Veiðimaðurinn - 01.06.2005, Blaðsíða 12

Afar efnilegt flugubox, sennilega í AFF flokki. Skipulagið á laxatúpunum gefur til kynna sterka hemaðaráœtlun, fyrst þessi, svo þessi og síðast þessi.
Þama er á ferðinni veiðimaður sem gefst ekki upp fyrr en allt hefur verið reynt í boxinu.
HFF
Hæfileg fágaðir fluguraðarar. Þetta er eiginlega B + flokkur
eða jafnvel A-. Þessir menn kunna að velja flugur en leggja
ekkert sérstaklega uppúr því að raða þeim fallega, hvaðþá
skipulega í fluguhylkin. Þeim finnst í lagi að nota gamla
vindlakassa, sem hafa verið fóðraðir með frauðplasti, undir
flugurnar. Þessi víðsýni er einmitt þeirra styrkur en getur
líka komið að sök þegar þessar þúsundir flugna sem þeir
hafa hnýtt eða sankað að sér verða að þúsund hugmyndum
í tregfiskiríi og aðeins ein fluga er að gefa.
SFF
Skelfilega furðulegir fluguraðarar. Þetta er tvímælalaust
C-flokkur ef eingöngu er miðað við fagurfræðina í
fluguboxnunum. Þessir veiðimenn gleyma gjarna sjóbirtings-
flugunum í hylkjunum vetrarlangt og veiða með þeim
rauðryðguðum án þess að blikna haustið eftir. Þetta eru líka
mennirnir sem taka upp ruslið sitt á úrslitastundu, opna
boxið og helmingurinn dettur beint ofaní grasið og týnist. En
þessi eina drusla sem þeir draga upp gefur alla þrjá fiskana
þann daginn.
Það felst nefnilega ákveðin frelsun í óreiðunni. Sá sem
brýtur aldrei hefðina og fer aldrei fáfarna afleggjara eða
leiðir, sem fáir hafa farið áður, missir hreinlega af þeirri
reynslu að uppgötva eitthvað nýtt. Þannig getur einmana og
yfirgefin IPB, sem liggur einsog klessa meðan fallegar, litríkar
silunga- og laxaflugur breiða úr sér líktog sumarblóm í túni
allt í kring, gert eitthvað stórkostlega óvænt. Sjálfum finnst
mér ég vera í bestu stuði, sem aðeins AFF, og hæfilegt HFF
og SFF, í þessum hlutföllum. Mestu máli skiptir sennilega að
menn finni sinn farveg einsog það heitir hvort sem það þýðir
falleg flugubox og einkunina 10 í uppröðun eða bara sama
gamla góða og eilífa ringulreiðin.
IPB liggur ein og yfirgefin í fluguboxinu. Þetta lítur ekki sérstaklega
efnilega út en getur þegar allt annað bregst verið stórfínn möguleiki
fyrir örvæntingarfullan veiðimann.
12 Veiðimaðuriiui Júni 2005