Víkurfréttir - 21.04.2022, Blaðsíða 10

Fjöldi iðnaðarmanna hefur verið að störfum innan veggja Heilbrigðisstofnunar Suðurnesja síðustu vikur
og mánuði. Nýverið opnaði ný röntgendeild á jarðhæð D-álmunnar og fyrir árslok á að vera búið að
innrétta nýja slysa- og bráðamóttöku á sömu hæð. Samhliða því verður opnuð ný móttaka fyrir sjúkra-
bifreiðar. Núverandi aðstaða slysa- og bráðamóttöku er óhentug í litlu rými í elsta hluta sjúkrahússins
við Skólaveg í Keflavík. Nú þegar er röntgendeildin flutt á nýjan stað og þegar slysa- og bráðamóttakan
flytur fyrir árslok verður gömlu rýmunum breytt í skrifstofur fyrir Heilbrigðisstofnun Suðurnesja.
Á þriðju hæð D-álmunnar, þar sem
skurðstofur voru áður, eru iðnaðar-
menn langt komnir með að innrétta
nítján rýma sjúkradeild og átta rýma
dagdeild.
„Tilkoma nýju sjúkradeildarinnar
mun gera okkur kleift að veita aukna
sjúkrahússþjónustu á svæðinu sem
og að auka viðbragðsgetu sjúkra-
hússþjónustunnar á SV-horninu ef
áföll dynja yfir. Reynslan af heims-
faraldrinum kennir okkur að skortur
á slíkum sveigjanleika getur valdið
hvoru tveggja samfélags- og fjárhags-
legu tjóni,“ sagði Markús Ingólfur
Eiríksson, forstjóri HSS, í pistli sem
hann skrifaði nýverið á vef VF og
bætti við: „Enn fleiri góð verk eru í
bígerð á þessu ári og því næsta. Til
þessa hefur HSS haft fjögur dag-
deildarrými opin tvo daga í viku.
Með tilkomu nýju sjúkradeildarinnar
verður okkur kleift að hafa átta dag-
deildarrými opin fimm daga í viku.“
Markús Ingólfur Eiríksson, for-
stjóri HSS, tók á móti útsendurum
Víkurfrétta og fór með þeim um
framkvæmdasvæðið á heilbrigðis-
stofnuninni en sama dag tók hann
einnig á Willum Þór Þórssyni heil-
brigðisráðherra og Ölmu D. Möller
landlækni þegar ný röntgendeild var
opnuð.
Hvaða þýðingu munu þessar breyt-
ingar á Heilbrigðisstofnun Suður-
nesja hafa?
„Þær munu hafa þá þýðingu að geta
stofnunarinnar til að vaxa í takt við
samfélagið mun aukast. Hingað til
hefur okkur vantað aukið rými til
þess að geta fjölgað fólki.“
Hverju mun nýja röntgentækið
breyta? Starfsmenn tala um að
færri þurfi að fara til Reykjavíkur
til að sækja þjónustu.
„Þetta tæki er nákvæmara en eldra
tæki sem við höfðum og skilvirkara í
sinni vinnu. Það tekur minni tíma að
taka hverja mynd og meiri þægindi
fyrir sjúklinginn. Það er auðveldara
að taka myndir af sjúklingi sem er
liggjandi í rúmi. Þá er nýtt sneið-
myndatæki fyrir stofnunina í út-
boðsferli og vonandi mun það klárast
fyrir árslok og þá fáum við öflugra
tæki sem getur tekið fleiri myndir
en núverandi tæki fyrir utan það að
þessi tæki tvö voru komin á aldur.“
Það hefur gustað um Heilbrigðis-
stofnun Suðurnesja undanfarið. Þú
hefur verið hérna í þrjú ár og skrif-
aðir pistil nýlega á vef Víkurfrétta
um HSS. Hvernig ertu að upplifa
stöðuna núna?
„Ég er að upplifa stöðuna þannig að
við erum búin að vera að vinna að
breytingum alveg frá því að ég kom.
Breytingar hjá ríkinu taka tíma og
við erum að gera það miklar breyt-
ingar að eðli máli samkvæmt gerast
þær ekki einn, tveir og þrír. Þetta
reynir á þolinmæðina og við erum
búin að vera í langan tíma að tala um
framtíðina. Í dag eru tímamót með
opnun nýrrar röntgendeildar að við
erum að sjá áþreyfanlegan árangur
af þessari vinnu. Þetta er bara fyrsta
skrefið af mörgum.“
Hvenær mun þessum breytingum
hér á hæðinni ljúka?
