Fréttablaðið - 31.03.2023, Side 10


Spá Fréttablaðsins gerir ráð fyrir því að bæði FH og Stjarnan
endi í efri hluta deildarinnar þegar 22 umferðir eru búnar.
Vonbrigðin gætu hins vegar orðið á Akureyri en eftir að hafa
endað í öðru sæti í fyrra gerir Fréttablaðið ráð fyrir að liðið
endi í sjöunda sæti í ár. Margt áhugavert getur gerst en
Besta deildin hefst 10. apríl.
hordur@frettabladid.is
Upprisa FH hefst
en vonbrigðin
verða á Akureyri
Spá FréttablaðSinS – Besta deildin |
6. Stjarnan
n Lykilmaður:
Hilmar Árni
Halldórsson
n Þjálfari: Ágúst Gylfason
n Heimavöllur: Samsungvöllurinn
n Íslandsmeistarar: 1 sinni
Stjarnan var það lið sem bauð upp
á skemmtilegustu leikina á síðasta
tímabili, liðið skoraði mikið en var
oftar en ekki í stökustu vandræð-
um með að verjast. Ágúst Gylfason
þjálfari liðsins hefur talað um að
reyna að finna betra jafnvægi í leik
liðsins. Sóttir hafa verið reyndir
leikmenn en Guðmundur Krist-
jánsson á að binda saman vörnina,
áhyggjuefni er að Haraldur Björns-
son markvörður liðsins hefur verið
meiddur í vetur.
Stjarnan sótti Árna Snæ Ólafsson
frá ÍA en hann hefur setið undir
gagnrýni síðustu ár fyrir slaka spila-
mennsku, fróðlegt verður að sjá
hvernig honum tekst til í Garðabæ.
Stjarnan setur stefnuna á
Evrópu sæti en það gæti verið
aðeins of stórt skref fyrir liðið, ef
allt smellur geta Garðbæingar hins
vegar látið sig dreyma.
Komnir:
Baldur Logi Guðlaugsson
Guðmundur Kristjánsson
Heiðar Ægisson
Joey Gibbs
Andri Adolphsson
Árni Snær Ólafsson
Þorbergur Þór Steinarsson
Farnir
Elís Rafn Björnsson
Ólafur Karl Finsen
Óskar Örn Hauksson
Daníel Finns Matthíasson
Einar Karl Ingvarsson
7. KA
n Lykilmaður:
Hallgrímur Mar
Steingrímsson
n Þjálfari: Hallgrímur Jónasson
n Heimavöllur: KA-völlur
n Íslandsmeistarar: 1 sinni
Það er erfitt að spá fyrir um gengi
KA í vetur, liðið sem endaði í
öðru sæti á síðasta tímabili hefur
gengið í gegnum breytingar sem
gætu hreinlega verið of miklar.
Einn reyndasti og besti þjálfari
landsins, Arnar Grétarsson, er
horfinn á braut og við er tekinn
óreyndur Hallgrímur Jónasson.
Hallgrímur hefur getið sér gott
orð en hefur ekki enn þurft að
standa í stafni þegar eitthvað
bjátar á.
Nökkvi Þeyr Þórisson bar
uppi sóknarleik liðsins á síðustu
leiktíð og fróðlegt verður að sjá
hvernig KA tekst að tækla fjar-
veru hans. Pætur Petersen kom
frá Færeyjum og Hallgrímur Mar
Steingrímsson er áfram á sínum
stað en hann á mikið inni frá
síðustu leiktíð.
KA-menn setja stefnuna
væntanlega hærra en Frétta-
blaðið telur að tímabilið gæti
orðið snúið á Akureyri.
Vel hefur gengið hjá KA í vetur
en öll alvöru prófin eru eftir fyrir
hinn unga og óreynda þjálfara.
Komnir
Pætur Petersen
Harley Willard
Ingimar Torbjörnsson Stöle
Kristoffer Forgaard Paulsen (lán)
Farnir
Bryan Van Den Bogaert
Gaber Dobrovoljc
8. ÍBV
n Lykilmaður:
Eiður Aron
Sigurbjörnsson
n Þjálfari: Her-
mann Hreiðarsson
n Heimavöllur: Hásteinsvöllur
n Íslandsmeistarar: 3 sinnum
Iðulega kemur ÍBV til leiks eftir
mörg slæm úrslit á undirbúnings-
tímabilinu og liðið algjörlega
óskrifað blað. ÍBV hefur hins
vegar í vetur aldrei þessu vant
verið á mikilli siglingu, liðið hefur
unnið góða sigra á bæði FH og
Breiðabliki og komst í undanúrslit
Lengjubikarsins.
Filip Valencic hefur breytt
sóknarleik liðsins en honum er
ætlað að vera límið þar, hann
hefur sýnt góða takta á undir-
búningstímabilinu. Andri Rúnar
Bjarnason er horfinn á braut og
verður fróðlegt að sjá hvernig ÍBV
gengur án hans.
Þrátt fyrir góð úrslit á undir-
búningstímabilinu er hópur ÍBV
afar þunnur og má Hermann
Hreiðarsson hafa sig allan við til
þess að halda öllum heilum svo
ekki fari að gefa á bátinn.
Komnir
Guy Smit (láni)
Bjarki Björn Gunnarsson (lán)
Filip Valencic
Hermann Þór Ragnarsson
Ólafur Haukur Arilíusson
Sverrir Páll Hjaltested
Farnir
Óskar Elías Zoega Óskarsson
Telmo Castanheira
Andri Rúnar Bjarnason
Atli Hrafn Andrason
Kundai Benyu
w
Steven Lennon var skugginn af sjálfum sér í fyrra. Hann þarf að stíga upp fyrir komandi tímabil ef spáin á að ganga eftir. FréttaBLaðið/Ernir
10 íþróttir FRÉTTABLAÐIÐ 31. mARs 2023
FÖStUDAGUr