FLE blaðið - 01.01.2022, Page 5

5FLE BLAÐIÐ JANÚAR 2022
Hólmgrímur vinnur hjá Deloitte á Akureyri
ræktina hafa sinn sess með misjöfnum árangri þó. Það nýjasta
í því eru göngur en við hjónin settum okkur til dæmis það mark-
mið núna um áramótin að ganga alla vega sitthvora 1000 kíló-
metrana á árinu 2022 okkur til heilsubótar. Annars finnst mér
líka afskaplega gott að vera bara heima hjá mér í rólegheitum
og slaka á.
Skemmtisögur?
Kann nú lítið af svoleiðis en konan mín hefur alltaf svo-
lítið gaman af þeirri staðreynd að þegar ég var að byrja í
Menntaskólanum þá heimtuðu eldri systur mínar þrjár að ég
yrði á heimavistinni þó að það væri ekki nema um 10 mín
akstur þaðan sem ég bjó í skólann og ég á bíl. Ástæðan var
sú að þær sögðu að ég væri svo ófélagslyndur að ég yrði að
fara á vistina, annars yrði ég bara heima í fjósi og myndi aldrei
ganga út. Á heimavistinni var ég sem sagt í fjóra vetur sem
voru reyndar alveg frábærir og veit ekki betur en að þetta ráð
þeirra systra hafi virkað vel.
ENDURSKOÐANDINN HÓLMGRÍMUR
Starfsferill?
Ég ólst upp við hefðbundin sveitastörf þangað til ég
flutti til Reykjavíkur eftir menntaskóla, þá vann ég eitt ár
í Rúmfatalagernum sem þá var í Auðbrekku í Kópavogi
áður en ég byrjaði í viðskiptafræðinni. Þegar ég var á þriðja
ári í viðskiptafræðinni byrjaði ég að vinna með skóla hjá
Þema endurskoðun sem síðar varð Grant Thornton. Eftir
útskrift úr viðskiptafræðinni árið 1998 fór ég að vinna hjá
Endurskoðunarskoðunarskrifstofu Sigurðar Stefánssonar sem
fljótlega rann inn í Deloitte og hef ég unnið þar síðan, þar af eitt
ár hjá Deloitte í Winnipeg í Kanada.
Af hverju að fara í löggildingu?
Það var nú þannig að þegar ég var að alast upp í sveitinni þá
ætlaði ég að sjálfsögðu að verða bóndi. Ég komst hins vegar
fjótlega að því að áhuginn og kannski færnin líka lá meira í
tölunum og rekstrinum sem slíkum heldur en í umhirðu dýr-
anna og vélanna. Ég ákvað því að skella mér í viðskiptafræði
og þegar þangað var komið vakti endurskoðun fljótlega áhuga
minn og því skellti ég mér í hana og sé svo sannarlega ekki
eftir því.
Hvað er skemmtilegast við endurskoðunina?
Það er svo margt. Í grunninn hef ég alltaf haft mjög gaman að
tölum og rekstri og í endurskoðuninni fæ ég heldur betur að
fást við það. Starfið er í raun mjög fjölbreytt og maður fær að
kynnast og starfa með allskonar fólki og vinna fyrir allskonar
fyrirtæki og stofnanir.