Skinfaxi - 01.03.2020, Side 25

S K I N FA X I 25
En hvernig var staðið að undirbúningi?
„Árið 2014 ákváðu formenn félaganna, eftir fundi sín á milli, að halda
málþing um hugsanlega sameiningu. Öllum félagsmönnum var boðin
þátttaka. Á málþinginu var skipt í umræðuhópa þar sem fólk velti fyrir sér
kostum og göllum sameiningar. Málþingið var vel heppnað og margir
sem tóku þátt í því. Ákveðið var mjög snemma að stofna alveg nýtt
félag á grunni þeirra gömlu en leggja jafnframt niður gömlu félögin. Við
þekktum of mörg dæmi þess að gömul félög dröbbuðust niður og yrðu
lítið annað en nafn á blaði þegar nýtt félag væri stofnað á sama svæði.“
Sex manna undirbúningsnefnd stofnuð
Guðmunda var spurð hvernig ferlið við sameininguna og stofnun nýja
félagsins hefði verið. Hún sagði að á aðalfundum félaganna 2015 hefði
verið samþykkt samhljóða tillaga sem hljómaði svona:
„Aðalfundur Umf. ... haldinn í ... ... janúar 2015 lýsir áhuga á
að unnið verði áfram að stofnun nýs ungmennafélags í Flóahreppi
á grunni þeirra gömlu og að stofnuð verði 6 manna nefnd sem
vinni áfram að þessu verkefni.”
Í nefndinni sátu formenn gömlu félaganna þriggja og hver þeirra
fékk með sér einn nefndarmann úr félagi sínu. Fundað var mánaðarlega
árið 2015 utan sumarmánaðanna og á hverjum fundi var tekið fyrir
ákveðið málefni, t.d. eignir félagsins, ásýnd félagsins og stjórnskipu-
lag. Haldinn var kynningarfundur þar sem farið var yfir drög að lögum
hins nýja félags og fólki boðið að koma með athugasemdir og tillögur.
Að lokum undirbjó nefndin stofnfund félagsins og fann fólk til þess að
taka sæti í starfsstjórn fram að fyrsta aðalfundi. Gömlu félögin voru svo
lögð niður á aðalfundum sínum í janúar 2016.
Eignarhlutir í félagsheimilunum
Gömlu ungmennafélögin áttu öll eignarhluta í félagsheimilum sem reist
höfðu verið á sínum tíma. Guðmunda var spurð hvernig þessir eignar-
hlutar hefðu verið meðhöndlaðir.
„Stærstu eignir félaganna voru hlutir þeirra í félagsheimilunum þrem-
ur, Félagslundi, Þingborg og Þjórsárveri. Nefndin ákvað að félögin
skyldu afhenda Flóahreppi eignarhluta sína í félagsheimilunum gegn
því að gerður yrði samstarfssamningur við sveitarfélagið um afnot af
húsunum og annað tengt starfi nýja félagsins. Það hefði aldrei gengið
upp að nýja félagið ætti hlut í þremur félagsheimilum auk þess að Flóa-
hreppur var hvort eð er með allan rekstur heimilanna á sínum snærum
og aðkoma ungmennafélaganna í raun orðin lítil. Aðrar eignir voru látn-
ar renna beint inn í nýja ungmennafélagið, jafnt fjármunir sem íþrótta-
áhöld. Félagssvæði Umf. Baldurs í Einbúa rann beint undir Umf. Þjót-
anda en á síðasta aðalfundi Umf. Baldurs var ákveðið að í nýja félaginu
skyldi vera sér bankareikningur eyrnamerktur Einbúa til þess að haldið
yrði áfram með uppbyggingu á staðnum. Ákveðin upphæð frá Umf.
Baldri var látin fylgja honum sérstaklega.“
Allir hæstánægðir með nýja félagið
Guðmunda var kjörin fyrsti formaður hins nýstofnaða félags, Umf. Þjót-
anda. Hún var spurð hvernig starfið hefði gengið hjá félaginu frá
stofnun þess.
„Starfið hefur að mestu leyti gengið vel og allir eru hæstánægðir
með nýja félagið. Sameiningin hefur verið afskaplega góð fyrir krakk-
ana og allir hinna eldri eru sáttir þrátt fyrir að hafa séð á eftir sínum
góðu félögum. Allt hefur sinn tíma og gömlu félögin áttu flest frábær
yfir 100 ár. Ég held að sameiningin
hafi farið svona vel í alla því að við
létum ferlið taka mjög langan tíma
og allir fengu að venjast tilhugsun-
inni áður en látið var til skarar skríða.
Þar sem ég var formaður í nýja félag-
inu hefði ég viljað að auðveldara
hefði verið að fá fólk til þess að taka
að sér störf fyrir félagið, nú þegar
það hefur stækkað. Gaman hefði
verið að geta gert nefndir félagsins
sjálfstæðari svo að sama fólkið þurfi
ekki að vera með puttana í öllum
viðburðum og verkefnum. Þarna er
tækifæri til að bæta úr. Ég vil nýta
tækifærið til að hvetja alla til þess
að bjóða sig fram til starfa fyrir ung-
mennafélagið sitt. Ef við hjálpumst
öll að verður þetta svo lítið mál.“
Jólasveinar á aðfangadag.Ræst í 400 m hlaupi á Flóamótinu.Örbylgjuofn notaður sem póst-
kassi í útivistarverkefni Þjótanda.
Glímufólk Þjótanda á palli ásamt fleiri keppendum. Árlegur reiðtúr Þjótanda.
Þrír hreppar sam-
einaðir í einn
Flóahreppur varð til 10. júní
2006, við sameiningu þriggja
hreppa í Flóanum, Gaulverja-
bæjarhrepps, Villingaholts-
hrepps og Hraungerðis-
hrepps. Í gömlu hreppunum
voru starfandi ungmenna-
félög sem byggðu á göml-
um merg, Umf. Samhygð
(stofnað 1908), Umf. Vaka
(stofnað 1936) og Umf.
Baldur (stofnað 1908). Ung-
mennafélögin þrjú samein-
uðust svo í Umf. Þjótanda 16.
nóvember 2015.