FLE blaðið - 01.01.2022, Page 8

8 FLE BLAÐIÐ JANÚAR 2022
Í síbreytilegu rekstrarumhverfi nútímans skipta traust og áreið-
anleiki öllu máli og fer það vel saman við hlutverk endurskoð-
enda. Endurskoðendur gegna grundvallarhlutverki í viðskiptalíf-
inu og erfitt er að hugsa sér hvernig það ætti að ganga fyrir sig
án þess mikilvæga hlutverks sem þeir gegna. Endurskoðendur
styðja á hverju ári við framgang viðskipta með störfum sínum
sem framkvæmd eru með gott siðferði, heiðarleika og faglega
gagnrýni að leiðarljósi. Auk þess að styðja við fyrirtæki með
sérfræðiráðgjöf sköpum við traust með óháðum staðfesting-
um sem eru oft grundvöllur þess að viðskipti geti átt sér stað.
Jafnframt getum við haft áhrif á að búa til betri heim til að lifa
og starfa í fyrir okkur öll.
Við erum um þessar mundir að upplifa miklar breytingar á
endurskoðunarmarkaði og í heiminum öllum og eðlilegt að
velta því fyrir sér hvað þær þýða fyrir stéttina í heild sinni. Ég
tel að aldrei hafi verið eins mikil þörf fyrir þjónustu þá sem við
veitum sem stétt og aldrei eins mikil tækifæri til staðar fyrir
endurskoðendur til að hafa áhrif á samfélagið eins og nú. Ekki
bara er mikilvægi staðfestinga fjárhagsupplýsinga jafnmikið ef
ekki meira en áður með auknu flækjustigi viðskipta og fram-
þróun á tækni, heldur bætast sjálfbærnimálin nú við. Ekki ein-
ungis staðfestingar þeirra heldur einnig ráðgjöf og framsetning
skýrslna. Það er því ljóst að fjölga þarf í stéttinni svo við
mætum fyrirsjáanlegri aukinni eftirspurn eftir þjónustu okkar.
Við þessar aðstæður ætti ungt fólk að flykkjast til stéttarinnar
þar sem tækifærin til að hafa áhrif á samfélagið til góðs eru
mikil og einnig er um að ræða spennandi og fjölbreytt starf þar
sem laun eru samkeppnishæf ...en er það svo?
Nei, það er eiginlega ekki þannig, ekki hér á landi og ekki held-
ur í löndunum í kringum okkur þar sem þróunin er í þá átt að æ
fleiri kjósa að yfirgefa störf hjá endurskoðunarfyrirtækjum og
velja önnur störf. Það hefur lengi loðað við starfið að ungt fólk
lítur á það sem undirbúning fyrir annað og betra starf og einnig
höfum við einhvern vegin sætt okkur við að launin fyrir þá sem
eru að hefja starfsferil sinn í endurskoðun séu ekki samkeppn-
ishæf við laun sem endurskoðendur geta fengið á markaði.
Lausnin á launamuninum hefur fram til þessa falist í að starfs-
fólk á endurskoðunarstofum hefur oft unnið myrkranna á milli
til að bæta sér upp lægri laun með yfirvinnu.
En af hverju skyldi það vera að við sættum okkur við það eins
og náttúrulögmál að viðskiptalífið og opinberir aðilar geti greitt
ungu fólki hærri laun en endurskoðunarfyrirtæki? Getur verið
að við sjálf gerum okkur ekki grein fyrir mikilvægi endurskoð-
enda sem stéttar og að það hafi áhrif á verðlagningu á þjónust-
unni?
Þeir sem hafa verið lengi í faginu muna örugglega eftir
umræðunni um væntingabil í endurskoðun þar sem væntingar
viðskiptavina og notenda endurskoðaðra reikningsskila fór ekki
saman við það sem raunverulega fólst í endurskoðun. Þetta
væntingabil hefur dregist mjög saman en myndast hefur nýtt
væntingabil þar sem mikilvægi þjónustunnar er ekki í öllum til-
vikum metið að verðleikum og kemur það fram með ýmsum
hætti. Má þar nefna, framlag hins opinbera þar sem stéttinni
sjálfri er gert að fjármagna gæðaeftirlit endurskoðenda, slæleg
viðbrögð við beiðnum frá Félagi löggiltra endurskoðenda um
einfaldar breytingar á lögum t.a.m. til að laga mistök í lagasetn-
HVAR VÆRI VIÐSKIPTALÍFIÐ
ÁN ENDURSKOÐENDA?
Margrét Pétursdóttir, endurskoðandi hjá EY
Endurskoðendur styðja á hverju ári við framgang viðskipta
með störfum sínum sem framkvæmd eru með gott
siðferði, heiðarleika og faglega gagnrýni að leiðarljósi