Muninn - 01.04.2021, Qupperneq 73

Þegar baka skal góða pizzu er mikilvægt að nota heilhveiti í stað þess
venjulega, en það gefur pizzunni meira bragð. Vegna þess er
nauðsynlegt að setja ekki of lítið af geri. Að öðru leiti er deigið
nokkuð hefðbundið.
Ofan á pizzuna skal setja bæði grænt og rautt pestó. Það getur t.d.
verið gott að blanda því við smá pizzasósu til þess að fá
fjölbreyttara bragð. Á pönnu skal svo svissa einn heilan rauðlauk,
dálítið mikið af hvítlauk og rauða papriku til þess að gera pizzuna
fallega. Á aðra pönnu eru smátt skornir sveppir steiktir á miklum
hita upp úr smjöri svo þeir sjóði ekki. Eftir að grænmetið er steikt
skal það vera sett í kælingu svo gerið drepist ekki.
Ofan á pizzuna fer humar en við val á honum er mikilvægt að passa
upp á útlit og lykt. Við undirbúning er best að láta hann afþýðast í
sigti. Þegar því er lokið skal fara vel yfir humarinn, passa að það sé
engin skel og hreinsa gorröndina. Á pizzuna fer svo allt áleggið og er
því raðað vel og vandlega. Auk áleggsins fer pizza ostur og ein dós af
piparrjómaosti. Að lokum er pizza kryddi og blönduðum pipar stráð
yfir pizzuna áður en hún fer inn í ofn. Þá ert þú komin með hina
fullkomnu humarpizzu að hætti Jóns Más.
PIZZA ALA
JÓN MÁR
Það vill svo skemmtilega til
að skólameistarinn okkar,
Jón Már Héðinsson, er mikill
matgæðingur og kokkur.
Við fengum að heyra hjá
honum hans eftirlætis
uppskrift að pizzu.
Hér er smá ráð til þeirra sem
eiga erfitt með að flysja
hvítlauk: Setja hvítlaukinn í
sultukrukku og hrista hana
duglega. Þá fer allt hýðið af.
71