Skinfaxi - 01.05.2024, Page 29

S K I N FA X I 29
Kári Garðarsson hóf störf sem
handboltaþjálfari hjá Íþróttafélag-
inu Gróttu árið 2002 og var þar
næstu 22 árin, þar af frá 2015 á
skrifstofu félagsins. Hann hætti
störfum í byrjun ársins 2024.
Í hverju var starfið aðallega fólgið?
Að sjá um rekstur félagsins í heild
sinni, hafa yfirsýn yfir þau mál sem
í gangi voru og verkstjórn, fram-
fylgja stefnumótun, rekstur mann-
virkja, viðburðahald og í raun svo
margt, margt fleira.

Mæli með því að vinna
hjá íþróttafélagi
Kári Garðarsson var framkvæmdastjóri
Gróttu á Seltjarnarnesi. Hann segir erfið mál
geta tekið á.
Hvað var mest krefjandi (erfiðast)
í starfinu?
Fjárhagur meistaraflokka er alltaf
krefjandi og mikilvægt að líta í
hverja krónu. Erfið mál sem kunna
að koma upp taka einnig oft nokk-
uð á. Það er mikill auður í þeim
sjálfboðaliðum sem starfa fyrir
hreyfinguna en það er stundum
þannig að stjórnarmenn skilja ekki
hlutverk sitt og/eða starfsmanna
og skortur á stuðningi stjórnar-
manna getur haft mikil áhrif á þá
starfsmenn sem vinna á skrifstof-
um félaganna. Á sama tíma er það
hin hliðin á þeim peningi þar sem
stjórnarmenn sýna starfsfólki stuðn-
ing og létta undir með starfinu og
þar með félaginu, það er ómetan-
legt.

Hvernig var vinnutíminn?
Það er í raun erfitt að segja. Allflest
verkin eru unnin á hefðbundnum
dagvinnutíma. Þó er ekki hægt
að líta framhjá því að þegar sjálf-
boðaliðinn er búinn með sinn
vinnudag hefst sjálfboðavinnan
fyrir félagið. Þá þarf maður oftar
en ekki að vera tilbúinn að taka
símann og/eða mæta til funda.
Þannig að í raun þarf maður að
vera til taks flesta daga ársins nán-
ast á öllum tímum sólarhringsins.

Hafa þessi störf eitthvað breyst
frá því að þú byrjaðir í þessu?
Það er aukin meðvitund og aukn-
ar kröfur gerðar til íþróttafélaga,
kannski sem betur fer. Samskipta-
ráðgjafi hjálpaði eitthvað en þó
fannst mér oft skorta á skýrleika
hvaða mál ættu heima hjá ráðgjaf-
anum og hvaða mál ættu það
ekki. Að mínu mati ættu ÍSÍ og
UMFÍ, héraðssambönd og sveitar-
félög að sinna ýmsu sem hvert og
eitt íþróttafélag er oftar en ekki að
gera hvert í sínu horni. Má þar
nefna bókhald og fjármálaumsýslu,
utanumhald, ráðgjöf og eftirfylgni
erfiðra mála, áætlanir og verklags-
reglur o.s.frv.

