Skinfaxi - 01.05.2024, Síða 11

S K I N FA X I 11
Lög Ungmennafélagsins Áss má finna á nýrri heimasíðu
ungmennafélagsins, www.umfás.is.
Hvatningar- og framfaraverðlaun voru veitt á stofnfundi ungmenna-
félagsins Áss. Ólöf Ósk Bjarnadóttir hlaut hvatningarverðlaunin og
Ásgeir Örn Sverrisson hlaut framfaraverðlaunin.
félagið Ármann eða Ungmennafélagið Skafta. Núna eru allir í Ung-
mennafélaginu Ási með sitt sameiginlega félagsmerki. Það verður
örugglega erfiðara fyrir okkur eldra fólkið að ná þessum breytingum,“
segir Fanney Ólöf.
Önnur breyting til góðs, að hennar mati, er að ný og uppfærð lög
hafa verið sett fyrir sameiginlegt félag. „Lögunum er ætlað að virkja
foreldra betur í starfinu og gefa þeim öllum færi á að koma að því. Það
er mjög jákvætt,“ segir Fanney Ólöf.
Fjölbreyttari greinar fyrir alla
Markmið Ungmennafélagsins Áss er að bjóða upp á fjölbreyttar æfing-
ar. Það sem er í boði fer eftir mannauðinum sem er til staðar, það er,
hverjir geta þjálfað og hafa tök á að fara úr vinnu til að þjálfa börnin.
„Núna erum við að bjóða upp á, fyrir ungu iðkendurna okkar, blak,
körfubolta, fótbolta, karate, badminton, ringó og borðtennis,“ segir
Fanney Ólöf.
Á kvöldin eru í boði sömu æfingar fyrir fullorðna fólkið á svæðinu.
„Við erum núna að reyna að virkja fullorðna fólkið okkar. Í vetur hófum
við einnig 60+ hreyfingu,“ segir Fanney Ólöf. Þar er í boði sund,
boccia og pokakast. Einnig býður ungmennafélagið reglulega upp
á fræðsluerindi. Þar hafa komið fyrirlesarar frá Reykjavík með fróðleg
erindi, til dæmis um næringu, mikilvægi hreyfingar og fleira.
Öflugt íþróttalíf
„Ég vil meina að íþróttalífið hjá okkur í Skaftárhreppi sé mjög öflugt,
þótt við séum fámenn. Þetta byggist samt á því að allir hjálpist að við
að láta þetta ganga upp,“ segir Fanney Ólöf.
Sveitarfélagið Skaftárhreppur styður mjög vel við ungmennafélagið
ásamt fyrirtækjum í sveitinni, sem gera það árlega. Stuðningurinn fyrir-
tækjanna gerir félaginu kleift að bjóða iðkendum upp á lægri æfinga-
gjöld.
Einn af stærri þáttunum í sameiningarmálunum var að í byrjun árs
2023 var ráðinn íþrótta- og æskulýðsfulltrúi. „Sá heitir Sigurður Eyjólfur
Sigurjónsson. Sú ráðning var algert lykilatriði til að geta sinnt íþrótta-
málunum svona vel. Undirbúningur fyrir sameiningu félaganna lenti til
dæmis mikið á íþróttafulltrúanum. Hann sér einnig um mörg verkefni
sem formaður og stjórn þyrftu annars að gera í sjálfboðavinnu á kvöld-
in og um helgar,“ segir Fanney Ólöf að lokum.
Takk fyrir stuðninginn