Mosfellingur - 09.02.2023, Blaðsíða 36

Sendið okkur myndir af nýjum Mos-
fellingum ásamt helstu upplýsingum á
netfangið mosfellingur@mosfellingur.is
Sóley Laxdal Sindradóttir fædd-
ist á Landspítalanum í Reykjavík
5. desember 2022. Hún vó 14
merkur og var 53 cm á lengd.
Foreldrar eru Sindri Snær
Ólafsson og Hildur Laxdal.
brátt
kemur
sumarið
...eða hvað?
Jæja krakkar mínir, hvað svo sem gengur
á hjá okkur í lífinu þá er það nú þannig að
þetta gengur allt sinn hægagang og líður
áfram.
Nú erum við flest búin að pakka niður
jólunum og erum að fara tækla „jólavísa“
reikninginn sem laumast í heimabank-
ann árlega á þessum tíma. Við erum
mörg hver búin að setja okkur einhver
áramótaheit og sumir löngu búnir að
gefast upp á því að reyna að efna þau, en
aðrir taka þetta á hnefanum og láta sig
hafa það. Enn lætur snjórinn á sér kræla
og hann er ekkert að fara yfirgefa svæðið
í bráð, enda er febrúarmánuður rétt haf-
inn og allt getur ennþá gerst. Svo þegar
hann hverfur loksins þá mætir hann aftur
með smá „up yours“ um páskana og sýnir
okkur hver ræður.
En sólin hækkar á lofti og áður en við
vitum af fer þetta græna að láta kræla á
sér og þá erum við löngu búin að gleyma
öllum þessum veðurviðvörunum sem
búið er að henda framan í okkur daglega
og jafnvel oft á dag. Hvort sem þær eru
gular , rauðar eða jafnvel appelsínugular
þá fellur það í gleymsku um leið og fyrsta
sumarveðrið lætur sjá sig. En djöfull er ég
nú orðin þreyttur á þessum andskotans
lægðum og vonskuveðrinu sem þeim fylg-
ir. Ekki skrítið að annar hver Íslendingur
sé búinn að fara í gegnum tollinn á Tene
þennan veturinn.
En sama hversu ömurlegt þetta er allt
búið að vera þá getur maður látið sig
hlakka til. Hlakka til betri tíma, hlakka
til betra veðurs, hlakka til að fá logn og
hlakka til að taka vísakortið og refsa því
harðlega.
Vegna þess að þetta reddast einhvern-
veginn alltaf, nú og ef það gerir það ekki
þá er bara að byrja upp á nýtt og halda
áfram.
Góðar stundir.
högni snær
Í eldhúsinu
Brandur og Karólína skora á Jógvan og Hrafnhildi að deila næstu uppskrift í Mosfellingi
Brandur Einarsson og Karólína Ólafsdóttir
deila með okkur uppskrift að þessu sinni.
„Önd hefur alltaf verið í uppáhaldi í okkar
fjölskyldu og tilvalið að deila einni einfaldri
uppskrift sem allir geta gert.“
Veisla fyrir nokkra.
• Andabringur
• Kartöflusmælki
• Gulrætur (ýmsir litir)
• Fennel
• Aspas
• Bláber
• Bláberjavín
• Smátómatar
• Andasoð
• Rjómaostur
• Sinnep
• Salt
• Pipar
Aðferð:
Skerið mestu fituna utan af bringunum og
notið til að steikja meðlætið.
Skerið í fituna á bringunum með hníf.
Byrjið á að bræða fitu á pönnu og brúna
kartöflurnar, saltið og piprið. Setjið í ofn á
góðum hita. Notið fitu til að svissa fennelið
á pönnu, saltið og piprið. Brúnið bringurnar
á heitri pönnu, saltið og piprið. Hellið fitu af
bringunum á pönnu og brúnið gulræturnar,
saltið og piprið. Setjið í ofninn. Svissið
aspasinn á pönnu, saltið. Setjið tómatana
í ofninn með gulrótunum. Takið öndina út
og af pönnunni. Bláberjavín og soð látið
sjóða saman á pönnu, sinnepi, rjómaosti og
bláberjum bætt á pönnuna og látið sjóða
niður, saltið og piprið. Færið á diska og
njótið!
