Mosfellingur - 09.02.2023, Blaðsíða 26

ÖSKUDAGURINN
NÁLGAST
Opið til kl. 21 á bolludag
Opið til miðnættis á sprengidag
Faxafeni 11 • 108 Reykjavík • www.partybudin.is
Sóknarmaðurinn Arnór Gauti Ragnarsson hefur geng-
ið til liðs við uppeldisfélag sitt Aftureldingu á nýjan
leik frá Hönefoss í Noregi.
Arnór Gauti skrifaði undir tveggja ára samning
við Aftureldingu í vikunni og mun leika með liðinu
í Lengjudeildinni í sumar. Hinn 26 ára gamli Mos-
fellingur skoraði 10 mörk í 14 leikjum í Lengjudeild-
inni þegar hann var á láni hjá Aftureldingu frá Fylki
sumarið 2021 en hann var þá að stíga upp úr erfiðum
meiðslum. Það sumarið var hann markahæstur hjá
Aftureldingu og var valinn besti leikmaður tímabilsins
hjá liðinu. Þá var Arnór Gauti einnig fyrirliði Aftureld-
ingar síðari hluta þess tímabils.
Eftir að hafa skorað 10 mörk með Hönefoss í Noregi
síðastliðið sumar er hann nú mættur aftur á heima-
slóðir í Mosfellsbænum. „Afturelding hljómaði mest
spennandi fyrir mig á þessum tímapunkti. Það er
alltaf jafn gaman að koma aftur í uppeldisfélagið. Í
ár ætlum við að ná árangri,” sagði Arnór Gauti eftir
undirskriftina en hann er að bætast í hóp öflugra leik-
manna sem hafa gengið til liðs við Aftureldingu fyrir
komandi tímabil. Fram undan er keppni í Lengju-
bikarnum hjá Aftureldingu áður en Mjólkurbikarinn
hefst í apríl og Lengjudeildin sjálf í byrjun maí.
Tveggja ára samningur við UMFA • „Í ár ætlum við að ná árangri“
Arnór Gauti kominn heim
magnús már þjálfari, arnór gauti og
gísli elvar formaður meistaraflokksráðs
- Íþróttir26
Oft er þörf en
nú er nauðsyn
Hefur þú brennandi áhuga á
kvennaknattspyrnu og vilt taka
þátt í áframhaldandi uppbyggingu?
Oft er þörf en nú er nauðsyn
að fá inn fleiri sjálfboðaliða með okkur!
þann 13. febrúar kl. 20:00 í Vallarhúsinu
verður opinn fundur varðandi framtíð
kvennaknattspyrnunnar í Mosfellsbæ.
Við hvetjum þig að mæta og taka þátt í starfinu.