FLE blaðið - 01.01.2019, Blaðsíða 32

32 FLE BLAÐIÐ JANÚAR 2019
BRUSSEL
SKEMMTILEG OG VELHEPPNUÐ FERÐ
Benóní Torfi Eggertsson, endurskoðandi Deloitte
Skipulagið var gott með hæfilegu samblandi af fræðslu og skemmtun
með nægum frjálsum tíma og engum rútuferðum
Að morgni 27. september 2018 héldu 111 endurskoðendur
ásamt 55 mökum og gestum til höfuðborgar Belgíu, Brussel í
fyrstu utanlandsferð félagsmanna á vegum FLE í 13 ár eða
síðan 2005, þegar félagið fór með félagsmenn til höfuðborgar
Svíaríkis, Stokkhólms. Fram að því hafði félagið staðið nokkuð
reglulega fyrir ferðum félagsmanna á erlenda grundu og man
greinarhöfundur eftir ferðum til Edinborgar, Skotlandi árið
1989, ferð til Brussel árið 1992, ferð til New York árið 1997,
ferð til London árið 2001 og áðurnefnd ferð til Svíþjóðar á árinu
2005. Þessar ferðir hristu saman félagsmenn að mati
greinarhöfundar auk þess sem sumir sýndu á sér nýjar hliðar
t.d. var minnisstætt fyrir greinarhöfund þegar hann heyrði
nokkra ónefnda félagsmenn í Svíþjóð 2005 kyrja lagið pabbi
þarf að vinna og pabbi þarf að hitta mennina þannig sungið að
það var eins og þeir hefðu samið textann sjálfir.
Eins og áður sagði þá duttu þessar ferðir upp fyrir eftir Svíþjóð
2005 og var ástæðan sennilega hræðsla um þátttökuleysi
vegna þess að algengt var orðið að endurskoðunarfyrirtæki
héldu árshátíðir erlendis auk þess sem tengsl við erlend endur-
skoðunarfyrirtæki leiddu til þess að íslenskir endurskoðendur
fóru oft á ráðstefnur og fundi á erlendri grundu. Þess vegna var
það óvænt ánægja þegar ferð til Brussel var sett á kortið af
FLE í lok september 2018 og líka hve þátttaka félagsmanna var
góð og sérstaklega ungra félagsmanna.
Þrátt fyrir að svona ferðir séu ávallt mjög skemmtilegar þá er
eitt sem er alltaf svo lítið kvíðvænlegt en það eru langar rútu-
ferðir í tengslum við þéttskipaða dagskrá skoðunarferða en
slíkar rútuferðir geta tekið verulega á sérstaklega ef mjög
gaman hefur verið kvöldið áður. Þess vegna var það ánægju-
legt að sjá að umrædd ferð innihélt engar rútuferðir nema til og
frá flugvellinum og að auki var gert ráð fyrir miklum frjálsum
tíma sem félagsmenn gátu ráðstafað í þeirri stórkostlegu borg
Brussel. Fimmtudagurinn 27. september 2018 var bara ferða-
dagur og eftir að ferðlangar höfðu tékkað inn á hótelið