Nesfréttir - 01.12.2022, Page 14

14 Nesfrétt ir
Vesturhlíð 2 | Fossvogi | s. 551 1266 | utfor@utfor.is | utfor.is
VIÐ ÞJÓNUM ALLAN SÓLARHRINGINN
Útfararþjónusta
í yfir 70 ár
Ný heimasíða
Seltjarnarnesbæjar
Þann 1. desember sl. runnu upp langþráð tímamót þegar að nýr vefur
Seltjarnarnesbæjar fór í loftið. Nýi vefurinn leysti þar með af hólmi
þann gamla sem staðið hefur sína plikt frá árinu 2003. Tímarnir hafa
breyst, þróunin verið hröð og gamli vefurinn var löngu orðinn barn síns
tíma. Nýr vefur er þróaður í takt við nýja tíma, breyttar þarfir notenda,
snjallvæðingu og léttari ásýnd.
Opnun á aðalvef bæjarins var fyrsti áfanginn í endurnýjuðum heimasíðum
fyrir stofnanir bæjarins en framundan er vinna við vefi fyrir bókasafnið,
leikskólann, grunnskólann og tónlistarskólann. Þeir verða í stíl við
aðalvefinn og í sama vefumsjónarkerfi en hver og einn fær þó sitt sérkenni.
Markmiðið er að vefirnir fari í loftið á nýju ári þó nákvæm tímasetning liggi
ekki fyrir.
Vafrið og njótið!
Bæjarbúar eru hvattir til að vafra um nýjan vef Seltjarnarnesbæjar, læra
á hann og upplifa það sem hann hefur upp á að bjóða en nýjungarnar eru
fjölmargar. Hafa ber í huga að vefurinn er enn á vinnslustigi því taka mun
tíma að koma öllu efni, textum, ljósmyndum o.fl. inn á hann sem og að
fínpússa síður og slóðir. Notendur geta því upplifað einhverja hnökra fyrst
um sinn eða ekki fundið strax það efni sem leitað er að.
Ábendingar varðandi vefinn eru vel þegnar og má m.a. senda þær í
gegnum nýju ábendingagáttina á forsíðunni. Þar er einnig hægt að senda
inn ábendingar um hvaðeina er snýr að umhverfinu og starfsemi bæjarins.
Ásamt lýsingu er hægt að velja staðsetningu á korti og senda mynd með
ábendingunni sem komið verður í réttan farveg innan stjórnsýslunnar.
Viðburðastika á forsíðunni er nýjung sem vert er að nefna. Þar verða
settir inn viðburðir á vegum bæjarins auk þess sem aðrir viðburðahaldarar
á Seltjarnarnesi geta skráð inn viðburði sem erindi eiga við bæjarbúa. Með
frétta- og viðburðastikunni ættu íbúar að geta fengið góða yfirsýn yfir það
sem er að gerast í menningar- og mannlífinu hér á Seltjarnarnesi. Að auki má
deila fréttum, viðburðum og upplýsingum á einfaldan hátt beint af vefnum
hvort sem er í tölvupósti eða inn á samfélagsmiðla.
Upplifun af nýju heimasíðunni verður vonandi sem best og þróun
stafrænnar vegferðar bæjarins mun halda áfram með það að markmiði að
auka þjónustu við bæjarbúa.
Nýr vefur Seltjarnarnesbæjar.
ALHLIÐA MÚR- OG STEYPUVIÐGERÐIR
www.husavidgerdir.is/hafa-samband
info@husavidgerdir.is - Sími 565-7070
Finndu okkur á
Fegrun og lenging líftíma
steyptra mannvirkja er
okkar áhugamál. Við
höfum náð góðum árangri
í margs konar múr- og
steypuviðgerðum,
múrfiltun, steiningu og
múrklæðningum. Hafðu samband
Við skoðum og gerum tilboð!
Verslaðu með hjartanu!
www.systrasamlagid.is