Tímarit lögfræðinga - 01.08.2024, Blaðsíða 28

174
Innherjasvik og opinber birting innherjaupplýsinga
nálgast upplýsingarnar án þess að brjóta gegn friðhelgi einkalífs,
eignarrétti eða trúnaði.62
Í öðru lagi er spurning hvort upplýsingarnar þurfi að vera
aðgengilegar almenningi án endurgjalds til að teljast opinberar.
Samstarfsnefnd evrópskra eftirlitsaðila á verðbréfamarkaði,
CESR,63 sem er forveri ESMA,64 tiltók sérstaklega í leiðbeiningum
sínum frá 2007 að innherjaupplýsingar gætu talist opinberar
þegar þær væru aðgengilegar á upplýsingaveitu gegn gjaldi.65
Telja verður að túlkun CESR eigi einnig við um MAR í ljósi þess
að skilgreiningin á hugtakinu innherjaupplýsingar hefur ekki
breyst mikið efnislega frá MAD og ESMA hefur ekki fjallað um
álitaefnið í sínum leiðbeiningum.66 Þar að auki byggja bæði þýska
fjármálaeftirlitið, BaFin,67 og breska fjármálaeftirlitið, FCA,68 á
sambærilegri túlkun í sínum leiðbeiningum.69
Í þriðja lagi felur krafan um aðgengileika í sér að upplýsingarnar
þurfi að hafa náð tiltekinni útbreiðslu til að teljast opinberar. Við
mat á því þarf að hafa í huga með hvaða hætti og í hvaða miðli
upplýsingunum er dreift. Ef aðgangurinn að viðkomandi upplýsinga­
veitu er takmarkaður, hann t.d. er einungis ætlaður afmörk uðum
hópi fjárfesta, myndi slík dreifing ekki teljast fullnægjandi.70
62 FCA Handbook: MAR Market Conduct. MAR 1 Market Abuse. Financial
Conduct Authority (FCA) 32. útg. 2024, grein 1.2.12. Sótt 11. janúar 2024
á https://www.handbook.fca.org.uk/handbook/MAR.pdf. Sjá einnig
Edward Greene og Olivia Schmid: „Duty­Free Insider Trading?“. Columbia
Business Law Review 2013, 369­428 (413).
63 CESR er skammstöfun fyrir Committee of European Securities Regulators.
64 ESMA er skammstöfun fyrir European Securities and Markets
Authority eða evrópska verðbréfa­ og markaðseftirlitið.
65 CESR/06-562b, op.cit., 5.
66 Sjá t.d. umfjöllun hjá Carsten Gerner­Beuerle, op.cit., 685.
67 BaFin er stytting á: „Bundesanstalt für Finanzdienstleistungsaufsicht“.
68 FCA er stytting á: „Financial Conduct Authority“.
69 Sjá 6, 5, 9­10. Sótt 18. janúar 2024 á https://www.bafin.de/EN/Aufsicht/
Boersen Maerkte/Emittentenleitfaden/Modul3/Kapitel1/Kapitel1_2/
Kapitel1_2_1/kapitel1_2_1_node_en.html og FCA Handbook: MAR Market
Conduct., op.cit., 5. Sjá einnig umfjöllun hjá Carsten Gerner­Beuerle, op.cit., 685.
70 Sjá t.d. umfjöllun í Module C. Requirements based on the Market Abuse
Regulation (MAR), op.cit., 9­10.