Skinfaxi - 01.03.2020, Side 18

18 S K I N FA X I
Þátttaka í skipulögðu íþróttastarfi hefur
aukist og er nú ein vinsælasta tómstunda-
iðkun barna og ungmenna á Íslandi. Framboð
og fjöldi íþróttagreina hefur aukist og því
ættu flest börn og ungmenni að geta fundið
eitthvað við sitt hæfi. Niðurstöður rannsókna
hjá Rannsóknum og greiningu (R&g) sýna að
um 90% barna í hverjum árgangi fara í
gegnum íþróttastarf hjá íþróttafélagi.
Þátttaka í
skipulögðu
íþróttastarfi
rokkar!
Íþróttastarf ekki það sama
og skipulagt íþróttastarf
Rannsóknir hafa sýnt fram á mikilvægi skipulagðs íþróttastarfs og að
þátttaka barna og ungmenna í skipulögðu íþróttastarfi auki líkur á að
einstaklingar þroskist félagslega og sýni jákvæða hegðun. Líklegra er
að þessum börnum og ungmennum líði betur andlega sem líkamlega
fyrir vikið, þau neyti frekar hollrar fæðu og séu ólíklegri til að neyta
áfengis eða annarra vímugjafa.
Rannsóknir hafa jafnframt sýnt fram á það að forvarnagildið er ekki
það sama þegar íþróttaiðkun utan íþróttafélaga er skoðuð. Þannig hafa
niðurstöður hjá R&g leitt í ljós að þau ungmenni sem iðka íþróttir utan
íþróttafélaga eru í meiri hættu á að leiðast út í einhvers konar áhættu-
hegðun en þau ungmenni sem stunda skipulagðar íþróttir og þau sem
taka ekki þátt í íþróttaiðkun. Fjöldi æfinga, sem stundaðar eru, geta
einnig haft áhrif hvað varðar áhættuhegðun ungmenna. Sýnt hefur ver-
ið fram á að þau ungmenni sem æfa oftar skipulagðar íþróttir virðast
síður fara út af sporinu en þau ungmenni sem æfa sjaldnar skipulagðar