Ægir - 01.09.2022, Blaðsíða 42

42
Skipasmíðastöð Njarðvíkur mun á
vormánuðum afhenda útgerðarfyr-
irtækinu Stakkavík í Grindavík nýj-
an tæplega 30 tonna stálbát sem
kemur til með að veiða í krókaafla-
markskerfinu. Smíði bátsins er
söguleg því stálbátar í þessum
stærðarflokki hafa ekki verið smíð-
aðir í 20 ár hér á landi og plastbátar
verið allsráðandi. Báturinn er að
stærstum hluta smíðaður í Tyrk-
landi en lokafrágangur tækja og
búnaðar verður hjá Skipasmíðastöð
Njarðvíkur. Þráinn Jónsson, fram-
kvæmdastjóri fyrirtækisins, segir
hugmyndina að þessi bátur ryðji
brautina í raðsmíðum á minni stál-
bátum enda sé ljóst að þeir séu til
muna sterkari en plastbátarnir.
Hugað að orkunýtingu og
kolefnissporinu
„Þegar við höfum lokið við bátinn fyrir
Stakkavík munum við setja aukinn
kraft í að kynna hvað við höfum að
bjóða í smíði svona lítilla stálbáta.
Stefnan er klárlega sú að smíða fleiri
báta í framhaldinu af svipaðri stærð,“
segir Þráinn. Bátur Stakkavíkur heitir
Margrét GK-9 og vonast Þráinn til að
afhending hans verði í júní.
„Eitt af stórum atriðum í þessum
báti er framdriftin. Hann er búinn
tveimur aðalvélum frá Mitsubishi sem
eru tæp 200 kílóvött hvor. Hugmyndin
er að báturinn noti báðar vélarnar á
stími en í drætti er nóg að vera með
aðra vélina. Báturinn er með vökva-
drifna og mjög hæggenga skrúfu
þannig að í útfærslu hans er mikið
hugsað um orkunýtinguna og kolefnis-
sporið,“ segir Þráinn.
Stálbátarnir þola álagið betur
Að sögn Þráins hafa margar útgerðir
áhuga á að velja stálbáta fremur en
plastbáta enda sé engin spurning að
stálbátarnir séu sterkari.
„Við höfum verið að leita leiða til að
geta framleitt samkeppnishæfa minni
báta úr stáli. Bátarnir hafa stækkað á
undanförnum árum en reglugerðir
hafa ekki alveg fylgt þróuninni og við
sjáum að plastbátarnir eru engan veg-
inn nógu sterkir fyrir þau verkefni
sem þeim eru ætluð. Þetta eru í mörg-
um tilfellum bátar sem eru hátt í 300
daga á sjó og það er fjarri því að það
sé veðurblíða upp á hvern dag. Það
hefur sýnt sig að plastbátarnir þola
þetta illa og við sjáum dæmi um 10 ára
gamla plastbáta sem eru algjörlega
búnir. Þetta sýnir sig í viðhaldsverk-
efnum sem við fáum inn á gólf til okk-
ar,“ segir Þráinn.
„Við verðum að hafa í huga margir
þessara öflugu minni línubáta eru með
jafn marga úthaldsdaga á ári og frysti-
togarar. Álagið er því mikið. Margrét
GK-9 verður búin til línuveiða en við
getum boðið þennan bát fyrir snurvoð,
netaveiðar eða hvað annað. En þá fara
menn í stærri bát, fara að lágmarki í
15 metra bát í staðinn fyrir 13,7 metra
sem þessi er. Í dag er lítill sem enginn
munur á því hvort menn velja stálbát
eða plastbát hvað stofnkostnaðinn
varðar,“ segir Þráinn.
Útgerðirnar kalla eftir stálbátum
Skipasmíðastöð Njarðvíkur réðst fyrst
og fremst í þetta þróunarverkefni í
ljósi áhuga útgerða á minni stálbátum.
„Útgerðarmenn eru að kalla eftir
stálbátum í þessum stærðarflokki en
hingað til hafa þeir verið of dýrir. Þess
vegna fórum við með smíðina til Tyrk-
lands og höfum með fleiri aðgerðum
náð stofnkostnaðunum niður og okkur
hefur tekist að gera smíðina sam-
keppnisfæra við plastbátana. Ég er
þess vegna bjartsýnn á að við munum
halda áfram í fleiri nýsmíðaverkefnum
í þessum flokki í kjölfar afhendingar á
Margréti GK til Stakkavíkur. Markmið-
ið er að geta raðsmíðað báta af þessari
stærð enda er víða þörf fyrir endur-
nýjun í bátaflotanum,“ segir Þráinn.
Skipasmíði
Skipasmíðastöð Njarðvíkur
Fyrsti stálbáturinn í 20 ár
fyrir veiðar í krókakerfinu
 Þráinn Jónsson, framkvæmdastjóri Skipasmíðastöðvar Njarðvíkur.
 Skrokkur Margrétar GK-9 í Tyrk-
landi. Skipinu verður siglt til Íslands
á vordögum og verður lokafrá-
gangur hjá Skipasmíðastöð Njarð-
víkur.