Ský - 01.10.2001, Qupperneq 6

5 2001 5. ÁRG.
Gefið út annan hvern mánuð fyrir farþega Flugfélags íslands og aðra íslendinga.
FRÁ RITSTJÓRA
í stefnuræöu sinni á Alþingi sagöi forsætisráðherra þjóöinni aö nú
væri kominn rétti tíminn til aö búa í haginn fyrir nýtt hagvaxtarskeiö.
Var hann þar við sama heygaröshornið og hann hefur veriö undan-
farin misseri þegartaliö berst að kreppu og niöursveiflu, sem hann
hefur ekki mátt heyra minnst á. Hvað er aö Davíð? spyrja þeir sem
hafa vit á efnahagsmálum, fylgist hann ekki með því sem er aö
gerast? Auðvitað veit Davíö betur. í viötali í þessu tölublaði Skýja
segir Ásmundur Stefánsson, bankamaður og fyrrverandi verkalýðs-
foringi, að „staðreyndin sé sú að hreyfingar á hlutabréfamarkaði eru
oft hrein hjarðhegðun án rökrétts tilefnis.” Og Davíð veit að sama
lögmál gildir um efnahagsmarkaðinn í heild. Það er því ekkert óeðli-
legt við að forystusauðurinn reyni að snúa hjörð sinni við. Því miður
er það svo allt annað mál hvort hjörðin sé ekki fýrir löngu komin á
það mikið skrið að henni verði ekki snúið af leið með fortölum.
Annars kemur Ásmundur víða við í þessu bráðskemmtilega viðtali
og er einmitt athyglisvert að lesa skoðanir hans á stjórnun
efnahagsmála landsins undanfarin góðærisár. Hann segir líka álit
sitt á gömlum félögum af vinstri kanti stjórnmálanna og varpar fram
ansi beittri skilgreiningu á stjórnmálamönnum, sem hann segir
annaðhvort athyglis- eða valdasjúka (bls. 60).
Úttekt blaðins er að þessu sinni um málefni sem er vinsælt á
síðum tímarita og t spjallþáttum Ijósvakamiðlanna, það er að segja
offitu. En I stað þess að leggja fólki línurnar um nýjustu megrunar-
kúrana og hvernig það geti öðlast nýtt og betra útlit, þá er kafað
dýpra í málin og skoðuð sú mismunun sem of feitir einstaklingar
mega búa við á mun fleiri sviðum en ætla mætti. Þetta er viðkvæmt
málefni og samúð samfélagsins liggur ekki hjá þessu fólki. En hvort
sem okkur líkar það betur eða verr, þá er of feitt fðlk ört stækkandi
minnihlutahópur. Og eins og Jóhannes M. Gunnarsson, skurðlæknir
og lækningaforstjóri Landspítala Háskólasjúkrahúss, bendir á, þá
búa ofurfeitir einstaklingar „við mjög skertar lífslíkur og því má
alvegtelja ástand þeirra jafnalvarlegt og hjá sjúklingum með ýmsar
tegundir krabbameins.” (bls. 44).
Forsíðuviðtalið er við Höllu Margréti Árnadóttur óperusöngkonu á
Ítalíu. Halla er ekki T neinum Garðars Hólm-stellingum í þessu
viðtali, heldur segir á lifandi og fjörugan hátt frá tilveru sinni meðal
kavalera við Miðjarðarhafið og talar um baráttuna og harkið í óperu-
heiminum (bls. 34). Halla Margrét sagði í haust upp fastráðningu
sinni í einum fremsta óperettuflokki Ítalíu og ætlar nú að láta slag
standa og reyna að komast að í dramatískari óperum. Hennar bíður
stíf og erfið barátta en vonandi tekst henni að heilla óperustjórn-
endurna jafn hressilega upp úr skónum og henni tókst að sjarmera
okkur Pál Stefánsson Ijósmyndara þegar við hittum hana í heima-
borg hennar, Parma á Norður-Ítalíu, nú í byrjun október.
Jón Kaldal
Forsíðumyndina af Höllu Margréti Árnadóttur tók Páll Stefánsson. Sjá bls. 34.
Útgefandi:
loeland Review/Edda - miðlun og útgáfa
Ritstjóri og ábyrgðarmaður:
Jón Kaldal
Myndritstjóri:
Páll Stefánsson
Útlitshönnun:
Bergdís Sigurðardóttir
Ritstjórnarfulltrúi:
Þórdís Lilja Gunnarsdóttir
Ljósmyndarar:
Einar Falur Ingólfsson
Friðrik Örn
Hólmfriður Anna
Markell
Páll Stefánsson
Spessi
Pennar:
Anna Margrét Björnsson
Guðmundur Steingrímsson
Ingi Freyr Vilhjálmsson
Jón Kaldal
Páll Stefánsson
Reynir Traustason
Þórdis Lilja Gunnarsdóttir
Ævar Örn Jósepsson
Auglýsingastjóri:
Sesselía Birgisdóttir
Prófarkalestur:
Pétur Ástvaldsson
Framleiðslustjóri:
Eyjólfur Jónsson
Útgáfustjóri:
Stefán Jón Hafstein
„ S K Y “
Prentun:
Oddi hf.
Ritstjórn:
Suðurlandsbraut 12,
108 Reykjavík.
S. 522 2000
Auglýsingaskrifstofa:
Suðurlandsbraut 12,
108 Reykjavík.
S. 522 2000
Dreifing:
Dreifingarmiðstöðin,
Suðurhrauni 12a,
210 Garðabæ.
S. 585 8300
Verð:
690 krónur
Áskrift:
490 kr. hvert tölublað.
Upplýsingar í s. 522 2020
4 SKÝ