Upp í vindinn - 01.05.1985, Blaðsíða 18

annarra deilda, þarf aö samræma einingakerfi námskeið-
anna. í fyrsta lagi, þarf aö koma til samræmt mat á námsein-
ingum innan háskólans. í öðru lagi þurfa námskeið að vera
jafnstór með tilliti til þess einingafjölda sem hvert námskeið
spannar. Líklegaer heppilegast, að umfang hvers námskeiðs
sé 3 einingar.
í verkfræði er leitast við að kenna nemendum að afla sér
allra nauðsynlegra forsendna fyrir aðgerðum sem fyrirhug-
aðar eru, að ákveða síðan á rökstuddan hátt hvernig að
aðgerðunum skuli staðið og að styðja síðan undir þá ákvörð-
un og framkvæmd hennar með bestun. Unnt er að sækja til
annarra deilda ýmsa þá grundvallarkunnáttu sem auðveldar
öflun og mat á verkfræðilegum forsendum. Kæmi því vel til
greina, að takaeinstök námskeið annarra deilda inn í sérhæft
verkfræðinám.
Hvort sem af lengingu námsins verðureðaekki, erað skap-
ast samstaða innan byggingarverkfræðiskorar um að að-
greinaað einhverju leyti fræðilega kennslu og verkefnavinnu.
Er þá miðað við, að verkefnavinna nýtist betur, ef nemandinn
hefurtækifæri til þess að glíma við minnst eitt stórt verkefni
á hverju fagsviði eftir að hafa aflað sér viöeigandi undirbún-
ingskunnáttu. Slík aðgreining gæti annað hvort átt sér stað
með þvf að bjóða sérstök verkefnanámskeið innan hins vana-
lega 15 vikna misseris eða að skipta ákveðnum misserum
þannig að fyrirlestrar færu til dæmis fram fyrstu 10—12
vikurnar en síðan tækju viö 3—5 verkefnavikur.
Nauðsynlegt er að skorin taki fljótlega stefnumarkandi
ákvörðun varðandi þátt tölvunnar í kennslunni og áhrif
hennar á uppbyggingu einstakra námskeiða. Ekki er unnt að
leiða hjá sér þá staðreynd, að notkun ýmiss konar forrita-
pakka við greiningu og hönnun eykst stórum á næstu árum.
Stefnan hlýtur því að vera á þann veg, að hætt verði að kenna
ýmsar hefðbundnar greiningar- og hönnunaraðferðir sem
urðu vinsælar á handreikningsskeiðinu, eingöngu vegna
þess að þær hentuðu til handreikninga. í stað þess þarf að
taka fræðin upp á æðra stig, það stig sem þau komust ekki
á fyrr en tölvan gerði flókna útreikninga mögulega. Jafnframt
þarf að veita nemendum miklu sterkari tilfinningu fyrir
forsendum verksins og þeirra aðgerða sem notaðar eru til að
greina og hanna það, ásamt kunnáttu í að meta þær niður-
stöður sem tölvan gefur. „Garbage in, garbage out.“
Forsendur þess að breytingar á námi i byggingarverkfræði
við HÍ eigi sér stað eru margar. í fyrsta lagi þarf að vera stað-
fest þörf fyrir hendi og er nægur nemendafjöldi einn þáttur
þar að. í öðru lagi þarf að vera nægur vilji fyrir hendi innan
skorarinnar sem utan til þess að framkvæma hverja breyt-
ingu. Síðan þarf að vera nægt fjármagn fyrir hendi, ef breyt-
ingin krefst aukinnar fjármögnunar. Enn fremur þurfa hæfir
kennararað veratil staðar, í föstum störfum hjá háskólanum.
Loks þarf viðeigandi húsnæði að vera til umráða.
Niöurlag
Hugmyndir þær að breytingum á námi í byggingarverk-
fræði, sem hér hafa verið nefndar, eru hvorki allar né að öllu
leyti runnarfrábrjósti höfundar. Undanfarin árhefurhöfundur
unnið að ýmsum tillögum til breytinga á náminu og lagt
margar þeirra fram innan skorarinnar, í þeim tilgangi að fá
fram að minnsta kosti umræðu, ef ekki ákvarðanir. Það sem
ritað hefur verið hér að ofan eru þvi hugmyndir sem hafa
þróast og breytst í samræðum við ýmsa áhugamenn um
þessi efni og er þar af leiðandi að hluta frá þessum aðilum
komið.
Heimildir
Árbækur háskólans.
Kennsluskrár VRD.
Kennsluskrár háskólans.
Rit VRD: Kennarar, stúdentar o.fl. 1969—1973
Ýmsar skrár í vörslu deiIdarfuIItrúa.
Verkfræðingatal.
Guðni Jónsson: Saga Háskóla íslands, 1961
Fyrirvari er tekinn varðandi tölugildi þau sem koma fram í
greininni, þar eð heimildum ber ekki alltaf saman.
SUnflMÍSHE
HÁTEIGSVEGUR 20
105 REYKJAVÍK - SÍMI 12811
Allar stærðir og
tegundir af
sumarbústöðum
18