Fréttablaðið - 02.03.2023, Blaðsíða 14

Allt er kynningarblað sem býður auglýsendum
að kynna vörur og þjónustu í formi viðtala og
umfjallana. Í blaðinu er einnig hefðbundið rit­
stjórnarefni. Blaðið fylgir Fréttablaðinu daglega.
Umsjónarmenn efnis: Elín Albertsdóttir, elin@frettabladid.is, s. 550 5761 | Guðmundur
Hilmarsson, gummih@frettabladid.is s. 550 5766 | Sandra Guðrún Guðmundsdóttir,
sandragudrun@frettabladid.is, s. 550 5762 | Starri Freyr Jónsson starri@frettabladid.is,
s. 550 5767 | Þórdís Lilja Gunnarsdóttir, thordisg@frettabladid.is, s. 550 5768
Útgefandi:
Torg ehf
Ábyrgðarmaður:
Jón Þórisson
Sölumenn:
Arnar Magnússon, arnarm@frettabladid.is, s. 550 5652,
Jón Ívar Vilhelmsson, jonivar@frettabladid.is, s. 550 5654,
Ruth Bergsdóttir, ruth@frettabladid.is, s. 694 4103.
Tinna Bigum er 30 ára dansk-
íslenskur fatahönnuður sem lærði
fatahönnun við Listaháskóla
Íslands (LHÍ). Endurvinnsla er
henni afar hugleikin sem sást vel
á útskriftarsýningu hennar og er
fyrirferðarmikil í þeim verkefnum
sem hún hefur tekið sér fyrir
hendur frá útskrift.
Síðan Tinna lauk námi hefur
hún verið í starfsnámi í Kaup-
mannahöfn, unnið fyrir áhugavert
fólk og hjálpað til á tískuvikum
þar í borg. „Ég vann til dæmis
nýlega fyrir danska prjóna-
hönnuðinn Nadiu Wire. Hún
hefur byggt litla prjónaverk-
smiðju í Kaupmannahöfn þar
sem hún hannar og framleiðir
f líkurnar sínar í sama húsi. Í fyrra
kláraði ég verkefni með vinkonu
minni Amöndu Vesthardt, sem ég
kynntist í LHÍ. Þá unnum við með
Hjálpræðishernum hér í Kaup-
mannahöfn og bjuggum til litla
fatalínu úr fötum frá f lokkunar-
stöðinni þeirra.“
Hún segist ekki vita hvað fram-
tíðin beri í skauti sér en vonast til
að fá að vinna með fleiri áhuga-
verðum hönnuðum og koma
að fleiri skapandi samstarfs-
verkefnum. „Ég fékk nýlega inni
í stúdíói á Vesterbro með ýmsu
ólíku listafólki, þar á meðal systur
minni. Þannig að vonandi eru
bara spennandi tímar fram undan
með skemmtilegum verkefnum og
spennandi samstarfi.“
Byrjaði allt með mömmu
Hún rekur tískuáhugann til
móður sinnar. „Hún hefur alltaf
haft ótrúlega fallegan stíl sem
hefur verið mjög hvetjandi fyrir
mig. Ég elskaði að skoða blöðin
hennar með öllum þessum fallegu
myndum og fötum. Ólíkt mörgum
unglingum var ég ekki með hljóm-
sveitir og tónlistarfólk á veggnum
í herberginu mínu heldur uppá-
haldsgreinarnar mínar úr Vogue-
blaðinu og Cover, sem er gamalt
danskt tískutímarit.“
Vanda þarf valið
Endurvinnsla skiptir Tinnu miklu
máli enda er hún sífellt stærri hluti
af tískuiðnaðinum. „En þótt það
sé lögð meiri og meiri áhersla á
sjálf bærni og endurunnin efni þá
finnst mér það skipta litlu ef enn
er framleiddur tískufatnaður í
svona miklu magni.“
Hún segir mikilvægt fyrir okkur
sem neytendur að hugsa okkur vel
um þegar við kaupum nýjar f líkur.
„Þá skiptir öllu máli að kaupa
gæðaflíkur sem hægt er að nota í
langan tíma og forðast að kaupa
eitthvað sem maður verður svo
leiður á eftir nokkrar vikur.“
Einnig þurfi að forðast að
kaupa föt sem eru svo illa gerð að
þau eyðileggjast eftir einn þvott.
