Tímarit lögfræðinga - 01.08.2024, Blaðsíða 13

159
Andri Fannar Bergþórsson
þegar hann býr yfir innherjaupplýsingum sem varða viðkomandi
fjármálagerning.16
Þrátt fyrir það eru tilvik þar sem litið er svo á að aðili
hafi ekki notað innherjaupplýsingarnar í viðskiptum. Það
eru þau tilvik þar sem ljóst er að innherji hafi ekki notað
innherjaupplýsingarnar í viðskiptum á kostnað þriðju aðila
sem búa ekki yfir innherjaupplýsingum.17 Ef engin misnotkun
innherjaupplýsinga er til staðar er ekki um innherjasvik að ræða
í skilningi 1. mgr. og 14. gr. MAR.18
Í MAR eru talin upp nokkur tilvik þar sem ljóst er að ekki er
um misnotkun innherjaupplýsinga að ræða og þar af leiðandi ekki
innherjasvik. Upptalninguna er að finna í 9. gr. reglugerðarinnar.
Má þar nefna gjaldfallna samningsskyldu sem fjallað er um í
3. mgr. ákvæðisins. Samkvæmt málsgreininni teljast það ekki
innherjasvik að uppfylla gjaldfallna samningsskyldu, eins og
t.d. framvirkan samning vegna hlutabréfakaupa sem er kominn
á gjalddaga, þrátt fyrir að búa yfir innherjaupplýsingum um
hlutabréfin þegar skyldan er uppfyllt. Viðkomandi má hins
vegar ekki búa yfir innherjaupplýsingum um hlutabréfin þegar
framvirki samningurinn er gerður.19
Tökum sem dæmi aðila sem gerir framvirkan samning við
banka um kaup á hlutabréfum í X hf. sem er skráð á skipulegum
16 Sjá t.d. umfjöllun hjá Aðalsteini E. Jónassyni, op.cit., 390­393 og hjá
Jesper Lau Hansen: „Article 8: Insider Dealing“, 223­226.
17 Sjá 52. mgr. Spector­málsins.
18 Í a­lið 14. gr. MAR er bannið sjálft að finna en í 1. mgr. 8. gr. er háttsemin
innherjasvik skilgreind.
19 3. mgr. 9. gr. MAR segir orðrétt: „Að því er varðar 8. og 14. gr. telst það
eitt að aðili búi yfir innherjaupplýsingum ekki jafngilda því að hann hafi
notað þær upplýsingar og þar með framið innherjasvik á grundvelli kaupa
eða sölu ef hann á í viðskiptum til að kaupa eða selja fjármálagerninga og
þau viðskipti fara fram til að standa í góðri trú við skuldbindingu sem er
gjaldfallin en ekki til að sniðganga bann gegn innherjasvikum og: a) að sú
skuldbinding er vegna fyrirmæla sem lögð voru fram eða samnings sem
gerður var áður en hlutaðeigandi aðili komst yfir innherjaupplýsingarnar
eða b) ráðist er í viðkomandi viðskipti til að uppfylla skyldu samkvæmt
lögum eða reglum sem stofnaðist áður en hlutaðeigandi aðili bjó yfir
innherjaupplýsingunum.“