FLE blaðið - 01.01.2022, Side 28

28 FLE BLAÐIÐ JANÚAR 2022
þessa hefur helst verið í umræðunni limited assurance út
frá staðli ISAE 3000 til að byrja með sem gæti þróast yfir í
resonable assurance eða jafnvel endurskoðun síðar.
Í þriðja lagi er mikilvægt að það sé ákveðinn stöðugleiki með
hvaða hætti endurskoðendur gefi staðfestingu á sjálfbærni-
skýrsluna og að það sé sameiginleg niðurstaða innan stétt-
arinnar svo allir framkvæmi þá vinnu með sambærilegum
hætti.
Í fjórða lagi er alveg ljóst að við tilkomu slíkrar skýrslu sem
skýrsla um sjálfbærni er að þá verður til staðar ákveðið
flækjustig þar sem þær upplýsingar sem þar koma fram
eru allt annað en fjárhagslegar upplýsingar liðins árs sem
við erum vön að nálgast samkvæmt alþjóðlegum endur-
skoðunarstöðlum. Hér stöndum við frammi fyrir upplýsing-
um sem horfa til framtíðar hjá fyrirtækinu sem og upplýs-
ingar sem getur reynst erfitt að fá tölulegar og/eða haldbær-
ar upplýsingar um.
Í fimmta og síðasta lagi kallar sjálfbærniskýrslan fram
ákveðnar áskoranir fyrir endurskoðendur þar sem kunnátta
og menntun á þeim sviðum sem skýrslunni er ætlað að
draga fram er að takmörkuðu leiti til staðar, hvorki í vinnu
okkar í dag né heldur í þeirri menntun sem við höfum hlotið
á þeirri vegferð að verða endurskoðendur.
Því verður þetta mikil áskorun fyrir starfandi endurskoðend-
ur sem og félög endurskoðenda að koma ákveðinni þekk-
ingu á framfæri í gegnum endurmenntun og jafnframt þarf
háskólaumhverfið að taka tillit til þessa við sitt námsframboð
sem og að þessi þekking rati inn í löggildingarferlið.
Framangreindu til viðbótar hafa ýmis önnur atriði verið til
umræðu eins og hvort um verði að ræða eina skýrslu eða tvær
þ.e. hinn hefðbundni ársreikningur sem við þekkjum og svo
hins vegar skýrsla um sjálfbærni. Og einnig er ábyrgð endur-
skoðandans á skýrslu um sjálfbærni stórt mál sem þarfnast
frekari umræðu.
AÐ LOKUM
Fráfarandi stjórn og nefndum er þakkað fyrir ánægjulegt sam-
starf á liðnu ári og ykkur öllum góðir félagsmenn fyrir að hafa
tekið þátt í þeim atburðum sem félagið hefur staðið fyrir á liðnu
ári.
Sigurður B. Arnþórsson