Heimili og skóli - 01.08.1953, Qupperneq 10

54
HEIMILI OG SKÓLI
og rithöfundur. Hefur hann ritað mik-
ið í blöð og tímarit. Einkum hefur
hann birt sálma og andleg ljóð og
greinar uppeldilegs eða kristilegs efn-
is. Tvö sálmakver hafa komið út eftir
liann: „Helgist þitt nafn“ 1922 og
„Syng guði dýr“ 194CÍ. í þessum ljóða-
söfnum eru perlur, sem orðið hafa
eign þjóðarinnar eins og sálmarnir
„Þú, Kristur, ástvin alls sem lifir“ og
„Breiðist, Guð, þín blessun yfir“ úr
fyrra ljóðasafninu. En í því síðara er
m. a. sjóferðasálmurinn: „Nú rennur
gnoð“ í þremur köflum. Þar er líka
þýðing á hinum fagra sálmi „Eg er á
langferð um lífsins haf“,,sem mörgum
er kunnur. Einnig fallegi jólasálmur-
inn: „Kom blessuð þú nótt, sem boðar
frið“. Það er einn af fegurstu jólasálm-
um, er ég þekki.
Þá hafa komið út eftir Valdemar
tvær kennslubækur handa barnaskól-
um, Kennslubók í eðlisfræði og
Kirkjusaga. En sú 3ja er nýkomin út,
Kennslubók í kristnum fræðum. Það
einkennir þessar kennslubækur Valde-
mars, hve ljósar þær eru og gott að
kenna eftir þeim. Mikið af ljóðum
mun Valdemar eiga óprentað í hand-
riti og ýmislegt annað um kennslumál
og sagnfræði.
Valdemar er kvæntur Stefaníu Er-
lendsdóttur, hinni ágætustu konu.
Eiga þau fjögur börn á lífi og hafa alið
upp eitt fósturbarn, Guðrúnu Guð-
mundsdóttur, ljósmyndara í R'eykja-
vík. Þrír synir þeirra hjóna hafa lokið
háskólanámi. Börn þeirra eru: Laufey,
frú í Bót á Fljótsdalshéraði, Árni,
verkfæðingur í Reykjavík, Stefán,
prestur á Völlum í Svarfaðardal og Ár-
mann, prófessor í lögum við Háskóla
íslands. Hafa þau hjón haft mikið
barnalán.
Á síðari árum hefur Valdemar mik-
ið helgað krafta sína kirkjulegu starfi.
Hefur lrann ritað mikið um það efni
og hefur átt sæti í stjórn almennra
kirkjufunda. Þá hefur hann ekki getað
verið án þess að starfa eitthvað með
börnum. Hefur hann haft kristilegan
sunnudagaskóla með börnum á Dalvík
og víðar í sóknum sonar síns.
Eg kynntist Valdemar á Norðfirði
fyrir rúmum tuttugu árum. Minnist
ég með hýhug heimilis hans og þeirrar
kynningar okkar. Gaf hann mér þá
ungum og óreyndum margar leiðbein-
ingar, sem komu að góðu liði, því að
Valdemar hefur af miklu að miðla.
Hann er góðum gáfum gæddur og hef-
/ur aflað sér mikillar þekkingar. Enda
er hann mikill bókavinur.
Á þessum tímamótum getur Valde-
mar litið glaður yfir farinn veg. Hann
hefur lokið miklu ævistarfi og fengið
tækifæri til að vinna að hugðarmálum
sínum.
Eg óska honum og heimili hans
heilla og blessunar um alla framtíð.
Eiríkur Sigurðsson.
Hverjum að kerma?
Kennarinn: „Hvað segir faðir þinn við
því, að þú skulir alltaf vera neðstur í
bekknum?“
Eiríkur: „Hann segir, að það hljóti að
vera lélegur kennari, sem ekki getur komið
mér ofar.“