Árbók Reykjavíkurborgar - 01.10.1988, Side 179
165
II. KAFLI
Fundarsköp borgarstjórnar
3. gr.
Á fyrsta fundi nýkjörinnar borgarstjórnar kýs hún sér forseta, svo
og 1. og 2. varaforseta úr hópi borgarfulltrúa til eins árs og síðan i
júni ár hvert.
Sá er rétt kjörinn forseti, sem fengið hefur atkvæði meira en
helmings borgarfulltrúa. Verði þeim atkvæðafjölda ekki náð, skal
kjósa að nýju og skal þá kjósa um þá tvo, sem flest atkvæði fengu. Ef
þrir eða fleiri, sem um skyldi kjósa, hafa fengið jafnmörg atkvæði,
skal varpa hlutkesti um, hverja tvo skuli kjósa. Verður þá sá rétt
kjörinn, sem fleiri atkvæði fær, þó að hann fái ekki helming atkvæða.
Verði atkvæði jöfn, ræður hlutkesti.
Aldursforseti gegnir forsetastörfum, uns kosinn hefur verið
forseti. Ef enginn forseta er viðstaddur á fundi borgarstjórnar,
gegnir aldursforseti forsetastörfum, nema borgarstjórn ákveði að kjósa
sérstakan fundarstjóra i það skipti.
Ef forseti deyr eða varaforseti verður varanlega forfallaður frá
störfum i borgarstjórn, áður en kjörtimi hans er á enda, skal kjósa
forseta i hans stað fyrir þann tima, sem eftir er kjörtimabilsins.
4. gr.
Forseti borgarstjórnar stjórnar umræðum á fundum hennar. Hann sér
um, að fundargerðir séu skipulega færðar i gerðabók og allar tillögur
og ályktanir séu rétt og nákvæmlega bókaðar, svo og hverja afgreiðslu
þær hljóta.
Forseti sér um, að allt fari löglega og skipulega fram á fundum
borgarstjórnar. Hann úrskurðar um skilning á fundarsköpum,
skv. samþykkt þessari, en skjóta má úrskurði hans til úrlausnar
borgarstj órnar.
5. gr.
Borgarstjórn kýs tvo skrifara og tvo varaskrifara úr hópi
borgarfulltrúa til eins árs í senn á sama fundi og forsetakosning fer
fram. Skrifarar skulu kosnir hlutfallskosningu.
Skrifarar skulu telja saman atkvæði, þá er atkvæðagreiðslur fara
fram.
6. gr.
Borgarstjórn ræður sérstakan fundarritara utan borgarstjórnar, sem
sér um færslu gerðabókar og hafa skrifarar i samráði við forseta
eftirlit með þvi, að rétt sé fært til bókar.