Veiðimaðurinn - 01.06.2005, Page 30

Einar Guðmann er afar öflugur silungsveiðimaður.
Jo//
þurrfluguveiðinnar
Dulúð og leyndardómar eru órjúfanlegur hluti af
fluguveiði. Hvergi endurspeglast þessi dulúð þó
betur en þegar þurrfluguveiði er annars vegar.
Það leikur ekki vafi á því að til eru aðferðir sem
afla betur en þurrfluguveiði en engin aðferð krefst
jafn mikils sjálfstrausts af veiðimanninum. Á
móti er heldur engin aðferð sem vekurjafn mikla
eftirvœntingu hjá veiðimanninum þegar hann sér
fiskinn rísa upp í yfirborðið og taka fluguna.
Margt veldur því að þessi leyndardómsfulla dulúð og
sérviska fylgir veiðum með þurrflugu. Þegar ég byrjaði að
kasta þurrflugu var engu líkara en það litla sem ég hafði
lært í fluguveiði væri til einskis. Aðferðin er það ólík öðrum
aðferðum að nánast þarf að læra að veiða upp á nýtt.
Sjálfstraustið dvínar því hjá mér um leið og þurrflugu er
kastað en því meiri verður gleðin þegar fiskur tekur og dæmið
gengur upp. Skammt er síðan ég hóf að kasta þurrflugum og
hlýt ég því að kallast byrjandi í þessari veiðitækni en það að
vera ekki lengur að veiða undir yfirborðinu heldur ofan á
þvf opnar nýja vídd í veiðiskap.
30 Veiðimaðurinn Júni 2005