Áttu einhver góð ráð til þeirra
sem eru í þessum störfum eða eru
að spá í að sækja um slíkt starf?
Ég myndi alltaf mæla með því að
vinna hjá íþróttafélagi og/eða í
íþróttahreyfingunni. Þetta eru lif-
andi og skemmtileg störf þar sem
hver dagur er ólíkur þeim næsta.
Jón Júlíus Karlsson hóf störf sem
framkvæmdastjóri hjá Ungmenna-
félaginu Aftureldingu í ársbyrjun
2017 og starfaði hjá félaginu í rúm
þrjú ár, eða fram í apríl 2020. Hann
tók svo við starfi framkvæmda-
stjóra hjá Ungmennafélagi Grinda-
víkur í kjölfarið og lét af störfum
þar í lok september 2023. Samtals
starfaði hann í tæp sjö ár sem fram-
kvæmdastjóri hjá íþróttafélagi.
Í hverju var starfið aðallega fólgið?
Starfið er umfangsmikið og fjöl-
mörg verkefni sem hvíla á fram
kvæmdastjóra í íþróttafélagi. Í mín-
um störfum hélt ég einkum utan
um fjárreiður félagsins og deilda.
Í raun og veru var ég að stýra fjár-
málum, bókhaldi, markaðsstarfi,
viðburðahaldi, mannauðsmálum,
samskiptum við hagaðila og fjöl-
Samskipti þurfa að
vera faglegri
Jón Júlíus Karlsson segir mikið álag fylgja
því að vera framkvæmdastjóri hjá íþrótta- og
ungmennafélagi með margar deildir.
mörgum öðrum verkefnum sem
koma upp í starfi íþróttafélags.
Hvað var mest krefjandi (erfiðast)
í starfinu?
Það sem hefur reynst mér erfiðast
í starfi hjá íþróttafélagi er einkum
tvíþætt. Það er mikið álag að vera
framkvæmdastjóri hjá stóru íþrótta-
félagi með margar deildir. Það
þarf að halda mörgum boltum í
lofti samtímis og oft er lítið svig-
rúm til þess að fara í frí og ná að
endurnýja starfsorku.
Samskipti geta oft á tíðum verið
svolítið krefjandi og eru á margan
hátt örlítið óvægin innan íþrótta-
hreyfingarinnar. Það er ekki allra
að standa í slíkum samskiptum,
sem oft á tíðum geta verið ansi
persónuleg. Ég vona að þetta
breytist á komandi árum en fjöl-
margir kollegar mínir hjá íþrótta-
félögum nefna einmitt þennan
punkt að samskipti innan íþrótta-
félaga þurfi að vera faglegri og
meira í takt við það sem þekkist
innan atvinnulífsins.
Hvernig var vinnutíminn?
Vinnutíminn var mjög breytilegur
og stjórnaðist oft af viðburðum
innan félagsins. Einnig fara flestir
fundir fram utan hefðbundins
vinnutíma, eftir að vinnutíma hjá
sjálfboðaliðum lýkur. Það var því
mjög auðvelt að klukka 10–12
klukkustunda vinnudag ef íþrótta-
viðburður var síðan um kvöldið
sem dæmi. Vinnutíminn var því
frekar breytilegur en líka sveigjan-
legur til að hægt væri að taka sér
frí á móti löngum vinnudögum.
Hafa þessi störf eitthvað breyst
frá því að þú byrjaðir í þessu?
Í þessi tæpu átta ár sem ég starf-
aði sem framkvæmdastjóri var
starfið mjög áþekkt ár frá ári og
ég hef ekki séð nein teikn á lofti
um að það verði frekari breyting-
ar á starfinu nema að skrifstofur
hjá íþróttafélögum verði stórefld-
ar með auknum starfsgildum.
Áttu einhver góð ráð til þeirra
sem eru í þessum störfum eða eru
að spá í að sækja um slíkt starf?
Þau ráð sem ég get gefið til þeirra
sem eru í þessum störfum eða hafa
áhuga á að leiða íþróttafélög eru
eftirfarandi:
• Læra þá list að segja nei (fram-
kvæmdastjóri á ekki að gera
allt).
• Passa upp á að vera ekki
aðgengilegur allan sólarhring-
inn. Framkvæmdastjórar þurfa
líka að geta kúplað sig út úr
vinnunni þegar heim er komið
eða þegar áhugamálum er
sinnt. Mjög mikilvægt er að
hleypa ekki öllum samskiptum
inn á samfélagsmiðla.
• Vera jákvæður og sýna
umburðarlyndi.
• Vera heiðarlegur í starfi og í
samskiptum.