Þingtíðindi Alþýðusambands Íslands ... - 26.11.1984, Side 94

og Eirík Smith. Á árinu 1983 kom þriðja bókin út og er hún um Jóhann
Briem. í ár kemur út fjórða bókin í þessari ritröð og er hún um Mugg (Guð-
mund Thorsteinsson).
Listaskálasjóður
Starfsemi Listasafns ASÍ fer fram í Listaskála Alþýðu. Á síðasta þingi var
samþykkt að leggja á sérstakan 15% skattauka, sem ekki hefur áhrif á skatt-
lagningu til Vinnudeilusjóðs, Listasafns og MFA. Skattaukinn var lagður á
til að ASÍ gæti yfirtekið húsnæði Listaskálans. Upphaflega var gert ráð fyrir
að hægt væri að ljúka þessu verkefni á 7 árum og því lokið á árinu 1987. Eins
og kunnugt er hækkar skatturinn í samræmi við launabreytingar. Skuldir
Listaskálasjóðs eru hins vegar verðtryggðar með lánskjaravísitölu. Vegna þess
misræmis í kauphækkunum annars vegar og hækkun lánskjaravísitölu hins
vegar sem varð á árinu 1983 er Ijóst að ekki verður hægt að ljúka því að
greiða niður skuldir Listaskálasjóðs á árinu 1987, eins og upphaflega var ráð-
lagt. Ef takast á að greiða niður skuldir Listaskálasjóðs þarf 15% skattaukinn
að haldast út næsta þingtímabil.
92