Þingtíðindi Alþýðusambands Íslands ... - 26.11.1984, Blaðsíða 23

ræði í félögunum næstu tvö árin. Síðan kynnti hún drög að ályktun um at-
vinnulýðræði sem lágu fyrir þinginu. Við 1. umræðu kom fram ein breyt-
ingartillaga við drögin. Við síðari umræðu kvaddi enginn sér hljóðs og var
álit nefndarinnar samþykkt samhljóða.
Málefni aldraðra
Framsögu hafði Guðríður Elíasdóttir. Hún kvað málefni lífeyrisþega hafa
verið til umfjöllunar hjá verkalýðshreyfingunni á undanförnum árum. Sagði
frá samstarfi við aðila á Norðurlöndunum um þessi mál. Hún ræddi um hvort
sameina ætti alla lífeyrisþega í heildarsamtök, og ræddi um starfsemi sam-
ráðsnefndar. Síðan fór hún yfir drög að ályktun um málefni aldraðra, sem
lágu fyrir þinginu. Tvær viðbótartillögur voru lagðar fram í umræðum. Að-
eins var ein umræða, síðan var málinu vísað til allsherjarnefndar. Allsherjar-
nefnd skilaði áliti, sem var samþykkt, en af vangá láðist að bera upp álykt-
unardrög miðstjórnar og hlutu þau því ekki afgreiðslu.
Málefni fatlaöra
Framsögu hafði Tryggvi Þór Aðalsteinsson. Hann kvað það skyldu verka-
lýðshreyfingarinnar að vinna að málefnum fatlaðra. Minnti á samþykkt síð-
asta þings um þau mál. Skýrði frá starfi á ári fatlaðra, 1981 og því helsta sem
áunnist hefði í þessum málum. Einnig skýrði hann frá starfi samráðsnefndar
um málefni fatlaðra. Hann gat þess að Sjálfsbjargarfélagar hefðu tekið þátt
í flestum önnum félagsmálaskólans á kjörtímabilinu. Hann taldi þurfa að
huga vel að atvinnumálum fatlaðra. Ekki lágu nein drög að ályktun um mál-
efni fatlaðra fyrir þinginu, en Tryggvi kynnti tillögu Aðalheiðar Bjarnfreðs-
dóttur um ályktun um framkvæmdasjóð aldraðra. Aðeins var ein umræða um
málið og var tillaga Aðalheiðar samþykkt samhljóða. Við umræðuna tók til
máls Theódór A. Jónsson, formaður Landssambands fatlaðra. Hann þakkaði
boð ASÍ til sambandsins um að senda fulltrúa á þingið. Hann færði ASÍ að
gjöf veggplatta sem gerður var í tilefni af 25 ára afmæli Sjálfsbjargar og ein-
tak af lokaverkefni Jóhanns Péturs Sveinssonar við Háskóla íslands um rétt-
indi fatlaðra. Ásmundur Stefánsson, forseti ASÍ, veitti gjöfunum viðtöku.
Önnur mál
Aðrar tillögur, sem samþykktar voru á þinginu eða vísað til miðstjórnar,
eru birtar í kaflanum Ályktanir þingsins á bls. 41.
21