Muninn - 01.04.2021, Qupperneq 46

Hvers vegna ákvaðstu að fara í
skiptinám?
Þetta var svolítil skyndiákvörðun. Ég ákvað
að fara í skiptinám afþví mér finnst mjög
gaman að ferðast og langaði að prófa
eitthvað nýtt. Ég hef reyndar búið í útlöndum
áður svo ég vissi hvað það var skemmtilegt
og langaði að upplifa það aftur.
Hvernig var ferlið að komast út?
Ég fór út á vegum Rótarý-samtakanna, sem
er ólíkt öðrum sambærilegum samtökum á
þann hátt að það kom einnig skiptinemi heim
til mín á meðan ég var úti. Á meðan ég var í
Brasilíu fór t.d. dóttir host-fjölskyldunnar
minnar til Bandaríkjanna í skiptinám. Ég sótti
um skiptinámið í desember 2018 og fór síðan
út í ágúst árið eftir. Undirbúningurinn var í
rauninni ekki mikill en ég fundaði þó
reglulega með Rótarý með öðrum
skiptinemum.
MARGRÉT
EMBLA Í
BRASILÍU
Margrét Embla Reynisdóttir er í 2. bekk en í
ágúst 2019 hélt hún í skiptinám til Araçatuba í
Brasilíu. Þó svo að kórónuveirufaraldurinn
hafi sett mark sitt á dvöl hennar tókst henni
að skapa góðar minningar á þeim tíma sem
hún dvaldi þar.
Varstu eini skiptineminn á þessu svæði?
Ég bjó í borginni Araçatuba í São Paulo fylki í
Brasilíu. Við vorum átta skiptinemar þar í
heildina en fjórar í skólanum sem ég gekk í.
Við vorum fjölbreyttur hópur og komum frá
mismunandi löndum, t.d. Taívan og Hollandi.
Við urðum öll góðir vinir sem ég er mjög
þakklát fyrir.
„„ÞAÐ KOM EINNIG
SKIPTINEMI HEIM
TIL MÍN Á MEÐAN
ÉG VAR ÚTI. Á
MEÐAN ÉG VAR Í
BRASILÍU FÓR T.D.
DÓTTIR HOST-
FJÖLSKYLDUNNAR
MINNAR TIL
BANDARÍKJANNA Í
SKIPTINÁM.“
44