Skinfaxi - 01.03.2018, Page 42

42 SKINFAXI
Mikið hefur verið að gera hjá Héraðssambandi Vestfjarða
(HVS) það sem af er ári. Í maí tók skíðakonan og hótel-
stýran Ásgerður Þorleifsdóttir við af Guðný Stefaníu
Stefánsdóttur sem formaður sambandsins. Unnið er að endurskoð-
un á stefnu Ísafjarðarbæjar um íþrótta- og tómstundamál og stefn-
ir í heilmikla uppbyggingu íþróttamannvirkja í sveitarfélaginu.
„Það er allt á fullu hjá okkur enda starfið öflugt,“ segir Sigríður
Lára Gunnlaugsdóttir, framkvæmdastjóri HSV. „Íþróttaskólinn er í
góðum gír, við höfum reyndar verið að leita að yfirþjálfara fyrir
skólann. En síðan hafa aðildarfélögin átt góðu gengi að fagna,
sérstaklega Vestri sem landaði Íslandsmeistaratitli á fyrsta árinu,
náð góðum árangri í blaki og svo er knattspyrnuliðið mjög nálægt
því að vinna sig upp um deild.“
Sigríður segir um tvö ár síðan að HSV fór að bjóða upp á styrktar-
æfingar fyrir iðkendur undir heitinu Afreksform HSV. Það er hugs-
að fyrir nemendur í 7.–10. bekk grunnskóla. Iðkendur úr mörgum
greinum æfa saman undir stjórn sjúkraþjálfara sem fer yfir þarfir
hvers og eins.
„Sjúkraþjálfarinn skoðar iðkendurna í fyrstu og miðar út frá því
hvað hver og einn þurfi að leggja áherslu á í styrktaræfingum sín-
um. Þetta hefur dregið úr meiðslum iðkenda og tryggir að þau fá
góða þjálfun,“ segir Sigríður Lára. Stefnt er að því að bæta and-
lega þættinum inn í æfingarnar. Allt stefnir þetta í eina átt, það
er að innleiða verkfærakistu Sýnum karakter í starf HSV.
Hreystibrautir út um allt
Í lok október undirrituðu Svava Valgeirsdóttir, formaður íþrótta-
félagsins Stefnis á Suðureyri, og Guðmundur Gunnarsson, bæjar-
stjóri á Ísafirði, samning sem felur í sér að sveitarfélagið leggur
Stefni til fjármagn til að koma upp útihreystisvæði við göngustíg
sem gerður var á Suðureyri í sumar.
Sigríður segir þetta fyrirkomulag mjög hagkvæmt fyrir báða
aðila. Sjálfboðaliðar á vegum Stefnis og HSV setji hreystibraut-
irnar upp og því nýtist fjármagnið frá Ísafjarðarbæ mun betur en
ella.
„Ísafjarðarbær hefur stutt íþróttafélögin mjög vel í gegnum tíðina.
Þetta verður vonandi aðeins fyrsta brautin því okkur langar til að
sjá þær í öllum byggðarkjörnum Ísafjarðar,“ segir Sigríður og
horfir björtum augum til framtíðarinnar. Það er ekki að ófyrirsynju.
Margt gæti verið í pípunum. Íbúafundir hafa verið haldnir um
endurskoðun á gildandi stefnu Ísafjarðarbæjar um íþrótta- og
tómstundamál. HSV hvatti einmitt forsvarsmenn aðildarfélaga og
annað áhugafólk um íþróttastarf í bænum til að mæta á síðasta
fundinn sem haldinn var á Ísafirði í lok október.
„Nú er ákveðnari stefna um uppbyggingu íþróttamannvirkja en
áður enda árar betur. Við vonum að fljótlega verði byrjað að
reisa reiðhöll og fjölnota íþróttahús sem hægt verður að nota allt
árið enda þurfa allar íþróttagreinarnar að komast inn í hús,“
segir Sigríður.
HVAÐ ER AÐ
FRÉTTA?
Iðkendur sameinast
í styrktaræfingum
Aðildarfélög HSV
· Golfklúbbur Ísafjarðar
· Golfklúbburinn Gláma
· Hestamannafélagið Hending
· Hestamannafélagið Stormur
· Íþróttafélagið Grettir
· Íþróttafélagið Höfrungur
· Íþróttafélagið Ívar
· Íþróttafélagið Stefnir
· Íþróttafélagið Vestri
· Knattspyrnufélagið Hörður
· Kraftlyftingafélagið Víkingur
· Kubbi, íþróttafélag eldri borgara í Ísafjarðarbæ
· Sæfari
· Skíðafélag Ísfirðinga
· Skotíþróttafélag Ísafjarðar
· Tennis- og badmintonfélag Ísafjarðar
· Ungmennafélagið Geisli
F.v.: Sigríður Lára, Birna Jónasdóttir, sem var verkefnastjóri á Landsmóti
UMFÍ 50+ á Ísafirði 2016 og Rannveig Hjaltadóttir, dóttir Sigríðar.