Árbók Reykjavíkurborgar - 01.12.1996, Page 270
Árbók Reykjavíkur 1996
Félagsmál
d. að hann hefur náð hámarksaldri, sbr. 13. gr„
e. að hann flyst í aðra stöðu sem veitir hliðstæð réttindi hjá sveitarfélagi,
f. að staðan er lögð niður, sbr. 14. gr.
5. gr.
Lausa stöðu skal auglýsa í Lögbirtingablaði, venjulega með fjögurra vikna fyrirvara. Heimilt er að taka
til greina umsóknir sem berast eftir að liðinn er umsóknarfrestur, enda hafi staðan ekki þegar verið veitt
eða maður í hana ráðinn eftir að frestur var liðinn.
Veita skal umsækjendum og stéttarfélögum kennara og skólastjórnenda sem starfa á grundvelli
laga um kjarasamninga opinberra starfsmanna kost á að fá vitneskju um það hverjir sótt hafa.
6. gr.
Sveitarfélög skulu setja starfsmönnum erindisbréf. Samband íslenskra sveitarfélaga skal láta semja
fyrirmynd að erindisbréfum fyrir starfsmenn.
m. kafli. Um lausn úr stöðu.
7. gr.
Sveitarstjórn veitir starfsmanni lausn frá stöðu um stundarsakir. Skólastjóri getur þó veitt
starfsmanni lausn um stundarsakir, þótt hann hafi ekki veitt stöðuna, ef bið þykir hættuleg, en tilkynna
skal sveitarstjórn tafarlaust þá ráðstöfun með skýringu á málavöxtum, enda tekur hún fullnaðarákvörðun
um lausnarveitinguna.
Rétt er að veita starfsmanni lausn um stundarsakir ef hann hefur sýnt í starfi sínu óstundvísi
eða aðra vanrækslu, óhlýðni við löglegt boð eða bann yfirmanns síns, vankunnáttu eða óvandvirkni í
starfi sínu, hefur verið ölvaður að starfi eða framkoma hans eða athafhir í því eða utan þess þykir að
öðru leyti ósæmileg, óhæfileg eða ósamrýmanleg því starfi. Þó skal veita starfsmanni áminningu og gefa
honum kost á að bæta ráð sitt áður en honum er veitt lausn um stundarsakir samkvæmt þessari
málsgrein.
Nú hefur starfsmaður fjárreiður eða bókhald með höndum og má þá veita honum lausn um
stundarsakir án áminningar ef ætla má eða víst þykir að óreiða sé á bókhaldi eða fjárreiðum, bú hans
tekið til gjaldþrotaskipta eða hann leitar nauðasamninga. Sama er ef hann er grunaður eða sannur orðinn
að háttsemi er varða kynni sviptingu réttinda skv. 68. gr. almennra hegningarlaga eða heilsu hans er svo
farið að eigi þyki gerlegt að láta hann gegna starfa lengur.
Lausn um stundarsakir skal jafnan vera skrifleg með úlgreindum ástæðum.
8. gr.
Nú hefur starfsmanni verið veitt lausn um stundarsakir fyrir meintar misfellur í starfi og skal þá þegar
mál hans rannsakað af kunnáttumönnum eða að hætti opinberTa mála, efástæða þykir til, svo að upplýst
verði hvort rétt er að veita honum lausn að fullu eða láta hann aftur taka við starfi sínu.
Úrslit um stöðuna skulu ráðin strax og lokaniðurstöður rannsóknar eru kunnar.
9. gr.
Meðan lausn um stundarsakir stendur nýtur starfsmaður hálfra fastra launa þeirra sem stöðu
hans fylgja. Embættishúsnæði og jarðnæði, ef um er að ræða, heldur hann, enda komi þau ffíðindi til
reiknings samkvæmt mati í þeim launum er hann fær.
Nú fellur niður lausn um stundarsakir og skal starfsmaður þá fá greiddan þann helming hinna
föstu launa er hann hefur verið sviptur.
Nú tekur sá sem lausn hefur fengið um stundarsakir aftur við starfa sínum og skal þá líta svo á
um starfsaldur sem hann hafi gegnt starfanum óslitið.
254