álnir á breidd,
14 álnir á lengd og 5 áln.
rúmar undir loft; sakir van-
efna er húsið hvergi nærri
fullbygt; kenslustofan er
í öðrum enda hússins, og
nær yfir það þvert (10 áln.
á lengd og hérum 7 áln. á
breidd); í hinum endanum
eru tvö herbergi fyrir kenn-
arann; eldhús er í skólanum
með eldavél; uppi á lopti er
stórt herbergi, einkum ætlað Thorc-
hilliibörnum, og fyrir setulopt sér í
lagi, þá börnum er kend handvinna;
að öðru leyti er annað óbygt uppi,
en í áformi að gjöra í öðrum enda
kenslustofu, ef þörf gjörist síðar
meir. Efnahagr skólans er bágr mjög;
til þessa dags hafa honum gefizt
hérum 1000 rd. (hafa utanhrepps-
menn gefið allt að 200 rd.), en fyrir
húsasmíðið, jarðarkaupin og annan
kostnað er skólinn í skuld, um allt
að 1000 rd. Skólanum er nú sem
stendr stjórnað af nefnd í hreppnum;
prestr er forseti þessarar nefndar við
fimta mann. Á almennum hrepps-
fundi hefir verið samþykt reglugjörð
fyrir skólann; er svo til ætlazt, að í
skólanum sé kent bæði ófermdum
börnum (lestur, lærdómskver, biblíu-
sögur, skrift, reikningr), og að einnig
gefist fermdum unglingum færi á að
nema þar (skrift, réttritun, reikning,
dönsku, ensku, landafræði o. s. frv.),
tvær stundir á dag eftir það að
hinni almennu kenslu er lokið, sem
varir fjórar stundir á dag; þar er og
ákveðið, að kenna skuli handvinnu
stúlkubörnum.
Fundrinn nefndi skóla þenna:
«Thorchilliibarnaskóla í Vatnsleysu-
strandarhreppi», því að svo er til
ætlazt, að öll þau börn í hreppnum,
er njóta styrks af Thorchilliis-
jóði, verði framvegis heimilisföst
fóstrbörn skólans; sömuleiðis skal
utansveitarbörnum ekki neitað um
legurúm á skólanum meðan rúm
leyfist, og þeim gefinn kostr á kenslu
fyrir sama verð og börnum innan-
hrepps. Í vetr hafa 22 börn verið á
almennri kenslu og 8 unglingar á sér-
stakri kenslu. Til þessa hafa verið 10
börn heimilisföst í skólanum að með-
töldum Thorchillisjóðs-börnunum,
auk kennara og stúlku, sem mat-
reiðir, gætir barnanna, o. s. frv. Þess
konar stofnun er hér mjög nauð-
synleg og alveg ómissandi, þvíað
uppfræðsla í heimahúsum er hér yfir
höfuð mjög svo vanrækt; það hafa
sýnt þau börn, sem eg hefi fengizt
við í vetr. Það eru því öll líkindi til að
þessi skóli lifi og dafni; annars vegar
krefr nauðsynin þess; hins vegar er
hér nægr kraftr til að styðja þetta
lofsverða og fagra áform.
Brunnastöðum, 13. Janúar 1873.
Oddg. Guðmundsen.”
Oddgeir var þarna nýútskrifaður
guðfræðistúdent. Hann kenndi
hér aðeins einn vetur, en varð
síðan prestur, lengst í Vestmanna-
eyjum 1889 - 1924 og sinnti þar
einnig kennslu, skólastjórn og
sveitarstjórnar- og velferðarmálum.
Myndin er af Oddgeir á starfsárum
hans í Vestmannaeyjum.
Sr. Stefán Thorarensen, frum-
kvöðull barnaskólastofnunarinnar,
veitti henni forstöðu fyrstu 15 árin.
Hann réð flest árin unga guðfræð-
inga og verðandi presta sem kennara,
sem margir voru þá of ungir til að
mega vígjast til prests. Sjálfur hafði
Stefán alla þræði í hendi sér, sem for-
maður skólanefndar.
