FLE blaðið - 01.01.2019, Blaðsíða 25

25FLE BLAÐIÐ JANÚAR 2019
verið unnin hér á landi og mikil sérhæfing og þekking hefur
orðið til hjá innlendum kvikmyndagerðarmönnum. Sérfræðingar
í markaðsmálum fullyrða að sú landkynning sem fólgin er í því
að Ísland hefur verið notað sem tökustaður í erlendum stór-
myndum sé nánast ómetanleg og hafi átt stóran þátt í auknum
fjölda ferðamanna til landsins. Reynsla af lagasetningunni hefur
verið það góð að gildistími þeirra hefur tvívegis verið fram-
lengdur og er nú til ársloka 2021.
ENDURGREIÐSLUR VEGNA HLJÓÐRITUNAR Á TÓNLIST
Vegna þess mikla árangurs sem náðst hefur með endurgreiðsl-
um til kvikmyndagerðar voru settar sambærilegar reglur um
endurgreiðslur vegna hljóðritunar tónlistar hér á landi með
lögum nr. 110/2016.
Kröfur sem gerðar eru til upplýsinga eru að stórum hluta sam-
bærilegar við ákvæði laga um endurgreiðslur til kvikmynda-
gerðar og endurgreiðsluhlutfallið er það sama eða 25%. Þó eru
nokkur ákvæði sem eiga einungis við um tónlist. Gerð er krafa
um að sú tónlist sem hljóðrituð er á Íslandi og sótt er um
endurgreiðslu fyrir uppfylli tiltekin skilyrði. Sem dæmi má nefna
að samanlagður spilunartími tónlistarinnar þarf að ná 30 mínút-
um og að hljóðritin séu gefin út á 18 mánaða tímabili. Ekki
mega vera liðnir meira en sex mánuðir frá því að nýjasta hljóð-
ritið var gefið út.
Einn veigamikill munur er á lögum um endurgreiðslur vegna
tónlistar og vegna kvikmyndagerðar. Í lögum um endurgreiðsl-
ur vegna tónlistar er ákvæði um að sami útgefandi geti ekki
fengið hærri endurgreiðslu en 30 m.kr. á þriggja ára tímabili.
Ekkert slíkt ákvæði er í lögum um endurgreiðslur vegna kvik-
myndagerðar, hvorki vegna einstakra framleiðenda né fjár-
hæðamörk. Einu takmörkin á endurgreiðslum vegna kvik-
myndagerðar eru þær fjárhæðir sem ákveðið er að verja í
endurgreiðslur á fjárlögum. Fram kemur í þeim vilyrðum sem
veitt eru til framleiðenda að fjárveitingar til endurgreiðslna séu
háðar framlögum á fjárlögum hverju sinni. Fari samþykktar
endurgreiðslur umfram fjárveitingar hefur nefnd um endur-
greiðslur heimild til að fresta endurgreiðslum milli fjárlagaára í
heild eða hluta.
Hvort setning laga um endurgreiðslur vegna hljóðritunar á tón-
list verði sama lyftistöng fyrir tónlistasköpun og upptökur hér á
landi og endurgreiðslur vegna kvikmyndagerðar á tíminn eftir
að leiða í ljós.
Alexander G. Eðvardsson
SKIPAN STJÓRNAR OG FASTANEFNDA FLE
STARFSÁRIÐ 2018 - 2019
Félagsstjórn FLE frá vinstri: H. Ágúst Jóhannesson formaður, Bryndís Björk Guðjónsdóttir varaformaður, Sif Einarsdóttir,
Anna Kristín Traustadóttir og Arnar Már Jóhannesson.
Álitsnefnd FLE: H. Ágúst Jóhannesson formaður, Bryndís Björk Guðjónsdóttir varaformaður, Margrét Pétursdóttir,
J. Sturla Jónsson, Sigurður Páll Hauksson og Ómar Björnsson varamaður.
Endurskoðunarnefnd FLE: Árni Þór Vilhelmsson formaður, Kristín Sveinsdóttir, Fannar Ottó Viktorsson og
Aðalheiður Sigbergsdóttir.
Gæðanefnd FLE: Jóhann Óskar Haraldsson formaður, Magnús Mar Vignisson, Díana Hilmarsdóttir og Ragnar Sigurmundsson.
Menntunarnefnd FLE: Hjördís Ýr Ólafsdóttir formaður, Pétur Hansson, Björn Óli Guðmundsson og Arna G. Tryggvadóttir.
Reikningsskilanefnd FLE: Hulda Sigurbjörnsdóttir formaður, Atli Þór Jóhannsson, Sigurjón Arnarson og
Gunnar Snorri Þorvarðarson.
Skattanefnd FLE: Sighvatur Halldórsson formaður, Anna María Ingvarsdóttir, Ágúst Kristinsson og Heiðar Þór Karlsson.