Árbók Reykjavíkurborgar - 01.12.1996, Page 13
FORMÁLI
Árbók Reykjavíkur hefur verið endurnýjuð árlega síðan 1973 og kemur nú út í
24. sinn.
í henni er sem fyrr að finna ýmsar upplýsingar um innri og ytri skilyrði
varðandi rekstur Reykjavíkurborgar, þ.e.a.s. starfsemi á vegum borgarsjóðs og
fyrirtækja borgarinnar.
Á tímum svo örra breytinga sem raun ber vitni um þessar mundir bendir flest til
þess, að uppvaxandi kynslóðar bíði hvorki sama starfsöryggi né
velferðarumhverfi og þorri fólks á íslandi hefur átt að venjast allmörg
undanfarin ár. Vaxandi kröfur eru gerðar um aðlögunarhæfni fólks við nám og
störf og þeim mun örari sem breytingarnar verða, þeim mun meira ríður á því,
að samfélagið sé búið undir óvissa framtíð og fái stöðugt ábendingar um líkleg
áhrif af nýjustu, greinanlegu fyrirbærum samtímans. I þessu efni skipta
upplýsingar um þróun á liðnum árum oft minna máli en vel grundaðar
ábendingar um það, sem framundan kann að vera.
Þessum breytingatímum fylgja jafnt hættur sem margvísleg tækifæri til
framfara. Slík tækifæri eru talin nýtast þeim samfélögum best, sem hafa
skilning og tök á því að greina og bregðast við afleiðingum slitróttrar eða
ójafnrar þróunar atvinnuhátta og lífskjara og geta komist hjá því að halda
dauðahaldi í þá þætti skipulags og starfsemi, sem runnið hafa sitt skeið. Oft er
mesta hættan í því fólgin að hafast ekki að, festast í viðju vanans og daga
þannig í breyttu umhveifi.
Talnaefnið, sem hingað til hefur verið birt í Árbók Reykjavíkur, lýsir fyrst og
fremst stöðu borgarinnar á ýmsum sviðum en gefur lítið til kynna um hvert
stefnir. í sumum tilvikum má þó með einföldum samanburði fá grófa mynd af
líkegri þróun á næstunni, einkum varðandi mannfjölda, íbúðarhúsnæði og
atvinnuskiptingu, en betur má en duga skal. Ákveðið hefur verið að
endurskoða efnisval og framsetningu árbókarinnar með það fyrir augum að geta
í næstu útgáfu gert grein fyrir ýmsum algengum mælikvörðum og lykiltölum,
sem stuðst er við.
IX