Nesfréttir - 01.12.2022, Side 21

Tómstundir og félagsstarf
barna og ungmenna eru
mikilvægur þáttur í uppeldi,
því félagsmótun fer fram í
samskiptum þeirra við vini og
jafnaldra. Tíminn eftir skóla
skiptir máli og þess vegna
er mikilvægt að sem mest
jafnræði ríki meðal barna um
að geta tekið þátt í uppbyggilegu
tómstunda starfi eftir að
skóla lýkur. Meginmarkmið
tómstunda styrkja er að auðvelda öllum börnum
að sinna uppbyggilegu tómstunda starfi óháð
efnahag fjölskyldna eða félagslegum aðstæðum og á sama tíma efla
tómstunda- og forvarnastarf. Með tómstundastyrkjum má greiða að
hluta tómstundaiðkun hvort sem þær eru stundaðar á Seltjarnarnesi eða
í nágrannasveitarfélögum. Minnt er á að þeir sem eiga eftir að sækja um
styrki fyrir árið 2022 hugi að því fyrir áramót. Öll börn á aldrinum 5 – 18
ára og hafa lögheimili á Seltjarnarnesi eiga rétt á styrknum.
Hærri styrkur frá áramótum
Til þess að gera börnum og ungmennum á Seltjarnarnesi betur
kleift að taka þátt í skipulögðu tómstunda- og íþróttastarfi, setti
Sjálfstæðisflokkurinn á Seltjarnarnesi í stefnuskrá sína í kosningunum
í vor að hækka tómstundastyrk
barna frá fimm ár aldri úr
50.000 kr. í 75.000 kr. frá og með
janúar 2023. Við lítum svo á að
þessi stuðningur bæjarins við
tómstundastarf barna og unglinga
sé mikilvægur liður í forvörnum
fyrir þennan aldurshóp. Þá er
það von Sjálfstæðisflokksins að
hækkunin stuðli að auknu valfrelsi
og jöfnuði en eitt af leiðarljósum
Seltjarnarnesbæjar sem heilsu-
eflandi samfélag er jöfnuður í
heilsu með almennum aðgerðum.
Sérstök fjárhagsaðstoð
Að lokum viljum við nýta
tækifærið og benda á þann
möguleika sem getið er í reglum um
fjárhagsaðstoð hjá félagsþjónustu
Seltjarnarnesbæjar frá árinu 2019
og finna má á heimasíðu bæjarins,
en í 16. gr. segir að fjölskyldur geti
sótt um sérstaka fjárhagsaðstoð
til að mynda til að greiða fyrir
tómstundir barna.
Hildigunnur Gunnarsdóttir,
formaður fjölskyldunefndar
Dagbjört Snjólaug Oddsdóttir,
varaformaður fjölskyldunefndar
Nesfrétt ir 21
Tómstundastyrkur
barna hækkar
Hildigunnur
Gunnarsdóttir.
Dagbjört
Snjólaug
Oddsdóttir
Út um víðan völl
Ævisaga Júlíusar Sólness
komin út
Á dögunum kom út bókin Út um víðan völl. Bókin er
sjálfsævisaga Júlíusar Sólnes, prófessor emeritus við
Umhverfis- og byggingaverkfræðideild Háskóla Íslands.
Júlíus hefur komið víða við í gegnum tíðina og ekki
einskorðað sig við verkfræðistörf og kennslu þótt það
hafi lengstum verið aðal viðfangsefni hans og störf.
Júlíus tók einnig þátt í stjórnmálum. Hann var einn af
stofnendum Borgaraflokksins og gegndi fyrstur manna
starfi umhverfisráðherra hér á landi eftir að það embætti
var stofnað. Hann rekur tilurð og örlög Borgaraflokksins á
greinargóðan hátt. Júlíus kom einnig við sögu Kröfluvirkjunar sem setti þjóðfélagið
nærri á hvolf út af illvígum deilum. Margir minnast enn frægra orða föður hans
Jóns G. Sólness þegar hann sagði í sjónvarpsviðtali þegar hvað harðast var deilt
að Krafla myndi senda frá sér birtu og il sem sannarlega varð að veruleika.
Í bókinni fjallar Júlíus um fjölbreyttan feril sinn. Bæði í störfum við Háskóla
Íslands, aðkomu að Kröfluvirkjun og stofnun umhverfisráðuneytisins þar sem
hatrömm andstaða var á Alþingi gegn stofnun þess. Í bókinni er víða komið
við á löngum og viðburðaríkum æviferli sögumannsins. Júlíus segir frá lífi og
ferðum þeirra hjóna hans og Sigríðar Maríu Óskarsdóttur eiginkonu hans. „Við
kvæntumst ung, og sem oftast tók hún virkan þátt í heimshornaflakki mínu. Hún
hefur alla tíð verið mér stoð og stytta og svo sannarlega auðgað líf mitt. Þetta er
því ekki síður ævisaga hennar,“ segir Júlíus í bókarkynningu. Innan við þrítugt
áttu þau þrjú mannvænleg börn og dvöldust meðal annarrs langdvölum í Tókýó
og heimsótt mörg þjóðlönd í Austurlöndum fjær. Þau bjuggu einnig í Danmörku
í um 14 ár. Júlíus hefur frá mörgu að segja, bæði frá starfi og ekki síður átökum á
þjóðmálasviðinu en einnig úr hans persónulega lífi. Háskólaútgáfan gefur bókin út.
www.gilbert.is
VERÐ frá:
29.900,-
arc-tic Retro
klassísk Armbandsúr fyrir
dömur og herra
tilvalið í jólapakkann