„Endurvinnsla getur nefnilega
verið eins konar hringrás þar sem
föt fá nýtt líf þegar við seljum eða
gefum þau og kaupum um leið
notuð föt á fatamörkuðum.“ n
Neysluhyggju­
kjóll eftir Tinnu
Bigum sem hún
bjó til úr ýmsum
afgöngum.
Neðsti hluti
kjólsins er búinn
til úr garni frá
Rauða krossi Ís­
lands og ýmsum
afgöngum. Efri
hlutinn er búinn
til úr silki­ og
bómullaraf­
göngum.
MYND/ÓLAFUR
MAGNÚSSON
Denim/tjull­jakki og tjullbuxur, búnar til úr gallabuxum og
blómum úr denim­afgöngum. MYND/ÓLAFUR MAGNÚSSON
Frá útskriftarsýningunni. Jakkinn er búinn til úr silki sem Tinna fékk frá
bekkjarfélaga sínum á síðustu stundu. Kvittanir úr verslunum streyma niður
úr vösunum. MYND/LEIFUR WILBERG ORRASON.
Óskipulagt prjón í vinnslu í prjónavélinni. Allt garn er frá Rauða krossinum á Ís­
landi auk þess sem Tinna notaði líka gamalt efni úr safni sínu. MYND/tINNA BIGUM
Endurvinnsla
er Tinnu
Bigum afar hug­
leikin en hún er
dansk­íslenskur
fatahönnuður
sem lærði fata­
hönnun við
Listaháskóla
Íslands.
Blóm unnin úr dením­afgöngum
sem eru saumuð ofan á tjull.
Starri Freyr
Jónsson
starri
@frettabladid.is

Endur-
vinnsla
getur
nefnilega
verið eins
konar
hringrás
þar sem föt
fá nýtt líf
þegar við
seljum eða
gefum þau
og kaupum
um leið
notuð föt á
fatamörk-
uðum. Spurt og svarað
Hvernig fylgist þú helst með tískunni?
„Ég fylgist með fólkinu á gangstéttum og á
torgum. Tískan er í stöðugri breytingu og þróun
og það er alltaf gaman að sjá hvernig fólk túlkar
tískuna.“
Hvaða litir eru í uppáhaldi?
„Það tengist mjög mikið hverjum árstíma. Yfir
sumarið geng ég eiginlega bara í hvítu og sterkum
litum en á veturna er það svart og og dekkri litir.“
Áttu minningar um gömul tískuslys?
„Já, að sjálfsögðu en mér leið vel í þessum flíkum
á þeim tíma.“
Hvaða f líkur hefur þú átt lengst og notar enn?
„Það er kjóll sem mamma mín gaf mér fyrir átta
árum. Hann er svo tímalaus og klassískur. Sniðið og
silúettan er úr venjulegu jersey-efni sem er svo fínt
að hægt er að nota kjólinn bæði þegar ég fer fínt út
að borða og sem hversdagskjól.“
Áttu uppáhaldsfataverslanir?
„Í Kaupmannahöfn er það Chamoi við Elmegade
en í Reykjavík er það Fatamarkaðurinn á Hlemmi.“
Áttu eina uppáhaldsf lík?
„Ég er alltaf að uppgötva upp á nýtt gamlar flíkur
sem ég hef átt lengi. Í augnablikinu er uppáhalds-
flíkin mín vintage Kenzo-bolur úr Mesh.“
Bestu og verstu fatakaupin?
„Ég held að bestu kaupin mín hafi verið létt-
blómstraður kimonó sem ég keypti í París árið 2016.
Ég hef notað hann svo mikið að ég hef þurft að gera
við hann oft. Hins vegar er ég búin að gleyma verstu
kaupunum.“
Notar þú fylgihluti?
„Já, ég elska að finna nýjar leiðir til að „styla“
gömul „outfit“ með nýjum fylgihlutum eða leika
mér að því að blanda saman öllum skartgripunum
mínum.“
Ólíkt mörgum
unglingum var ég
ekki með hljómsveitir og
tónlistarfólk á veggnum í
herberginu mínu heldur
uppáhaldsgreinarnar
mínar úr Vogue-blaðinu
og Cover, sem er gamalt
danskt tískutímarit.
2 kynningarblað A L LT 2. mars 2023 FIMMTUDAGUR