Fréttablaðið - 02.03.2023, Blaðsíða 28

Útúrkókaða bjarndýrið í Cocaine Bear braust
inn í kvikmyndahús á Íslandi rétt fyrir helgi.
Þó að sitt sýnist hverjum um hvort hér sé á
ferðinni leiðinda flopp eða fínasta skemmtun
þá er þetta ágætistilefni til að rifja upp ógur-
legustu bjarndýr kvikmyndasögunnar.
arnartomas@frettabladid.is 
Birnir á hvíta
tjaldinu
Kókaínbjörninn þurrnasa gefur hugtakinu „hvítabjörn“ sannarlega nýja merkingu. myndir/skjáskot
Grizzly
(1976)
Eftir að hákarlinn í Ókindinni
gerði allt vitlaust árið 1975
reyndu hinir og þessir að
synda í kjölfar hans með sínar
eigin ræmur um mannýgar
skepnur. Ein þeirra var kvik-
myndin Grizzly sem kom út
ári síðar og segir frá birni sem
hefur komist á bragðið með
mannakjöt. Jeminn. Það vant-
aði þó alla þá natni sem lögð
var í Ókindina og áhorfendum
og gagnrýnendum þótti
bangsinn heldur linur. Það er
þó næstum því þess virði að
horfa á myndina til þess eins
að sjá björninn sprengdan
með basúku í lokin.
Revenant
(2015)
Kvikmyndaakademían lúffaði loksins árið 2016
og ákvað að gefa Leó litla Óskarinn fyrir leik sinn
í myndinni Revenant. Eftir fimm tilnefningar
þótti glíma DiCaprio við blóðugan björninn
nægilega góð til að hann fengi gullstyttuna
góðu.
Toy Story 3
(2010)
Það hlýtur að vera í lagi að kjafta frá plottinu í
þriðja bindi Leikfangasögu þrettán árum eftir
að hún kom út. Faðmfúsi bangsinn Lotso er ekki
jafn kærleiksríkur og hann virðist í fyrstu og
u-beygja hans frá vinalegum eldri borgara yfir í
rætinn skúrk tekst virkilega vel í þessari frábæru
mynd.
Annihilation
(2018)
Vísindatryllirinn Annihilation
flaug því miður undir ratsjána
hjá mörgum. Þeir sem sáu
myndina munu hins vegar
seint gleyma viðurstyggilega
birninum, ef björn skyldi kalla,
sem runnið hafði saman við
fórnarlömb sín. Ef það er ekki
nóg þá framkallar hann raddir
þeirra til þess að tæla matinn
beinustu leið upp í gin sitt.
Frumleg hönnun og fínasti
eldiviður í martraðir.
Winnie the Pooh: Blood and Honey
(2023)
Það virðast engin mörk vera fyrir því hvaða ástkæru persónur fólk
er tilbúið að vanhelga til þess að maka krókinn. Í þessu nýútgefna
pyntingaklámi eru Bangsímon, Gríslingur og félagar orðnir að
kaldrifjuðum morðingjum sem níðast á vini sínum sem dirfðist að
yfirgefa þá til að fara í háskóla. Niðurstaðan er því miður arfaslöpp
og réttlætir ekki þessa saurgun á efniviðnum.
The Edge
(1997)
Er til kvikmyndaleigulegri mynd en The Edge með
Antony Hopkins og Alec Baldwin? Ef fyrri innslög
á þessum lista hafa ekki gefið ykkur nægilegar
vísbendingar þá þurfa okkar menn, eftir að hafa
brotlent í óbyggðum Alaska, að takast á við bjarn-
dýr sem eltir þá uppi. Bónusstig fyrir Elle McPher-
son í afar vafasömum frumbyggjabúningi sem
yrði snarlega tilefni til slaufunar í dag.
20 lífið FRÉTTABLAÐIÐ 2. mARs 2023
fiMMTUDAGUR