„Þeim mun væntanlega ljúka í lok
ársins þegar ný slysa- og bráðadeild
verður tilbúin. Þetta mun þýða að
okkar geta til að auka þónustu við
íbúanna verður til staðar, sem er
ekki í dag vegna þrengsla. Þetta
kallar á aukna mönnum en þýðir
það líka að færri erindi þurfa að fara
á Landspítala með tilheyrandi auka-
kostnaði og óþægindum sem af því
hlíst.“
Hverju viltu svara því þegar fólk
kvartar yfir því að það sér ekki
hægt að hafa heimilislækni á HSS?
„Við erum með alltof fáa lækna á
HSS. Það er lykilatriði. Við þurfum
að fjölga þeim.“
Eru líkur á að það gerist?
„Það er aldrei að vita. Það sem við
erum að reyna að gera er að búa til
aðlaðandi starfsumhverfi, aðlaðandi
vinnustað sem er þá aðlaðandi fyrir
starfsfólkið. Þá eru forsendur fyrir
aukinni mönnun. Að bjóða starfs-
fólki uppá lélega starfsaðstöðu er
ekki leiðin til þess.“
Er forstjóri HSS bjartsýnn á betri
tíma framundan?
„Já, ég er það. Það sem þarf að gerast
er aukinn stuðningur varðandi fjár-
veitingar og að verkefnum sé sinnt
í heimabyggð á hagkvæman hátt
frekar en í Fossvoginum eða á öðrum
stöðum í heilbrigðiskerfinu.
Heilbrigðisstofnun Suðurnesja
hefur nú fengið fullfjármagnaða
ríflega 1600 fermetra sérhannaða
heilsugæslustöð í Innri-Njarðvík
sem mun bjóða upp á nútímalega
aðstöðu fyrir skjólstæðinga og
starfsfólk. Til samanburðar er nú-
verandi húsnæði heilsugæslunnar í
Reykjanesbæ aðeins rúmir 700 fer-
metrar. Sökum þrengsla hefur ekki
verið unnt að fjölga starfsfólki. Til
að brúa bilið fram að opnun nýrrar
heilsugæslustöðvar í Innri Njarðvík
þá boðaði Svandís Svararsdóttir,
þáverandi heilbrigðisráðherra, að
sett yrði upp heilsugæslustöð til
bráðabirgða. Víkurfréttir spurðu
Markús forstjóra HSS hvað væri að
frétta af bráðabirgðaheilsugæslu?
„Framkvæmdasýsla ríkisins
heldur utan um það mál og er í
ferli. Það urðu tafir því það voru
gerðar breytingar. Geðheilsuteymið
verður tekið þar inn og þær breyt-
ingar kölluðu á ákveðnar tafir.“
Mun bráðabirgðaheislugæsla sem
stýrt er af Heilbrigðisstofnun
Suðurnesja ekki bæta þjónustuna
og er ekki akkur fyrir samfélagið
að fá hana í gang sem fyrst?
„Það þarf að fá aukið rými undir
heilsugæslu, það liggur fyrir. Það
þarf líka að manna það og fjár-
magna. Þetta þarf allt að haldast
í hendur. Eins og við sjáum hérna
núna þá er aukið rými forsenda
þess að það sé hægt að fjölga
starfsfólki. Auðvitað þarf fjármagn
líka og að byggja upp aðlaðandi
vinnuumhverfi.“
Miklar breytingar á húsakosti HSS til
að bæta þjónustu við íbúa Suðurnesja
Miklar skipulagsbreytingar
Heilbrigðisstofnun Suðurnesja hefur farið í miklar skipulagsbreyt-
ingar. Deildir hafa verið sameinaðar og efldar og millistjórnendum
fækkað. Stokkað var upp í framkvæmdastjórn og staða framkvæmda-
stjóra fjármála- og rekstrar lögð niður og ný staða framkvæmdastjóra
mannauðs- og þjónustu sett upp í takt við nýjar áherslur um bætta
þjónustu. Gæðamál hafa verið efld með þróunar- og gæðastjóra sem
heyrir beint undir forstjóra. Sjúkraflutningar á öllum Suðurnesjum
hafa verið sameinaðir í þágu betra öryggis, meiri fagmennsku, betri
starfsaðstæðna og þjálfunar.
FULLFJÁRMÖGNUÐ HEILSUGÆSLA Í INNRI
NJARÐVÍK EN TAFIR Á BRÁÐABIRGÐASTÖÐ
Ólafur Júlíusson málarameistari mundar rúlluna á nýrri
sjúkradeild á 3. hæð Heilbrigðisstofnunar Suðurnesja.
Fyrsta og þriðja hæð D-álmunnar, til vinstri á myndinni, hafa tekið miklum breytingum á síðustu vikum og mánuðum. VF-myndir: pket og hbb
Markús Ingólfur Eiríksson hefur
verið forstjóri Heilbrigðisstofnunar
Suðurnesja síðustu þrjú ár.
Hér voru áður skurðstofur HSS en verða sjúkra- og dagdeildir.
10 // VíKurFrÉttir á SuÐurNESJum