Við viljum skora á Færeyinginn Jógvan
Hansen að skella inn einni laufléttri
uppskrift úr færeysku sveitinni, „skjótið
hrútinn og látið hanga“ eða eitthvað annað
gómsætt.
Verði ykkur að góðu!
Andabringur hjá brandi og karólÍnu
- Heyrst hefur...36
j a ko s p o r t ( N a m o e h f ) - k r ó k h á l s 5 f - 1 1 0 á r b æ r
Sími: 566 7310 - jakosport@jakosport.is - jakosport.is
aftureldingarvörurnar
fást hjá okkur
heyrst hefur...
...að búið sé að opna lítinn Lemonstað
með djúsum og samlokum á Olís í
Langatanganum.
...að Jökull í Kaleo hafi mætt á æfingu
hjá Karlakór Kjalnesinga.

...að þorrablót Dalbúa verði haldið í
Harðarbóli 17. febrúar.
...að Davíð Minnar hafi átt stórafmæli
á dögunum.
...að söngkonan María Ólafs hafi orðið
þrítug í síðustu viku.
...að handboltastelpurnar séu komnar
í efsta sæti í Grill 66-deildinni.
...að Steindi Jr. verði með pubquiz á
Barion á föstudaginn og Geiri Slææ
ætli að rifja upp gamla dj takta.
...að Pizzan sé búin að opna við hlið
Krónunnar eftir smá hnökra
í upphafi.
...að meistaraflokkur karla í fótbolta
stefni á að halda stærsta steikar-
kvöld Aftureldingar frá upphafi
laugardaginn 11. mars.
...að búið sé að selja Aristó hárstofu og
hún nú komin í hendurnar á Evu Dís.
...að hið árlega herrakvöld Lions verði
haldið í Hlégarði föstudagskvöldið
17. febrúar.
...að Hákon Bergmann og Alba Rós eigi
von á barni á árinu.
...að Regína bæjarstjóri sé búin
að skrifa undir leigusamning í
Leirutanga.
...að mosfellskir stórsöngvarar komi
fram á tónleikum í gróðurhúsum
Lambhaga í Mosfellsdal 22. febrúar.
Diddú, Siggi Hansa, Biggi Haralds,
Stefanía Svavars og Davíð Ólafs
ásamt Stórsveit Íslands.
...að árshátíð Hestamannafélagsins
Harðar verði haldin 25. febrúar.
...að Rasmus Christiansen, nýr varnar-
maður Aftureldingar, sé einn helsti
aðdáandi Jóns Kalmans, fyrrum
bæjarlistamanns Mosfellsbæjar.
...að búið sé að dagsetja Liverpool-
skólann á Tungubökkum í sumar en
hann fer fram 9.-11. júní.
...að mosfellska leikkonan Vivian Ólafs
eigi stórleik í nýjustu myndinni,
Napóleonsskjölin.
...að búið sé að dæma fyrrum
knattspyrnumann í Aftureldingu í
árs bann eftir að hafa veðjað sjálfur á
hundruð leikja.
...að mosfellska keramikkonan Valdís
Ólafsdóttir hanni Míuverðlaunin
þetta árið.
...að allt stefni í glæsilega árshátíð
Mosfellsbæjar 25. febrúar þar sem
Steindi og Auddi verða veislustjórar
og fram koma Sigga Beinteins,
Stebbi og Eyfi, Stefanía, Sprite
Zero Klan og fleiri.
...að bingó fullorðna fólksins verði
haldið á Barion fimmtudagskvöldið
16. febrúar.
...að María Agnesardóttir, MAIAA, sé
búin að gefa út sitt fyrsta lag sem
nefnist Sober.
mosfellingur@mosfellingur.is