Nadir Simon Moukhliss er fimmtán
ára og kemur frá Keflavík. Honum
finnst fátt skemmtilegra en að spila
fótbolta og langar að ná langt á því
sviði. Nadir er ungmenni vikunnar.
Í hvaða bekk ertu? Ég er í 10. bekk.
Í hvaða skóla ertu?
Ég er í Myllubakkaskóla.
Hvað gerir þú utan skóla? Utan skóla er
ég mikið í fótbolta, vinna og hitta vini.
Hvert er skemmtilegasta fagið?
Samfélagsfræði útaf það eru alltaf svo
mörg hópverkefni.
Hver í skólanum þínum er líklegur til að
verða frægur og hvers vegna?
Kristó útaf hann er rugl góður í fótbolta
og hann er með mesta metnaðinn.
Skemmtilegasta saga úr skólanum:
Skemmtilegasta saga ... ég án djóks veit
það ekki.
Hver er fyndnastur í skólanum? Fyndn-
astur í skólanum er örugglega Máni.
Hver eru áhugamálin þín? Fótbolti.
Hvað hræðistu mest? Ég hræðist mest að
slíta krossband eða eitthvað sem kæmi í
veg fyrir að ég gæti spilað fótbolta.
Hvert er uppáhaldslagið þitt? Uppá-
haldslagið mitt er Starlight með Dave.
Hver er þinn helsti kostur? Helsti kost-
urinn minn er að ég er góðhjartaður.
Hver er þinn helsti galli? Ég er mjög at-
hyglissjúkur, er stundum einum of mikið.
Hvaða forrit eru mest notuð í símanum
þínum? TikTok er mest notað í símanum
mínum.
Hvaða eiginleiki finnst þér bestur í fari
fólks? Þegar fólk er góðhjartað.
Hvað langar þig að gera eftir grunn-
skóla?
Mig langar alveg mjög mikið að komast
langt í fótbolta strax en ég held að ég fari
bara í framhaldsskóla.
Ef þú ættir að lýsa sjálfum þér í einu orði
hvaða orð væri það? Flottur.
Ung(m
enni) vikunnar: Nadir Sim
on M
oukhliss
FS-ingur vikunnar: Andrea Ósk Júlíusdóttir
Andrea Ósk Júlíusdóttir er nítján ára og kemur frá Keflavík. Hún hefur áhuga á
líkamsrækt og vinnur í bíóinu. Andrea er FS-ingur vikunnar.
Á hvaða braut ertu?
Íþrótta- og lýðheilsubraut.
Hver er helsti kosturinn við FS?
Félagslífið.
Hvaða FS-ingur er líklegur til að verða
frægur og hvers vegna?
Joules, hún verður podcast-stjórnandi.
Skemmtilegasta sagan úr FS:
Þegar appelsínugula liðið poppuðu
kampavín í matsalnum í starfshlaupinu og
bikarinn var tekinn af þeim.
Hver er fyndnastur í skólanum?
Örugglega Sara Mist njálgur.
Hver eru áhugamálin þín? Líkamsrækt.
Hvað hræðistu mest?
Myrkrið, er mjög myrkfælin.
Hvert er uppáhaldslagið þitt? Pepas!!!!!!
Hver er þinn helsti kostur?
Ákveðin og jákvæð held ég.
Hver er þinn helsti galli? Alltaf að pæla í
hvað öðrum finnst um mig.
Hvaða forrit eru mest notuð í símanum
þínum? Klárlega TikTok.
Hvaða eiginleiki finnst þér bestur í fari
fólks? Þegar fólk er fyndið.
Hver er stefnan fyrir framtíðina?
Læra einkaþjálfarann og íþróttafræðina.
Ef þú ættir að lýsa sjálfum þér í einu orði
hvaða orð væri það? Ég er hugulsöm.
Thelma Hrund Hermannsdóttir
thelma.h.hermannsdottir@gmail.com
VíKurFrÉttir á SuÐurNESJum // 11
Góðhjartaður
fótboltakappi
Ákveðin
og jákvæð