Upp í vindinn - 01.05.1982, Page 58

VERÐSÖFNUN
í þessum kafla er lýst í fáum orðum umfangi verðsöfnun-
ar og vinnuaðferðum. Vísitöluhúsin, (Fjölbýlis-, einbýlis, og
iðnaðarhús). Fjölbýlishúsið er reiknað út á grundvelii verð-
söfnunar hjá Hagstofu íslands. Mikið af því verði, sem skráð
er í fjölbýlishúsinu, er jafnframt notað í einbýlis- og iðnaðar-
húsinu. Því sem á vantar er safnað af starfsmanni Rb.
Staðalíbúðir Húsnæðisstofnunar ríkisins.
Gerðar eru sjálfstæðar verðkannanir vegna áætlunar á
verði staðalíbúða. Um helmingur frumþáttaverða staðal-
íbúða er fengin úr vísitöluhúsunum. Verðsöfnunin er unnin
af starfsmönnum Rb.
Skrá yfir verð frumþátta í einstökum byggingavöruflokk-
um (verðkannanir). Verði þessara frumþátta er safnað af
starfsmönnum Rb með ýmsum aðferðum:
- heimsóknum til söluaðila
- verðskráningu á lista af söluaðilum sjálfum í samráði við
starfsmann Rb.
- verðsöfnun starfsmanna Rb í gegnum síma
- verð fengið úr eigin verðskrám t.d. vísitölu- og staðalíbúð-
um.
Reglur við verðtöku. Misjafnt er, hve verði á ákveðinni
vörutegund er safnað frá mörgum aðilum. ræðst það m.a.
af aðstæðum á markaði, en leitast er við að fá sem eðlileg-
asta mynd af markaðsverði í hverju tilfelli. Þegar verði er
safnað í fyrsta sinn hjá ákveðnu fyrirtæki, er reynt að korr
ast í samband við traustan heimildarmann, sem síðan er
reynt að leita til á ný í hvert sinn, sem verð er tekið. Við
verðtöku er síðasta verð jafnan haft til hliðsjónar til að
tryggja rétta verðtöku.
TÖLVUVINNSLA
Myndir 2 og 3 hér á eftir sýna uppbyggingu tölvuvinnslun-
ar og gefa jafnframt skýringu á þeim táknum, sem notuð
eru.
Forritin P11, P12, P14 og P15 eru notuð til að lagfæra
áðurnefndar gagnaskrár, þ.e. setja inn, leiðrétta og fella út
færslur.
Forrit.PIO er notað til að færa upplýsingar inn í kerfið
eða út úr því, t.d. til notkunar í öðrum kerfum. Er þá hægt
að flytja gagnaskrá milli véla á segulplötum (diskettu) eða á
segulbandi. P10 er einnig nauðsynlegt þegar ný skrá er sett
á stofn og þegar fylgst er með, hversu margar færslur
skrárnar hafa að geyma hverju sinni.
Forrit P16, P17, P18 og P19 nota gagnaskrárnar og
skrifa t.d. út á pappír:
- heiti og verð frumþátta
- byggingarkostnað ýmissa húsa (t.d. vísitöluhúsa)
einstakra byggingarhluta, iðngreina o.s.frv.
- einingaverð verkliða.
Vinnsla tölvunnar fer fram á þann hátt, að tölvan spyr
notandann eftirfarandi meginspurninga:
Hver er vinnslan?
Leiðrétting á verðum frumþátta .........................:1
Leiðrétting á magnskrá..................................:2
Leiðrétting á heitum frumþátta..........................:3
Leiðrétting á heitum byggingarhluta.....................:4
Útskrift á vísitöluhúsum ...............................:5
Útskrift á einingaverðum verkhluta......................:6
Útskrift á verðum frumþátta .....................:7
Útskrift á kostnaði einstakra iðngreina ................:8
Viðhald á ÍSAM-SKRÁM...................................:10
Hætta vinnslu...................................... :CII z
Innan hvers liðar spyr tölvan síðan framhaldsspurninga
eins og t.d. fyrir lið nr. 5.
Útskrift á vísitöluhúsinu?
Hvaða magnskrá.......................................?
Hvaða verðlag ........................................... ?
Á að skrifa á prentara ..................................?
Augljóst er að mikið hagræði er að þeirri tölvunotkun,
sem hér er lýst, þar sem nú er greiður aðgangur að mjög
víðtækum upplýsingum, sem jafnframt eru til muna traustari
en áður.
NOTKUN í BYGGINGARIÐNAÐI
Að vonum vakna spurningar um, hvernig best megi nýta
umrædda tækni. Ekki verður þeim spurningum svarað
endanlega í þessari grein, en auðsætt er að notendahóp-
arnir hljóta að takmarkast af þeim upplýsingum sem fáanl-
egar eru. Hagnýting vinnslunnar í dag (mars 1982) kemur
fram í mynd 4 og eftirfarandi upptalningu:
KOSTNAÐARKERFI TÖLVUVINNSLA RB
A, - Útreikningur á „vísitöluhúsum Rb“, þ.e. fjölbýl-
is-, einbýlis, og iðnaðarhúsi. magnskrár M001. M002 og
M003. Árið 1980 voru seldir um 3000 bæklingar. Áætluð sala
u.þ.b. 3600 árið 1981.
B. Kostnaðaráætlun á tvílyftu einbýlishúsi og sex bifreiða-
geymslum fyrir Fasteignamat ríkisins. Áætlað ársfjórðungs-
lega.
C. - Kostnaðaráætlun á staöalíbúðum Húsnæðisstofnunar
ríkisins. Magnskrár M009, M010, M011 og M012. Áætlað
ársfjórðungslega þ.e. samkvæmt verðlagi í mars, júní, sept.
og des.
D, - Kostnaðarútreikningur á hlöðu úr steinsteypu fyrir Bygg-
ingarstofnun landbúnaðarins. Magnskrá M019.
58