Árbók Reykjavíkurborgar - 01.12.1996, Síða 188
Árbók Reykjavíkur 1996
Gjaldskrármál
GJALDSKRÁRMÁL
Tillögur um nýjar gjaldskrár eða breytingar á þeim berast borgarráði að jaftiaði frá
forstöðumönnum hlutaðeigandi fyrirtækja eða stofnana, eða stjórnum þeirra.
Gjaldskrártillögur Vatnsveitu, Rafmagnsveitu og Hitaveitu Reykjavíkur eru yfirleitt
fyrst bornar upp í stjórn Veitustofhana Reykjavíkur og gjaldskrártillögur annarra
stofnana, sem nefndar eru hér á eftir, eru sömuleiðis lagðar fyrir hlutaðeigandi
stjórnir. Hinsvegar er rétt að vekja athygli á því, að það er ekki nauðsynlegt að
hafa þennan hátt á, nema í tilviki Reykjavíkurhaftiar, sbr. lög nr. 69/1984. Borgarráð
getur með samhljóða afgreiðslu ákveðið einhliða gjaldskrárhækkun og í borgarstjóm
nægir einfaldur meirihluti til hins sama.
Verði ágreiningur í borgarráði fer málið til afgreiðslu í borgarstjóm við eina umræðu.
í stöku tilvikum þarf samkvæmt lagaákvæðum að leita staðfestingar ráðherra.
Verður nú vikið stuttlega að einstökum fyrirtækjum og stofnunum borgarinnar.
Vatnsveita Reykjavíkur hefur nokkra sérstöðu meðal veitustofnana í
gjaldskrármálum, þar sem gjaldskrá hennar miðast ekki við vatnsnotkun nema að
litlu leyti. Almennt vatnsgjald er árlega greitt af öllum fasteignum í lögsagnarumdæmi
Reykjavíkurborgar, sem liggja við vegi eða opin svæði, þar sem vatnsæðar liggja,
sbr. lög nr. 81/1991. Hið sama gildir um aðrar fasteignir, sem fá vatn úr veitukerfi
Reykjavíkur. Auk vatnsgjalds er innheimt aukavatnsgjald, er miðast við notkun
mælda í rúmmetrum, þar sem vatn er notað til annars en venjulegra heimilisþarfa,
vegna atvinnu eða af öðrum ástæðum.
Hitaveita Revkjavíkur. Heimilt er að hækka eða lækka hitaveitugjöld í sama
hlutfalli og vísitala byggingarkostnaðar breytist. Þó skal heildarkostnaður við hitun
húsa með hitaveitu að meðaltali ekki fara fram úr 80% af kostnaði við hitun húsa
með olíukyndingu.
Rafmagnsveita Revkjavíkur. Gjaldskráin miðast við það, að tekjur
Rafmagnsveitunnar standi undir rekstrargjöldum hennar svo og aukningu
veitukerfisins.
ReyKjavíkurhöfn. Gjaldskrá Reykjavíkurhafnar er í meginatriðum byggð á
skipagjöldum, skipaþjónustugjöldum og vörugjöldum, auk þess sem gjöld eru greidd
fyrir ýmiss konar þjónustu, sem veitt er á vegum hafnarinnar. Gjaldskráin er birt
með hafnarreglugerð fyrir Reykjavíkurhöfn, sem staðfest er af samgönguráðherra.
Strætisvagnar Revkjavíkur. Gjaldskrá S.V.R. var miðuð við það, að allur
fjármagnskostnaður fyrirtækisins greiddist úr borgarsjóði. Borgarsjóður varð þó
jaíhan að leggjja fram fé til reksturs, þar sem fargjaldatekjum S.V.R. hrukku ekki
fyrir rekstrarútgjöldum. Fyrirtækinu var breytt í hlutafélag 1. desember 1993 en
síðan aftur í borgarfyrirtæki 14. júní 1994. Enn þarf að reikna með framlagi úr
borgarsjóði til reksturs fyrirtækisins.
172